19/07/2026
اہلیانِ گاؤں بابو تنگ کی جانب سے MNA اور MPA صاحبان سے اپیل
ہم اپنے معزز MNA اور MPA صاحبان سے مؤدبانہ گزارش کرتے ہیں کہ قبرستان سے لے کر بابو تنگ اسکول تک سڑک انتہائی خستہ حال ہو چکی ہے۔ اس سڑک پر بارش اور گندے پانی کی وجہ سے ہر وقت پانی کھڑا رہتا ہے، جس کے باعث طلبہ، بزرگوں، خواتین اور عام شہریوں کو شدید مشکلات کا سامنا کرنا پڑتا ہے۔
یہ سڑک گزشتہ 25 سال سے نظر انداز کی جا رہی ہے اور آج تک کسی بھی منتخب نمائندے نے اس کی مستقل تعمیر پر توجہ نہیں دی۔
ہم مطالبہ کرتے ہیں کہ:
- قبرستان سے بابو تنگ اسکول تک سڑک کی فوری تعمیر کی جائے۔
- سڑک کے ساتھ مناسب نکاسیٔ آب (نالہ) بھی بنایا جائے تاکہ بارش اور گندا پانی جمع نہ ہو۔
- اس منصوبے کو ترجیحی بنیادوں پر مکمل کیا جائے تاکہ اہلِ علاقہ کو مستقل ریلیف مل سکے۔
ہم امید کرتے ہیں کہ ہمارے منتخب نمائندے عوام کی مشکلات کو محسوس کرتے ہوئے اس دیرینہ مسئلے کو جلد از جلد حل کریں گے۔
اہلیانِ گاؤں بابو تنگ
