27/09/2026
گوجرانوالہ: کشمیر کالونی تھیڑی سانسی میں سیوریج کا دیرینہ مسئلہ حل، وزیر اعلیٰ مریم نواز اور ایم پی اے حاجی محمد نواز چوہان کا دل سے شکریہ
گوجرانوالہ () کشمیر کالونی تھیڑی سانسی کے علاقوں میں طویل عرصے سے درپیش سیوریج کا دیرینہ مسئلہ بالاخر حل ہو گیا ہے۔ پنجاب ڈویلپمنٹ پروگرام کے تحت علاقے میں نئی اور جدید سیوریج پائپ لائن ڈالنے کا کام مکمل کر لیا گیا ہے، جس پر علاقے کی ممتاز سماجی شخصیات ملک محمد عمران (آٹے والے) اور مدنی کھوکھر نے دلی مسرت کا اظہار کرتے ہوئے وزیر اعلیٰ پنجاب محترمہ مریم نواز شریف اور حلقہ کے متحرک و فعال رکن صوبائی اسمبلی (ایم پی اے) حاجی محمد نواز چوہان کا تہہ دل سے شکریہ ادا کیا ہے۔ تفصیلات کے مطابق، کشمیر کالونی تھیڑی سانسی میں سیوریج لائن نہ ہونے اور پرانے نظام کی ابتر حالت کی وجہ سے اہل علاقہ کو شدید مشکلات و پریشانی کا سامنا تھا۔ وزیر اعلیٰ پنجاب مریم نواز شریف کے ترقیاتی ویژن اور عوامی مسائل کے فوری حل کی ہدایت پر، حلقہ کے ایم پی اے حاجی محمد نواز چوہان نے خصوصی دلچسپی لیتے ہوئے اس اہم مسئلے کو پنجاب ڈویلپمنٹ پروگرام میں شامل کروایا اور نئی مین سیوریج پائپ لائن کی منظوری و کام کی باقاعدہ شروعات یقینی بنائی۔ اس موقع پر سماجی شخصیت ملک محمد عمران (آٹے والے) نے میڈیا سے گفتگو کرتے ہوئے کہا ہمارے علاقے کا یہ سیوریج کا مسئلہ سالہا سال سے معلق تھا، جس کی وجہ سے اہل علاقہ کو شدید دشواری اٹھانی پڑتی تھی۔ ہم وزیر اعلیٰ پنجاب محترمہ مریم نواز شریف صاحبہ کے بے حد مشکور ہیں جن کے روشن اور عوامی ویژن کے مطابق پنجاب بھر میں ریکارڈ ترقیاتی کام کروائے جا رہے ہیں۔ بالخصوص ہمارے حلقہ کے انتہائی متحرک اور عوامی درد رکھنے والے ایم پی اے حاجی محمد نواز چوہان کا خصوصی اور سپیشل شکریہ ادا کرتے ہیں، جنہوں نے دن رات محنت کر کے ہمارے اس دیرینہ مسئلے کو حل کروایا۔ حاجی محمد نواز چوہان صاحب ہمیشہ عوام کے مسائل کے حل کے لیے پیش پیش رہتے ہیں اور ان کی خدمات قابلِ تحسین ہیں۔علاقہ کے سماجی کارکنمدنی کھوکھر اور اہل علاقہ نے بھی اس موقع پر خوشی کا اظہار کرتے ہوئے کہا کہ نئی سیوریج پائپ لائن ڈالنے سے علاقے کی خوبصورتی اور صفائی ستھرائی کی صورتحال میں واضح بہتری آئے گی۔ انہوں نے قیادت کے اس اقدام کو سراہا اور امید ظاہر کی کہ آئندہ بھی علاقے میں اسی جذبے سے عوامی فلاح و بہبود کے منصوبے مکمل کیے جائیں گے۔
