I love my great prophet mohammad صلی اللہ علیہ وسلم

*🌹بِســــــــــمِﷲِالرَّحْمٰنِ الرَّحِیْمِ🌹*
*اَلصَّـلٰوةُوَالسَّـلَامُ عَلَیـْكَ یَارَسُـوْلَ اللّٰهﷺ*

*👈🏻اَلسَّلَامُ عَلَیْکُم وَرَحْمَةُ اللّٰهِ وَبَرَكَاتُه‌​*

*👈🏻🌙20 رجب المرجب 1443 ھِجْــرِی*

*👈🏻🗓️ 22 فروری 2022عِیسَوی​*

*👈🏻☀️ 10 پھاگن2078 بکـــــرمی*

*👈🏻منگل*

*👈🏻 ✍🏻آج کا پیغام 📜*
*✍🏻✨حضور نبیِّ پاک صلی اللہ تعالیٰ علیہ وآلہ وسلم نے ارشاد فرمایا: لوگوں پر مہربانی کرنا صدقہ ہے۔*

*📖 شعب الایمان، 6 / 343.*


*•┈┅❀دعاگو❀┅┈•*

🍃💚🍃💛🍃💜🍃💙🍃🤎🍃🤎
┊　　┊　　┊　　┊
┊　　┊　　┊ ❣
┊　　┊ ❣ 💚
┊ ❣ 💛
❣ 💙
💜

اس دنیا میں 13 قسم کے دل کے لوگ ہیں

آئیے ایک نظر میں دیکھتے ہیں کہ قرآن ان کی اقسام کیسے بیان کرتا ہے۔ آپ ان 13 اقسام کو سامنے رکھیں اور اپنے دل کو ٹٹول کر بتائیں آپ کس قسم سے تعلق رکھتے ہیں ؟

1۔ قلب سلیم (سورۃ الشعراء ، آیت 89)
اللّہ تعالیٰ کی نظر میں پہلا دل قلب سلیم ہے ‘ یہ وہ دل (لوگ) ہیں جو کفر‘ نفاق اور گندگی سے پاک ہوتے ہیں‘ قلب سلیم کے مالک لوگ ذہنی اور جسمانی گندگی بھی نہیں پھیلاتے اور یہ خود بھی نفاق اور کفر سے پاک رہتے ہیں اور دوسروں کو بھی ان سے بچا کر رکھتے ہیں‘ اللّہ تعالیٰ کو یہ دل اچھے لگتے ہیں۔

2۔ قلب منیب (سورۃ ق ، آیت 33)
دوسرا دل قلب منیب ہوتا ہے ‘یہ وہ دل (لوگ) ہیں جو اللّہ سے توبہ کرتے رہتے ہیں اور اس کی اطاعت میں مصروف رہتے ہیں‘آپ کو زندگی میں بے شمار ایسے لوگ ملیں گے جو سر تک اللّہ تعالیٰ کی اطاعت میں گم رہتے ہیں‘ ان لوگوں کی واحد نشانی توبہ ہوتی ہے‘ یہ اللّہ سے ہر وقت معافی اور توبہ کے خواستگار رہتے ہیں‘ اللّہ تعالیٰ منیب لوگوں کو بھی پسند کرتا ہے۔

3۔ قلب مخبت (سورۃ الحج ، آیت 54)
تیسرا دل قلب مخبت ہے ‘ یہ وہ دل (لوگ) ہیں جو جھکے ہوئے مطمئن اور پرسکون ہوتے ہیں‘ میں نے زندگی میں عاجز لوگوں کو مطمئن اور پرسکون پایا‘ آپ بھی اگر سکون اور اطمینان چاہتے ہیں تو آپ بھی عاجزی اختیار کر لیں آپ کو سکون کی دوا نہیں کھانا پڑے گی۔

عاجزی وہ واحد عبادت ہے جس کے بارے میں رسول اللّہ ﷺ نے فرمایا تھا’’جو کوئی بھی اللّہ کے لیے جھکتا ہے (عاجزی اختیار کرتا ہے) اللّہ اس کو بلند کر دیتا ہے ‘‘چنانچہ اللّہ تعالیٰ کو مخبت دل بھی پسند ہیں۔

