Imam e Abu Hanifa High School Hangu

28/03/2026

د ښوونځي د ادارې له خوا ټولو هغو خارج زده‌کوونکو ته خبر ورکول کېږي، چې مخکې یې زموږ په ښوونځي کې زده‌کړه کړې ده او اوس په کورونو کې دي، خو د هغوی سه پارچې (سرټیفیکیټونه) لا هم د ښوونځي سره پاتې دي:
له هغوی څخه هیله کېږي چې ژر تر ژره ښوونځي ته مراجعه وکړي او خپل اسناد ترلاسه کړي.

25/02/2026

إنا لله وإنا إليه راجعون 🤍

په ډېرې خواشینۍ سره خبر شوو چې زموږ د لیسې پخوانی سرمعلم، حاجي سیف الرحمن سیفي صاحب له دې فاني نړۍ څخه سترګې پټې کړې.

مرحوم نېږدې دېرش (۳۰) کاله د هنګو د کټه کاڼي لیسې په چوکاټ کې په پوره اخلاص، دیانت او مسئولیت سره خدمت ترسره کړ. هغه د نظم، اخلاقو او علم یو روښانه مثال و او د سلګونو زده کوونکو د روزنې ستره برخه یې په غاړه لرله.

د لیسې اداره، استادان او زده کوونکي د هغه په یاد کې فاتحه ترسره کړه او د لوی خدای (ج) له درباره مو ورته د مغفرت دعا وکړه.

الله تعالی دې مرحوم ته جنت الفردوس نصیب کړي او درنې کورنۍ ته دې صبر جمیل عطا فرمایي.
یاد به یې تل زموږ د ادارې او زده کوونکو په زړونو کې ژوندی وي. 🤲

24/02/2026

په ډيرې خواشينۍ سره تاسو قدرمندو ته خبر درکوو
چې زمونږ د ښوونځي پخوانې سرمعلم صیب حاجي سيف الرحمان حنفي د ورپيښې ناروغي له امله په حق رسېدلی الله ج دې مرحوم ته اووه واړه جنتونه سره له ټولو مرحومو مسلمانانو ورپه برخه کړي
د نوموړي خدمتونه د علم او پوهې په ډګر کې د هېرېدو نه دي رب کریم دی ورته هغه دنیا ښکلی کړي

04/02/2026

🌹 🌹 د یو ریښتیني استاد یاد 🌹🌹
استاد سیدا ګل یوازې زموږ استاد نه و، هغه زموږ د ماشومتوب برخه و، زموږ د سباوون بنسټ و، او زموږ د ژوند د لارې یو رڼا ورکونکی څراغ و.
کلونه کلونه یې د کټه کاڼي په ابتدایه ښوونځي کې، له بې‌ادعا زړ‎ه، له بې‌ساري صبر او له پوره اخلاصه ماشومانو ته زده کړه ورکړه. نه یې ستړیا پېژندله، نه یې شکایت، او نه یې کله د خپلې دندې سپکاوی وکړ.
هغه سړی چې ښوونځی ورته یوازې دندہ نه وه، بلکې عبادت و.
حتی د ژوند تر وروستیو شیبو پورې، کله چې بدن کمزوری شوی و، خو اراده یې لا هم د تورې په څېر ټینګه وه—ښوونځي ته به تللو، ځکه چې د ماشومانو راتلونکی ورته تر خپل درد ډېر مهم و.
نن کلونه تېر شوي، خو لا هم د هغه غږ د ټولګي په دیوالونو کې انګازې کوي.
لا هم د هغه لاس‌لیک زموږ د زده کړې په پاڼو کې ژوندی دی.
لا هم د هغه دعاګانې زموږ په بریاوو کې شاملي دي.
استاد صیب!
ته لاړې، خو شا دې تشه پرېنښوده—تا نسلونه پرېښودل.
ته چوپ شوې، خو علم دې غلی نه شو.
ستا نوم به ښايي په کتابونو کې نه وي لیکل شوی، خو ستا نوم زموږ په ژوند لیکل شوی دی.
روح دې ښاد وي، ګرانه استاده 🤍
الله دې ستا هره لحظه د صدقې په حساب ومني،
ستا قبر دې د جنت له باغچو څخه یو باغچه کړي،
او موږ ته دې توفیق راکړي چې ستا د خدمت قدر هېر نه کړو 🌸
ځینې استادان خاورې کېږي، خو تاریخ جوړوي…

