Govt. Graduate College of Commerce, Peoples Colony, GRW

گورنمنٹ گریجویٹ کالج آف کامرس، پیپلز کالونی گوجرانوالہ کا مقدمہ

حکومتِ پنجاب اس وقت اُن سرکاری تعلیمی اداروں کے بارے میں اصلاحاتی اقدامات کر رہی ہے جہاں طلبہ کی انرولمنٹ کم ہے، اور ایسے اداروں کو یا تو آؤٹ سورس کرنے یا وہاں جدید آئی ٹی اور مارکیٹ سے ہم آہنگ پروگرامز متعارف کروانے کا منصوبہ زیرِ غور ہے، تاکہ اعلیٰ تعلیم کو عصری تقاضوں سے ہم آہنگ کیا جا سکے اور سرکاری وسائل کا مؤثر استعمال ممکن بنایا جا سکے۔

اس پالیسی تناظر میں یہ امر نہایت اہم ہے کہ گورنمنٹ گریجویٹ کالج آف کامرس، پیپلز کالونی گوجرانوالہ پہلے ہی حکومت کے ویژن کے عین مطابق عملی اقدامات کر چکا ہے اور کسی بھی صورت کم انرولمنٹ یا غیر فعال ادارہ نہیں ہے۔ کالج نے بروقت وژنری فیصلوں کے ذریعے جدید دور کی تعلیمی ضروریات کو مدنظر رکھتے ہوئے اپنی تعلیمی سمت کو تبدیل کیا اور مارکیٹ کی طلب کے مطابق نئے پروگرامز کا آغاز کیا۔

کالج انتظامیہ اور فیکلٹی نے اپنی مدد آپ کے تحت دستیاب وسائل کو مؤثر انداز میں استعمال کرتے ہوئے آئی ٹی، کمپیوٹر سائنس، بزنس ایڈمنسٹریشن، کامرس اور انگلش لینگویج جیسے جدید اور ہائی ڈیمانڈ مضامین میں تعلیم کی فراہمی کو یقینی بنایا۔ موجودہ ریگولر فیکلٹی کی تعلیمی قابلیت اور تجربے کو بنیاد بناتے ہوئے بی ایس انفارمیشن ٹیکنالوجی ، بی ایس کانرس، بی ایس انگلش اور بی ایس بزنس ایڈمنسٹریشن (بی بی اے) جیسے پروگرامز کا کامیاب آغاز کیا گیا، جبکہ انٹرمیڈیٹ سطح پر آئی کام اور آئی سی ایس جیسے ڈسپلنز متعارف کروائے گئے۔

ان وژنری اقدامات کے نتیجے میں کالج کی مجموعی انرولمنٹ میں نمایاں اضافہ ہوا اور الحمدللہ آج گورنمنٹ گریجویٹ کالج آف کامرس، پیپلز کالونی گوجرانوالہ کی انرولمنٹ 1300 سے تجاوز کر چکی ہے، جو اسے پورے پنجاب کے کامرس کالجز میں ایک نمایاں اور منفرد مقام عطا کرتی ہے۔ یہ ادارہ اب ایک ایسا فعال تعلیمی مرکز بن چکا ہے جو نہ صرف اپنی پائیداری ثابت کر رہا ہے بلکہ دیگر اداروں کے لیے ایک قابلِ تقلید ماڈل بھی فراہم کر رہا ہے۔

تعلیمی معیار کے ساتھ ساتھ کالج میں نظم و ضبط، مکمل یونیفارم پالیسی، اضافی تعلیمی معاونت، اور طلبہ کی ہمہ جہت تربیت پر خصوصی توجہ دی جاتی ہے۔ محدود وسائل اور ڈی پی آئی اسپورٹس کی عدم دستیابی کے باوجود کالج نے کھیلوں، ادبی، تقریری، نعت اور حسنِ قرات کے مقابلہ جات میں ڈویژنل اور صوبائی سطح پر نمایاں کامیابیاں حاصل کی ہیں۔