4۔ قلب وجل (سورۃ المؤمنون ، آیت 60)
چوتھا دل قلب وجل ہے‘ یہ وہ دل (لوگ) ہیں جو نیکی کے بعد بھی یہ سوچ کر ڈرتے رہتے ہیں کہ معلوم نہیں اللّہ تعالیٰ ہماری یہ نیکی قبول کرے یا نہ کرے‘ یہ لوگ ہر لمحہ اللّہ کے عذاب سے بھی ڈرتے رہتے ہیں‘ یہ بنیادی طور پر تاریخ پر گہری نظر رکھنے والے لوگ ہوتے ہیں‘ یہ جانتے ہیں اللّہ نے اپنے انبیاء کی بی سرزنش کی تھی ‘ ہم کس کھیت کی مولی ہیں چنانچہ یہ اپنی بڑی سے بڑی نیکی کو بھی حقیر سمجھتے ہیں‘ اللّہ کو یہ دل بھی پسند ہیں۔

5۔ قلب تقی (سورۃ الحج ، آیت 32)
پانچواں دل قلب تقی ہے‘ یہ وہ دل (لوگ) ہیں جو اللّہ تعالیٰ کے شعائر کی تعظیم کرتے ہیں‘ ہم میں سے بے شمار ایسے لوگ ہیں جو شعائر اللّه پر مکمل عمل نہیں کر پاتے تاہم یہ ان شعائر کی عبادت کی طرح تعظیم کرتے ہیں‘ یہ لوگ اگر کسی مجبوری سے عبادت نہ کر سکیں تو بھی یہ روزہ داروں کے سامنے کھاتے پیتے نہیں ہیں اور یہ نماز اور اذان کے وقت خاموشی اختیار کرتے ہیں‘ اللّہ تعالیٰ کو یہ لوگ بھی پسند ہیں۔

6۔ قلب مہدی (سورۃ التغابن ، آیت 11)
چھٹا دل قلب مہدی ہے‘یہ وہ دل (لوگ) ہیں جو اللّہ کے فیصلوں پر بھی راضی رہتے ہیں اور یہ اللّہ کے احکامات کو بھی بخوشی قبول کر لیتے ہیں‘ آپ نے ایسے لوگ دیکھے ہوں گے جو ہر برے واقعے کے بعد کہتے ہیں جو اللّہ کی مرضی‘ جو اللّہ چاہے‘ اللہ تعالیٰ کو یہ لوگ بھی پسند ہیں‘ میں نے زندگی میں کبھی ایسے لوگوں کو خسارے میں نہیں دیکھا‘ اللّہ تعالیٰ ہمیشہ ان کے لیے برائی کے اندر سے اچھائی نکالتا ہے‘ لوگ ان کے لیے شر کرتے ہیں لیکن اللّہ اس شر سے خیر نکال دیتا ہے۔

7۔ قلب مطمئن (سورۃ الرعد ، آیت 28)
ساتواں دل قلب مطمئن ہے‘ یہ وہ دل (لوگ) ہوتے ہیں جن کو اللّہ کی توحید اور ذکر سے سکون ملتا ہے‘ قلب مطمئن بنیادی طور پر صرف اور صرف اللّہ پر یقین رکھتا ہے‘ یہ دن رات اللہ کا ذکر (تسبیحات) بھی کرتا رہتا ہے‘تسبیحات کرنے والے لوگ واقعی مطمئن اور خوش رہتے ہیں‘ آپ بھی اگر ملال اور حزن سے بچنا چاہتے ہیں تو آپ تسبیح شروع کر دیں‘ آپ کا دل اطمینان اور خوشی سے بھر جائے گا‘ درود شریف اور اللّه کی تعریف کرنا بہترین تسبیحات ہیں جیسے سبحان اللّه الحمداللہ پہلا کلمہ اللّه ھو اکبر آپ ان کو معمول بنا لیں ‘ اللّہ کو یہ لوگ بھی پسند ہیں۔

8۔ قلب حئی (سورۃ ق ، آیت 37)
آٹھواں دل قلب حئی ہے ‘ یہ وہ دل (لوگ) ہیں جو اللّہ کی نافرمان قوموں کا انجام سن کر ان سے عبرت اور نصیحت حاصل کرتے ہیں‘ ہم میں سے جو لوگ کم تولنے‘ جھوٹ بولنے‘ شر پھیلانے‘ شرک‘ کفر اور تکبر کرنے‘ برائی کی ترویج کرنے اور بچوں‘ عورتوں اور جانوروں پر ظلم کرنے والوں کا انجام سن اور دیکھ کر توبہ کر لیتے ہیں اور اپنی زندگیاں ان گناہوں سے پاک کر لیتے ہیں اللّہ کی نظر میں وہ لوگ قلب حئی ہوتے ہیں اور اللّہ انھیں بھی پسند کرتا ہے۔

