Urdu Adab

اظہار میرے بس کا نہیں مگر مجھے کبھی اظہار کی سہولت میسر آئی تو میں تمہیں بتاؤں گا کہ تم کس درجے ضروری ہو تمہاری یاد کس قدر آتی ہے تمہارا ہونا کتنا ضروری ہے۔

"تم صرف ایسے شخص کے مقروض ہو,
جو تمہاری ٹوٹ پھوٹ کو گلے لگا لے جب باقی سب تم پر بے رحمی سے گزر رہے تھے." 🩷✨

تغافل ٹھیک ہے رنجش بجا لیکن محترم !
دل اتنا نہ دکھائیں کہ بات خدا تک جا پہنچے

ایک ھی راہ پُہنچتی تھی ، تَجلّی کے حضُور
ھم نے اُس راہ سے مُنہ موڑا ھے ، ھم جانتے ھیں۔
دِل کی دَھڑکن کا ، تیرے قُرب کے لَمحوں پہ مَدار
ھم نے جِس طرح تُجھے چھوڑا ھے ، ھم جانتے ھیں۔

مُصطفیٰ زیدی

ایک بس تیرے نہ ھونے سے ٫ جہانِ خاک میں
بے پناہ افسُردگی ھے ، بیکنار افسوس ھے

جمال اَحسانی

‏محبت گولیوں سے بو رہے ہو
وطن کا چہرہ خون سے دھو رہے ہو
گماں تم کو کہ راستہ کٹ رہا ہے
یقیں مجھ کو کہ منزل کھو رہے ہو

حبیب جالب

HISTORY CREATED !!!!!!

- BANGLADESH WIN RAWALPINDI TEST BY 10 WICKETS.

- FIRST WIN FOR BANGLADESH AGAINST PAKISTAN IN TEST CRICKET.

- LEAD THE 2 TEST MATCH SERIES BY 1-0. 🇧🇩

یہ داغ داغ اُجالا یہ شب گزیدہ سحر

وہ انتظار تھا جس کا یہ وہ سحر تو نہیں

یہ وہ سحر تو نہیں جس کی آرزو لے کر

چلے تھے یار کہ مل جائے گی کہیں نہ کہیں

فلک کے دشت میں تاروں کی آخری منزل

کہیں تو ہوگا شبِ سست موج کا ساحل

کہیں تو جاکے رکے گا سفینہِ غمِِ دل

جواں لہو کی پر اسرار شاہراہوں سے

چلے جو یار تو دامن پہ کتنے ہاتھ پڑے

دیارِ حسن کی بے صبر خواب گاہوں سے

پکارتی رہیں بانہیں بدن بلاتے ہیں

بہت عزیز تھی لیکن رخِ سحر کی لگن

بہت قریں تھا حسینانِ نور کا دامن

سبک سبک تھی تمنا دبی دبی تھی تھکن

سنا ہے ہو بھی چکا ہے فراقِ ظلمت و نور

سنا ہے ہو بھی چکا ہے وصالِ منزل و گام

بدل چکا ہے بہت اہلِ درد کا دستور

نشاطِ وصل حلال و عذابِ ہجر حرام

جگر کی آگ نظر کی امنگ دل کی جلن

کسی پہ چارۂ ہجراں کا کچھ اثر ہی نہیں

کہاں سے آئی نگارِ صبا کدھر کو گئی

ابھی چراغِ سرِ رہ کو کچھ خبر ہی نہیں

ابھی گرانیٔ شب میں کمی نہیں آئی

نجاتِ دیدہ و دل کی گھڑی نہیں آئی

چلے چلو کہ وہ منزل ابھی نہیں آئی

فیض احمد فیض

اپنا زمانہ آپ بناتے ہیں اہل دل
ہم وہ نہیں کہ جن کو زمانہ بنا گیا

جگر مراد آبادی

جس نے کیے ہیں پھول نچھاور کبھی کبھی
آئے ہیں اس کی سمت سے پتھر کبھی کبھی

ہم جس کے ہو گئے وہ ہمارا نہ ہو سکا
یوں بھی ہوا حساب برابر کبھی کبھی

یاں تشنہ کامیاں تو مقدر ہیں زیست میں
ملتی ہے حوصلے کے برابر کبھی کبھی

آتی ہے دھار ان کے کرم سے شعور میں
دشمن ملے ہیں دوست سے بہتر کبھی کبھی

منزل کی جستجو میں جسے چھوڑ آئے تھے
آتا ہے یاد کیوں وہی منظر کبھی کبھی

مانا یہ زندگی ہے فریبوں کا سلسلہ
دیکھو کسی فریب کے جوہر کبھی کبھی

یوں تو نشاط کار کی سرشاریاں ملیں
انجام کار کا بھی رہا ڈر کبھی کبھی

دل کی جو بات تھی وہ رہی دل میں اے سرورؔ
کھولے ہیں گرچہ شوق کے دفتر کبھی کبھی

آل احمد سرور