29/09/2026
اپیل برائے تعاون۔۔۔۔
آج ابوبکر سر کے حوالے سے ایک انتہائی اہم مسئلے پر بات کرنی ہے، براہِ کرم اسے نظر انداز نہ کریں بلکہ شئیر کریں !
ابوبکر سر وہ شخصیت ہیں جنہوں نے اپنی زندگی کا ایک بڑا حصہ ہمارے بچوں کی تعلیم، تربیت اور اصلاح میں گزارا۔ وہ CMS کالج کے پرنسپل رہے، جہاں سینکڑوں طلبہ نے ان سے تعلیم حاصل کی۔ ایک استاد صرف کتاب نہیں پڑھاتا، وہ نسلیں بناتا ہے، اور ابوبکر سر نے بھی اپنی زندگی میں یہی خدمت انجام دی۔
تقریباً ایک سال قبل وہ شدید بیمار ہوئے اور انہیں جگر کی پیوند کاری سے گزرنا پڑا۔ اللہ تعالیٰ نے وہ مشکل مرحلہ آسان فرمایا، لیکن بدقسمتی سے اب ان کے گردے بھی فیل ہو چکے ہیں اور وہ گزشتہ کئی ماہ سے ڈائلاسز پر ہیں۔
الحمدللہ، ان کے لیے گردہ عطیہ کرنے والا ڈونر موجود ہے، مگر گردے کی پیوند کاری کے آپریشن اور متعلقہ اخراجات کے لیے تقریباً 35 لاکھ روپے درکار ہیں۔ آپریشن کا وقت قریب آ چکا ہے، لیکن اس وقت ان کے پاس یہ رقم موجود نہیں۔
چند دن پہلے میری ابوبکر سر سے ملاقات ہوئی۔ وہ تازہ ڈائلاسز کروا کر کرائے کی گاڑی میں ہسپتال سے واپس آئے تھے۔ ان کی حالت دیکھ کر مجھے بہت تکلیف ہوئی۔ اسی ملاقات میں جب میں نے ان سے علاج اور اخراجات کے بارے میں پوچھا تو انہوں نے بتایا کہ بیماری کے دوران اپنی تمام جمع پونجی علاج پر خرچ کر چکے ہیں، بلکہ تقریباً 30 لاکھ روپے قرض بھی لے چکے ہیں۔
ابوبکر سر ایک باعزت اور خوددار انسان ہیں۔ وہ اپنی ضرورت لے کر لوگوں کے دروازے پر جانے والے شخص نہیں، شاید اسی خودداری کی وجہ سے وہ آج بھی اپنے لیے مدد مانگنے سے گریز کرتے ہیں۔
لیکن کیا ہم انہیں اس مشکل وقت میں اکیلا چھوڑ سکتے ہیں؟
ایک ایسا شخص جس نے اپنی زندگی ہمارے بچوں کا مستقبل سنوارنے میں گزاری، آج خود زندگی کے ایک انتہائی مشکل مرحلے سے گزر رہا ہے۔
ہم سب کا فرض بنتا ہے کہ ایسے وقت میں اپنے اساتذہ اور محسنوں کا ساتھ دیں۔ جو لوگ ہماری نسلوں کو تعلیم دیتے ہیں، ان کی خدمات کا حق صرف الفاظ سے ادا نہیں ہوتا؛ مشکل وقت میں ان کا ہاتھ تھامنا بھی ہماری ذمہ داری ہے۔
آج ابوبکر سر کو ہماری دعاؤں، توجہ اور عملی تعاون کی ضرورت ہے۔ اگر ہم میں سے ہر شخص اپنی استطاعت کے مطابق حصہ ڈالے تو شاید ہم مل کر ان کے علاج اور آپریشن کا یہ مشکل مرحلہ آسان بنا سکیں۔
آئیں، اپنے ایک استاد کا ہاتھ تھامیں۔
آئیں، اپنے محسن کو یہ احساس دلائیں کہ وہ اکیلے نہیں ہیں۔ یا اللہ! ابوبکر سر کو کامل صحت عطا فرما، ان کے علاج اور آپریشن کے تمام مراحل آسان فرما، ان کے لیے وسائل پیدا فرما، اور ہمارے تمام اساتذہ، محسنوں اور حقیقی ہیروز کو سلامت رکھ۔ مطاہر خان
سپورٹ کرنے کیلئے ابوبکر سر کے بینک اکاؤنٹ اور ایزی پیسہ نمبر
Meezan bank
12500105070938
Easypaisa
03369420493
