Alharm Quran Academy

*♥️السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ♥️*

*❤️وَرَفَعْنَا لَكَ ذِكْرَكَ ○*
*میرے نبی ﷺ کا ذکر ہمیشہ بلند رہے گا❤️*

*🌹﷽*
*📿اَللّٰھُمَّ صَــّلِ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا صَلَّیْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ-اَللّٰھُمَّ بَارِکْ عَلٰی مُحَمَّدٍ وَّعَلٰٓی اٰلِ مُحَمَّدٍ کَمَا بَارَکْتَ عَلٰٓی اِبْرَاھِیْمَ وَعَلٰٓی اٰلِ اِبْرَاھِیْمَ اِنَّکَ حَمِیْدٌ مَّجِیْدٌ.📿*.♥️

صلی اللہ علیہ وآلہ واصحابہ وبارک وسلم

جسم کا غسل تو پانی سے ہو جاتا ہے لیکن روح کا غسل رات کے آخری پہر کے آنسوؤں سے ہوتا ہے۔ یہ وہ وقت ہے کہ جب روح طہارت پاتی ہے، اڑان بھرتی ہے اور ربِ محبت کے بحرِ محبت میں خاموشی اور سکون کے ساتھ تیرنے لگ جاتی ہے۔ جن روحوں کو اس وقت اٹھا دیا جاتا ہے، وہ بشارتیں پا لیتی ہیں، محبت کے راستوں کی عادی ہو جاتی ہیں اور بس ایک ہی محبت یعنی محبت الہی و محبت رسول صلی اللہ علیہ وسلم کے ساتھ جینے لگ جاتی ہیں۔

محمد اکبر

جو شخص قرآن کریم میں تدبر نہیں کرتا، اسے تمام آیات بکھری ہوئی Puzzles کی طرح لگتی ہیں کہ ہر آیت دوسری سے جدا ہے، کوئی ربط سمجھ نہیں آتا ۔ لیکن جسے تدبر نصیب ہو جائے، وہ ان آیات سے اپنے ذہن و قلب میں ایک ایسی تصویر بنا لیتا ہے کہ ہر آیت اپنے مقام پر فِٹ بیٹھی نظر آتی ہے اور ہار کے مختلف موتیوں کی طرح بہت عمدگی اور جمالیاتی خوبصورتی کے ساتھ ایک مرکزی دھاگے میں پروئی دکھائی دیتی ہیں۔ بس ربِ محبت ہمیں تدبر نصیب کر دے تاکہ ہم قرآن کی خوبصورتی سے لطف اندوز ہو سکیں۔ آمین

محمد اکبر

صبر کے علاوہ کوئی اور ایسا عمل دکھائیے جس پر بیک وقت یہ انعامات ملتے ہوں:

1: اللہ تعالی کی محبت ۔ ارشاد فرمایا:

وَ اللّٰهُ یُحِبُّ الصّٰبِرِیْنَ
اور اللہ صبر کرنے والوں سے محبت کرتا ہے۔ (سورت آل عمران: 146)

2: اللہ تعالی کی نصرت و معیت۔ ارشاد فرمایا:

اِنَّ اللّٰهَ مَعَ الصّٰبِرِیْنَ
بے شک اللہ صبر کرنے والوں کے ساتھ ہے۔ (سورت بقرہ: 153)

3: جنت کے بالا خانے۔ ارشاد فرمایا:

اُولٰٓىٕكَ یُجْزَوْنَ الْغُرْفَةَ بِمَا صَبَرُوْا
یہ لوگ ہیں جنہیں ان کے صبر کے بدلے جنت کے بالا خانے عطا ہوں گے۔ (سورت فرقان: 75)

4: بے حساب اجر ۔ ارشاد فرمایا:
اِنَّمَا یُوَفَّى الصّٰبِرُوْنَ اَجْرَهُمْ بِغَیْرِ حِسَابٍ
جو لوگ صبر سے کام لیتے ہیں ، ان کا ثواب انہیں بے حساب دیا جائے گا۔ (سورت زمر: 10)

5: ربِ محبت کی طرف سے بشارت۔ ارشاد فرمایا:

وَ بَشِّرِ الصّٰبِرِیْنَۙ
اور خوشخبری سنا دو ان صبر کرنے والوں کو۔ (سورت بقرہ: 155)

6: اللہ تعالی کی رحمت خاصہ۔ ارشاد فرمایا:

اُولٰٓىٕكَ عَلَیْهِمْ صَلَوٰتٌ مِّنْ رَّبِّهِمْ
یہ وہ لوگ ہیں جن پر ان کے رب کی طرف سے خصوصی عنایتیں ہیں۔ (سورت بقرہ: 157)

