23/08/2026
اسلامک فقہ اکیڈمی پاکستان کے زیرِ اہتمام ایک روزہ چھٹی سالانہ ورکشاپ جامعہ منصورہ ہالا میں منعقد ہوئی۔
منصورہ نیوز | ہالہ، سندھ 23 اگست بروز اتوار
========================
ورکشاپ میں فتویٰ نویسی کے آداب، پاکستان میں حلال غذائی نظام، دارالافتاء کی ذمہ داریاں، اسلامی بینکاری، اسلام کی دعوت اور دارالافتاء کی مرکزیت سمیت اہم علمی و فقہی موضوعات پر مختلف نشستیں ہوئیں۔
ورکشاپ محترم مولانا محمد احسن بھٹو صاحب، مہتمم جامعہ منصورہ ہالا، کی زیرِ سرپرستی منعقد ہوئی۔
جبکہ سیشن برائے اسلامی بینکاری میں جناب صبغت اللہ نوناری صاحب اور مفتی شیخ سفیان صاحب نے خصوصی گفتگو کی۔
ورکشاپ کی صدارت ناروے سے تشریف لائے مہمانِ خصوصی محترم ڈاکٹر مفتی نور اللہ خالد صاحب نے فرمائی۔
ورکشاپ میں ملک و بیرونِ ملک سے علماء کرام اور ماہرین نے شرکت کی، جن میں ڈاکٹر مفتی مصباح اللہ صابر صاحب، مفتی سلیمان لاشاری صاحب (جاپان)، مفتی سعد سعید صاحب، مفتی ولی محمد سہتو صاحب اور دیگر علماء و ماہرین شامل تھے۔
ورکشاپ میں سندھ اور بلوچستان سے علماء کرام مفتیان عظام نے شرکت کی۔ پروگرام کے اختتام پر مذاکرہ، پینل ڈسکشن، اختامی گفتگو اور دعا و نصائح کا اہتمام کیا گیا۔
اسٹیج سیکرٹری: حافظ سھیل ناصر صاحب نے نظامت کے فرائض سر انجام دیے۔
ورکشاپ کا مقصد علماء و مفتیانِ کرام کو عصری فقہی مسائل اور دارالافتاء کے عملی تقاضوں سے آگاہ کرنا تھا۔
رپورٹ: منصورہ میڈیا ٹیم
المنصورہ اسلامک میڈیا آفیشل