02/12/2025

🌟 د درناوي او مننې شېبې 🌟

زموږ په ښوونځي کې محترم استاد سیدالرحمن صاحب د کلونو راهیسې د تعلیمي کمیټې د رئیس په توګه په ډیر صداقت، مینې او مسلکیتوب سره دنده ترسره کړې ده.
نن یې موږ لپاره د ویاړ ورځ ده او هم د جلا کېدو شېبې… ځکه چې استاد صاحب غواړي خپل پلرني ټاټوبي، افغانستان ته ستانه شي. 🇦🇫

د هغه د نه ستړې کېدونکو هڅو، خدمتونو او ښوونیزو لاسته‌ راوړنو د قدر په ویاړ موږ یوه ځانګړې ویډیو چمتو کړې او هم مو د ستاینلیک په ورکولو سره د هغوی مقام نازولی دی. 🎖️

ګرانه استاد صاحب!
ستاسو هڅې زموږ په زړونو نقش شوي دي.
موږ به مو د دعاوو په امان سپارو.
الله مو مل شه، هر قدم مو پر خیر او برکت وي. 🤲💛

14/11/2025

✨ مونږ په خپل ښوونځي کې د صدقې یوه ښکلې ورځ درلوده! ✨

نن زموږ د ښوونځي زده‌کوونکو، استادانو او اداري ټیم په ګډه صدقې ترسره کړه.
په دې نیک کار کې مو د ښوونځي ټولو زده‌کوونکو ته خوراکي توکي وویشل او د خوشحالۍ شیبې مو سره شریکې کړې.

دا ډول وړې – خو په معنا سترې – چارې د مهربانۍ، یووالي او انساني احساساتو ښکلی ثبوت دی.
خدای دې زموږ نیکې چارې قبول کړي او ټولو ګډونوالو ته دې خیر او برکت ورکړي. 🤲💛


#ښوونځی
#مهرباني

#خیرات

11/11/2025

🧬 ستړې نړۍ — د ژوند بنسټ "حجره"

هر ژوندی موجود، له تر ټولو کوچني بکتریا څخه تر انسان پورې، د یوه حیرانوونکي جوړښت پر بنسټ ولاړ دی — هغه ده حجره.
دا کوچنی ژوندی واحد، د ژوند تر ټولو لومړنی بنسټ دی؛ همدلته ژوند پیلېږي، همدلته ختمېږي.

په حجره کې داسې کوچني ماشینونه کار کوي چې هر یو یې خپل ځانګړی دنده لري — ځینې انرژي جوړوي ⚡، ځینې معلومات انتقالوي 📡، او ځینې د ژوند بڼه ساتي 💚.

کله چې ته پوهېږې چې د یوه انسان په بدن کې شاوخوا ۳۷ ټریلیونه حجرې شته، نو احساس به کړې چې څومره عظیم جوړښت لرو!

خپرونکی: د امام ابوحنیفه عالي لیسې د نشراتو څانګې مسول ( ابوبکر صدیق)

31/10/2025

10/09/2025

نن زموږ د ښوونځي لپاره د ویر او خوشحالۍ ګډه ورځ ده. سر معلم پاینده خان سیفي صاحب چې درې کاله یې په مینه، زحمت او خدمت سره زموږ د ښوونځي لپاره کار کړی دی، اوس له موږ څخه جلا کېږي.

هغه زموږ د زده کوونکو د پوهې څراغ روښانه کړ او د ښوونې په ډګر کې یې نه هیرېدونکي خدمتونه وکړل. 🙏📚

موږ د هغه له ټولو هڅو، زحمتونو او قربانیو مننه کوو او د زړه له کومي ورته د راتلونکي په ژوند کې د بریاوو هیله کوو. 🌸✨

سر معلم پاینده خان سیفي صاحب! ستاسو ځای به تل زموږ په زړونو کې وي. ❤️

03/09/2025

📢✨ د نوي درسي کال ځانګړې خبرتیا ✨📢

درنو والدینو، ګرانقدر ښوونکو او ګرانو زده‌کوونکو ته په ډېر درنښت سره خبر ورکوو، چې زموږ د ښوونځي د نویو درسونو بهیر به د ۲۰۲۵م کال د سپتمبر په ۸ مه نېټه، د دوشنبې په ورځ په شانداره ډول پیل شي. 🎉📚

ټول شاګردان دې هڅه وکړي چې:
✅ د ښوونځي ځانګړی یونيفورم واغوندي،
✅ له کتابونو او درسي لوازمو سره بشپړ تیار حاضري شي،
✅ د نظم او حاضري اصولو ته جدي پاملرنه وکړي.

راځئ د زده‌کړو نوی کال په نوې هیله، نوې انرژۍ او ښکلو هدفونو سره پيل کړو. 🌟✏️

نوټ: داخلې هم جریان لري

په درنښت او مینه ❤️
د ښوونځي اداره 🏫