9۔ قلب مریض (سورۃ الاحزاب ، آیت 32)
نواں دل قلب مریض ہیں‘ یہ وہ دل (لوگ) ہیں جو شک نفاق بداخلاقی ہوس اور لالچ کا شکار ہوتے ہیں‘ ہم لوگ لالچ ہوس بداخلاقی نفاق اور شک کو عادتیں سمجھتے ہیں جب کہ حقیقت میں یہ روح اور دماغ کی بیماریاں ہیں اور جو لوگ ان بیماریوں کا شکار ہو جاتے ہیں وہ اذیت ناک زندگی گزارتے ہیں‘
اللّہ ان لوگوں اور ان کے دلوں کو مریض سمجھتا ہے‘ میرا دعویٰ ہے آپ اپنی زندگی میں صرف شک کا مرض پال لیں آپ چند برسوں میں دل‘ پھیپھڑوں‘گردوں اور جسمانی دردوں کی دوائیں کھانے پر مجبور ہو جائیں گے اور آپ بس شک کی عادت ترک کر دیں آپ کی ادویات کم ہونے لگیں گی‘ آزمائش شرط ہے۔

10۔ قلب الاعمی (سورۃ الحج ، آیت 46)
دسواں دل قلب الاعمی ہے‘ یہ وہ دل (لوگ) ہیں جو دیکھتے ہیں اور نہ سنتے ہیں‘ یہ بے حس لوگ ہوتے ہیں‘ اللہ تعالیٰ انھیں اندھے اور بہرے لوگ سمجھتا ہے اور مومنوں کو حکم دیتا ہے تم بس انھیں سلام کرو اور آگے نکل جائو‘ یہ بنیادی طور پر وہ لوگ ہوتے ہیں‘جب اور جہاں بھی یہ لوگ ملیں ان سے فوراً کردہ اور ناکردہ گناہوں کی معافی مانگیں اور آگے چل پڑیں‘ یقین کیجیے زندگی میں بہت سکون ہوگا اور جب بھی انہیں سمجھانے کی کوشش کریں گے آپ کا بلڈ پریشر بڑھ جائے گا چنانچہ آپ بھی اللّہ کی نصیحت پر عمل کریں‘ انھیں سلام کریں اور آگے نکل جائیں۔

11۔ قلب اللاھی (سورۃ الانبیاء ، آیت 3)
گیارہواں دل قلب اللاھی ہے یہ وہ دل ہے جو قرآن سے غافل اور دنیا کی رنگینیوں میں مگن ہے اللّہ ان غافل لوگوں کو بھی پسند نہیں کرتا اور یہ بھی بالآخر عبرت کا نشان بن جاتے ہیں۔

12۔ قلب الآثم (سورۃ البقرہ ، آیت 283)
بارہواں دل قلب ا لآثم ہے‘ یہ وہ لوگ ہیں جو حق پر پردہ ڈالتے اور گواہی چھپاتے ہیں‘ آپ تاریخ پڑھ لیں آپ گواہی چھپانے اور حق پر پردہ ڈالنے والے معاشروں اور لوگوں کو تباہ ہوتے دیکھیں گے‘ اللّہ کو یہ لوگ بھی پسند نہیں۔

13۔ قلب متکبر (سورۃ المؤمن ، آیت 35)
تیرہواں اور آخری دل متکبر کا ہوتا ہے‘ یہ لوگ تکبر اور سرکشی میں مبتلا ہوتے ہیں‘ یہ اپنی دین داری کو بھی گھمنڈ بنا لیتے ہیں یوں یہ ظلم اور جارحیت کا شکار ہو جاتے ہیں‘ کبر اللّہ کا وصف ہے‘ اللہ یہ وصف کسی انسان کے پاس برداشت نہیں کرتا چنانچہ معاشرہ ہو‘ ملک ہو یا پھر لوگ ہوں تاریخ گواہ ہے یہ فرعون اور نمرود کی طرح عبرت کا نشان بن جاتے ہیں‘ دنیا میں آج تک کسی مغرور شخص کو عزت نصیب نہیں ہوئی‘ وہ آخر میں رسوائی اور ذلت تک پہنچ کر رہا‘ اللّہ کو یہ دل بھی پسند نہیں۔