7: اللہ تعالی کی رحمتِ عامہ۔ ارشاد فرمایا:

وَ رَحْمَةٌ-
اور رحمت ہے۔

8: سیدھے راستے کی ہدایت۔ ارشاد فرمایا:

وَ اُولٰٓىٕكَ هُمُ الْمُهْتَدُوْنَ
اور یہی لوگ ہیں جو ہدایت پر ہیں۔ (سورت بقرہ: 157)

9: سلامتی۔ ارشاد فرمایا:

سَلٰمٌ عَلَیْكُمْ بِمَا صَبَرْتُمْ
سلامتی ہو تم پر اس صبر کے بدلے جو تم نے (دنیا میں) کیا۔ (سورت رعد: 24)

میرے محدود مطالعے کے مطابق ایسا کوئی عمل نہیں ہے جو اپنے اندر اتنے عظیم انعامات رکھتا ہو۔ یہ صرف صابرین ہیں جن کے ٹوٹے دلوں کو ربِ محبت نے مختلف الفاظ و انعامات کے ساتھ جوڑا ہے۔ اور یہ صبر ہی ہے جو تمام صفات عالیہ کی بنیاد ہے۔ اگر آپ صابر بن جائیں تو اخلاق فاضلہ کے جامع بن جائیں گے۔

محمد اکبر
21 اپریل 2026ء

Shout out to my newest followers! Excited to have you onboard! Ali Baltistani, Khan Khan Khan Khan, Abdullahi Saeed, Ishaque Somro

آج مسلمانوں کے سینے قرآنی اسرار و رموز اور معارف سے یکسر خالی ہیں۔ کیونکہ قرآن کو کبھی دوست سمجھا ہی نہیں ہے۔ خود ہی بتائیے کہ جس شخص سے آپ سال میں صرف ایک دو بار ملاقات کریں تو کیا وہ شخص آپ کو اپنے سارے راز بتا دے گا؟؟؟ یقینا نہیں ۔ اگر آپ چاہتے ہیں کہ قرآنی علوم کے دروازے میرے لیے کھل جائیں تو اپنا زیادہ وقت اس کتابِ ہدایت کی صحبت میں گزاریں پھر یہ تمہارے سامنے اپنے اسرار کھولے گا اور تم اپنی پہلی زندگی پر افسوس کرتے رہ جاؤ گے کہ کاش یہ ہوش پہلے آتا۔

محمد اکبر

رسول الله ﷺ نے فرمایا:
‏عنقریب لوگوں پر دھوکے سے بھر پور سال آئیں گے، ان میں:
‏(1) جھوٹے کو سچا سمجھا جائے گا اور سچے کو جھوٹا کہا جائے گا.
‏(2) بد دیانت کو امانت دار سمجھا جائے گا اور دیانت دار کو بد دیانت کہا جائے گا.
‏(3) اور رُوَیْبِضَہ باتیں کریں گے.

‏کہا گیا: رُوَیْبِضَہ (کا مطلب) کیا ہے؟ آپ ﷺ نے فرمایا:
‏"حقیر آدمی، عوام کے معاملات میں رائے دے گا."

‏ماجہ 4036
‏(مسند احمد 7899، 8440، 13331؛ حاكم 8439)

حضرت خضر نے نئی کشتی میں سوراخ کر دیا

ایک بچہ کو پکڑ کر قتل کر دیا،

جس قوم نے کھانا تک نہیں دیا، ان کی دیوار سیدھی کر دی۔

جس پر حضرت موسیٰ علیہ السلام بول پڑے کہ یہ آپ کیا کرتے جا رہے ہیں؟

بعد میں جب حضرت خضر نے حکمتیں سمجھائیں اور کہا :

رحمةً من ربك (سورت کہف: 82)
یہ سب تیرے رب کی رحمت کی بنا پر ہوا ہے۔

تو حضرت موسیٰ علیہ السلام کو اطمینان ہوگیا۔

میں نے اس قصے سے سبق سیکھا کہ

زندگی کی کشتی میں تکلیفوں اور مصیبتوں کے سوراخ ہوں یا

ہمارے پاس موجود کسی چیز کا اچانک سے چھن جانا ہو یا

غلط ڈگر پر چلنے والی زندگی کا سیدھا ہو جانا ،

یہ سب اللہ کی رحمت ہے۔

اس کا احساس کسی کو بعد میں ہوتا ہے اور کسی کو عین اسی وقت ہو جاتا ہے۔

محمد اکبر