G.H.S NO 2 Hangu Official

ڈی ای او (M) ہنگو کی واضح ہدایات کی روشنی میں اور پرنسپل گورنمنٹ ہائی سکول نمبر 2 ہنگو کی رہنمائی میں آج شجرکاری مہم کے تحت سکول کے احاطے میں پودے لگائے گئے۔
اس اقدام کا مقصد ماحول کو سرسبز و شاداب بنانا اور شجرکاری کے فروغ کو یقینی بنانا ہے۔

سکول انتظامیہ کی طرف سے اپنے تمام سابقہ و زیرتعلیم طلبہ کرام کو عید الفطر کی ڈھیر ساری خوشیاں مبارک ہو۔

امریکہ ایران جنگ کے باعث جنم لینے والے توانائی بحران پر قابو پانے اور اس کے اثرات کو کم کرنے کیلیے صوبائی حکومت نے فیول بچت کیلیے جمعہ اور ہفتے کو تمام تعلیمی ادارے بند رکھنے کا فیصلہ کیا ہے جو دو ماہ تک یا تا حکم ثانی جاری رہے گا۔ طلبہ اور والدین نوٹ فرمائیں۔

کوہاٹ بورڈ کے زیر انتظام نہم ودھم سالانہ امتحان اول 2026 31 مارچ سے شروع ہو رہا ہے۔ 31 مارچ کو دھم اسلامیات کا پہلا پیپر ھوگا۔ نہم ودھم کے طلبہ اپنی پڑھائی پر خاص توجہ دے۔

صوبائی حکومت اور ڈی ای او ھنگو کے ہدایات کی روشنی میں آج 5 فروری کو یوم یکجہتی کشمیر کے سلسلے میں گورنمنٹ ھائی سکول نمبر ھنگو میں ایک پروقار تقریب کا انعقاد کیا گیا۔ پروگرام کا باقاعدہ آغاز تلاوت قرآن پاک سے کیا گیا۔ بعد اذاں طلبہ نے قومی ترانہ، ملی نغمہ اور تقاریر کی زبان میں قومی یکجہی اور حب الوطنی کا پیغام دیا۔ سکول سٹاف کے مغزز ممبر جناب جمال حسین اور پرنسپل ادارہ ہذاہ نے کشمیر کا تاریخی پس منظر پیش کیا اس کے علاوہ کشمیر پر بھارت کے غاضبانہ قبضے، انسانی بنیادی حقوق کی پامالی اور ان پر ڈھانے والے مظالم کا تذکرہ کیا۔
آخر میں حاضریں محفل نے کشمیری بھائیوں سے یکجہتی کا اظہار کیا اور کی جدوجہد آذادی کی کامیابی کیلیے اجتماعی دعا کی

شدید سردی کی وجہ سے 31 جنوری تک صبح سکول 9 بجے کھولنے کا نوٹیفکیشن جاری کیا گیا تھاجو کہ ایکسپائر ہو چکا ہےلہذا کل 2 فروری سے محکمہ تعلیم کے موسم سرما کے اوقات کار کے مطابق مڈل ، ہائی اور ہائیر سیکنڈری سکول اپنے وقت 8:15 پر ہی کھلیں گے جبکہ پرائمری سکول 8:30 پر کھلیں گے۔

محکمہ تعلیم خیبر پختونخوا کے مطابق
موسمِ سرما کی تعطیلات کے بعد سمر زون کے تمام اسکول 16 جنوری 2026 بروز جمعہ سے دوبارہ کھل جائیں گے۔
شدید سردی کے پیشِ نظر 31 جنوری 2026 تک اسکولوں کی حاضری کا وقت صبح 9 بجے مقرر کیا گیا ہے۔
تمام والدین، اساتذہ اور طلبہ سے گزارش ہے کہ اس شیڈول کو مدِنظر رکھتے ہوئے بروقت اسکول حاضری یقینی بنائیں۔

سکول ہذاہ کےاستادمحترم جناب ضیاءالحق کے ماموں حمیداللہ وفات پاگئے ہیں نماز جنازہ کل 7 جنوری بروز بدھ بوقت 11 بجے شہیدانوں قبرستان میں اداکی جائے گی۔ مرحوم کی مغفرت اور ایصال ثواب کے لیےدعاؤں کی درخواست کی جاتی ہے۔

تعلیمی سال 2025–26 کے فرسٹ ٹرم امتحان کے نتائج کا باقاعدہ اعلان کر دیا گیا۔ اس موقع پر نمایاں پوزیشن حاصل کرنے والے طلبہ میں شاندار کارکردگی کے اعتراف میں ٹرافیاں اور انعامات تقسیم کیے گئے۔
یہ کامیابی طلبہ کی محنت، اساتذہ کی رہنمائی اور والدین کے تعاون کا نتیجہ ہے۔ ہم تمام کامیاب طلبہ کو دل کی گہرائیوں سے مبارکباد پیش کرتے ہیں اور دیگر طلبہ کے لیے نیک تمناؤں کا اظہار کرتے ہیں کہ وہ آئندہ مزید محنت کے ساتھ کامیابی حاصل کریں۔

آج فرسٹ سیمسٹرامتحان کا آغاز ڈی ای او مردانہ ہنگو جناب محمد شیراز خٹک کے واضح احکامات کی روشنی میں اور پرنسپل جناب نور ولی داد خان وزیر کی سربراہی میں کامیابی کے ساتھ کیا گیا۔

طلبہ نے امتحانی قواعد و ضوابط کے مطابق اپنی مقررہ نشستوں پر منظم طریقے سے بیٹھ کر بھرپور نظم و ضبط کا مظاہرہ کیا۔امتحان کا آغاز پُرسکون ماحول میں ہوا اور تمام انتظامات مکمل طور پر تسلی بخش رہے۔ اللہ پاک تمام طلبہ کو بہترین کامیابی عطا فرمائے ۔

گورنمنٹ ھائی سکول نمبر 2 ھنگو نے ڈویژنل سطح پر ملی نغمہ میں پہلی پوزیشن حاصل کرکے صوبائی مقابلوں کیلیے کوالیفائی کرلیا۔ قاری منظور اور اس کی ٹیم کو سکول انتظامیہ دلی مبارکباد پیش کرتی ہے۔

ڈویژنل سطح پر
گورنمنٹ ھائی سکول نمبر 2 ھنگو کے طالب علم قاری نثار احمد نے حسن قرات میں دوسری جبکہ قومی ترانہ گروپ کے طلبہ نے قومی ترانہ میں دوسری پوزیشن حاصل کرکے صوبائی مقابلوں کیلیے کوالیفائی کرلیا