یہ ادارہ بالخصوص غریب اور متوسط طبقے سے تعلق رکھنے والے طلبہ و طالبات کو معیاری اور پیشہ ورانہ تعلیم فراہم کر رہا ہے، جو پسرور روڈ ، سیالکوٹ روڈ اور اس سے ملحقہ دیہی علاقوں کے تقریباً 25 سے 30 کلومیٹر کے دائرہ کار سے آتے ہیں۔ کالج ان طلبہ کو جدید مہارتوں سے آراستہ کر کے نہ صرف اعلیٰ تعلیم بلکہ باعزت روزگار کے مواقع کے لیے بھی تیار کر رہا ہے۔

مندرجہ بالا حقائق کی روشنی میں یہ گزارش کی جاتی ہے کہ گورنمنٹ گریجویٹ کالج آف کامرس، پیپلز کالونی گجرانوالہ کو کسی بھی صورت میں آؤٹ سورس یا کسی دوسرے ادارے میں ضم نہ کیا جائے۔ مزید یہ کہ اس کالج کی کامیاب تعلیمی حکمتِ عملی، جدید پروگرامز کے آغاز اور انرولمنٹ بڑھانے کے اقدامات کو ایک ماڈل کے طور پر تسلیم کرتے ہوئے دیگر کم انرولمنٹ والے کامرس کالجز میں بھی نافذ کیا جائے تاکہ صوبہ بھر میں کامرس اور آئی ٹی ایجوکیشن کو مضبوط بنایا جا سکے۔
Higher Education Department-HED Punjab
DPI Colleges, Punjab, Lahore
Rana Sikandar Hayat

held at as per academic calendar under th supervision of Prof. M. Afzal(Principal) with true efforts of Prof. Muhammad Usman Farooqi(Vice Principal) and all honorable staff members of Inter block.

For
Prof. Muhammad Mushtaq (Coordinator Inter-Block)

بزمِ ذکر سرورِ کونین کے زیرِ اہتمام کُل پاکستان مقابلہ حُسنِ نعت سیزن 8انعقاد پذیر ہوا جِس میں ملک پاکستان کے نعت خواں حضرات نے شرکت کی جس میں اللہ کے فضل و کرم سے اور والدین اساتذہ کی دعاؤں سے اللہ تعالیٰ نے مسلسل چوتھی مرتبہ پاکستان کا بہترین نعت خواں ہونے کے اعزاز کوحاصل کرنےکاشرف بخشا

🌿 پنجاب CNF سیمینار – ایک مفید اور بامقصد سرگرمی 🌿

کل ہمارے کالج میں پنجاب CNF (Counter Narcotics Force) کے زیرِ اہتمام منشیات سے آگاہی سیمینار منعقد ہوا۔
اس سیمینار کی صدارت ڈائریکٹر کالجز گوجرانوالہ ڈویژن، ڈاکٹر امان اللہ راٹھور نے کی،
جبکہ کرنل (ریٹائرڈ) فیصل محمود، ڈائریکٹر پنجاب CNF نے سیمینار کی قیادت کی۔
اس موقع پر ڈپٹی ڈائریکٹر کالجز گوجرانوالہ ضلع، جناب محمد ندیم چوہدری بھی بطورِ مہمانِ خصوصی شریک ہوئے۔

پروگرام کا آغاز تلاوتِ قرآنِ پاک سے ہوا، جس کی سعادت حافظ ابو بکر (BBA) نے حاصل کی،
جبکہ زبیر ریاض (BBA) نے خوبصورت آواز میں نعتِ رسولِ مقبول ﷺ پیش کی۔

پرنسپل پروفیسر چوہدری محمد افضل نے معزز مہمانوں کو خوش آمدید کہا
اور ڈائریکٹر کالجز اور ڈپٹی ڈائریکٹر کالجز کا شکریہ ادا کیا کہ انہوں نے ہمارے کالج کو
اس اہم اور صحت مند سرگرمی کے لیے منتخب کیا۔

کرنل (ریٹائرڈ) فیصل محمود نے اپنے خطاب میں منشیات کے نقصانات پر تفصیلی روشنی ڈالی،
وزیراعلیٰ پنجاب محترمہ مریم نواز شریف کے وژن کا ذکر کیا
اور پنجاب CNF کے قیام کے مقاصد اور خدمات پر بات کی۔

سیمینار کے انتظامی امور کی نگرانی پروفیسر محمد عثمان فاروقی (وائس پرنسپل) نے کی،
جبکہ ان کی معاونت پروفیسر عثمان شیخ نے بھرپور طریقے سے انجام دی۔

طلبہ و طالبات نے سیمینار میں بھرپور دلچسپی کا اظہار کیا اور اس عزم کا اعادہ کیا
کہ وہ معاشرے کو منشیات کی لعنت سے پاک کرنے کے لیے اپنا مؤثر کردار ادا کریں گے۔

🌸

شاندار موقع - صرف 15000 ٹیوشن فیس فی سمیسٹر میں پنجاب یونیورسٹی سے الحاق شدہ درج ذیل پروگرامز میں داخلہ جاری۔

احمد علی کی ریٹائرمنٹ پر خراجِ تحسین
(تحریر: حبیب اللہ قمر)

ہمارے ادارے گورنمنٹ گریجویٹ کالج آف کامرس پیپلز کالونی کے معزز دوست احمد علی صاحب آج اپنی انتالیس (39) سالہ خدمات مکمل کرنے کے بعد رخصت ہوئے۔ احمد علی صاحب نے اپنے کیریئر کا آغاز ادارہ ہذا میں بطور کُک کیا۔ بعد ازاں ان کی ذمہ داری تبدیل کر کے انہیں سکیورٹی گارڈ کے فرائض سونپے گئے۔ زندگی کے دونوں مرحلوں میں انہوں نے غیر معمولی محنت، دیانت داری اور جانفشانی کے ساتھ اپنی ڈیوٹی انجام دی۔

جب وہ ہاسٹل کے کُک تھے، تب بھی اپنی خدمت میں بہترین معیار قائم رکھا، اور جب بطور سکیورٹی گارڈ فرائض سرانجام دیتے رہے تو بھی ہمہ وقت خوش پوشاکی، ذمہ داری اور خوش اخلاقی میں نمایاں رہے۔ احمد علی صاحب اپنے رفقاء کے درمیان اپنی خوش دِلی، خوش گفتاری اور ملنساری کے سبب ہمیشہ یاد رکھے جائیں گے۔ ان کی شفیق طبیعت کی وجہ سے کئی دوست انہیں محبت بھرے انداز میں چوہدری احمد علی کے نام سے پکارتے تھے۔

آج ان کی ریٹائرمنٹ کی تقریب میں تمام اسٹاف ممبران نے شرکت کی اور خصوصی طور پر ان کی گرانقدر خدمات کو زبردست الفاظ میں خراجِ تحسین پیش کیا۔ ادارے کے پرنسپل پروفیسر محمد افضل چوہدری صاحب نے اپنے محبت بھرے اور خلوص سے لبریز کلمات کے ذریعے احمد علی صاحب کی خدمات کو سراہا اور ان کے ساتھ اپنی دیرینہ وابستگی کو یاد کیا۔ اسی طرح ہمارے سابقہ پرنسپل پروفیسر حافظ عبید اللہ عابد صاحب نے بھی تقریب میں شرکت کی اور محبت و عقیدت سے احمد علی صاحب کے کردار اور خدمات کو یاد کیا۔

تقریب کے دوران اپنے خطاب میں احمد علی صاحب نے تمام دوستوں، ساتھیوں اور اساتذہ کا شکریہ ادا کرتے ہوئے کہا کہ:
“میں اپنی ساری عمر آپ سب کی محبتوں کا قرضدار رہوں گا، آپ نے مجھے ہمیشہ عزت دی اور نوازا، یہ میرے لیے ایک انمول سرمایہ ہے۔”

یہ پروقار اور شاندار تقریب ایونٹ مینجمنٹ کمیٹی کے چیئرمین پروفیسر محمد رمضان صاحب کی سرپرستی میں منعقد ہوئی۔ اس تقریب کے انعقاد میں پروفیسر محمد اشرف مغل صاحب، پروفیسر محمد عثمان شیخ صاحب، پروفیسروقاص جمیل صاحب اور دیگر احباب نے بھی اہم کردار ادا کیا۔ ادارے کے معزز وائس پرنسپل پروفیسر محمد عثمان فاروقی صاحب نے اس موقع پر ہمارے سابقہ کولیگ پروفیسر قیصر محمود چیمہ صاحب کی جانب سے محبت بھرے پیغام اور تحفہ بھی احمد علی صاحب کی خدمت میں پیش کیا۔

مزید برآں، تقریب میں بعض دوستوں نے اپنی طرف سے بھی خصوصی تحائف پیش کیے۔ دفتر کی نمائندگی منیر احمد قادری صاحب نے کی۔ اسی طرح محمد یوسف صاحب بیماری کے باوجود تقریب میں تشریف لائے اور انہوں نے بھی نہ صرف اپنی محبتوں کا اظہار کیا بلکہ تحفہ بھی پیش کیا۔ ادارہ ہذا کے ڈسپنسر ڈاکٹر محمد انور علی صاحب نے بھی احمد علی صاحب سے اپنی محبت اور عقیدت کا اظہار کیا اور انہیں گھڑی اور ایک عدد سوٹ بطور تحفہ عنایت فرمایا۔

اس موقع پر ایڈمن آفس، دفتر کے تمام اسٹاف ممبران اور خصوصی طور پر ہمارے درجہ چہارم کے اسٹاف نے بھی بھرپور شرکت کی۔ ان میں اللہ دتّا صاحب، وقاص، اکاش، اور محمد ثاقب (جو سکیورٹی گارڈ کی حیثیت سے خدمات انجام دے رہے ہیں) شامل تھے۔ سب نے مل کر احمد علی صاحب کا شکریہ ادا کیا اور انہیں پھولوں کے گلدستے پیش کیے۔

تقریب میں کھانے کے انتظامات اور تقسیم میں علی شاہ اور عبدالغفار مالی نے بھی بھرپور تعاون کیا، جس سے تقریب کے انتظامات مزید شاندار بن گئے۔

آخر میں اس خوبصورت تقریب کو ایک ادبی رنگ اس وقت ملا جب ہمارے معزز کولیگ پروفیسر مرزا محمد عمران امجد بیگ صاحب نے ایک خوبصورت غزل سنائی، جسے سامعین نے بے حد پسند کیا۔

تقریب نہایت خوشگوار اور یادگار ماحول میں اختتام پذیر ہوئی اور احمد علی صاحب کو ان کی 39 سالہ شاندار خدمت کے بعد کالج سے رخصت کیا گیا۔ رخصتی کے وقت ان کے دل سے نکلنے والے یہ الفاظ سب کے دلوں کو چھو گئے:
“میرا بچپن، میری جوانی اور میرا بڑھاپا اسی کالج میں گزرا ہے۔ یہ ادارہ میرے لیے گھر کی مانند ہے۔ میں دعاگو ہوں کہ اللہ تعالیٰ اسے مزید ترقی عطا فرمائے اور آپ سب کو اپنی اولاد کی خوشیاں نصیب ہوں۔”

اس موقع پر ادارے کی تمام سٹاف ممبران کی طرف سے ایونٹ مینجمنٹ کمیٹی کی سربراہی میںمختلف تحائف کا انتظام کیا، جن میں کپڑے، مٹھائی، پھول اور کیش شامل تھے ۔ یہ تحائف پرنسپل چوہدری محمد افضل صاحب اور وائس پرنسپل پروفیسر محمد عثمان فاروقی صاحب نے احمد علی صاحب کو پیش کیے۔
آخر میں سب نے دعا کی کہ اللہ تعالیٰ احمد علی صاحب کو آنے والی زندگی میں صحت، خوشیاں، کامیابیاں عطا فرمائے اور ہر دکھ و غم سے محفوظ رکھے۔ آمین۔

شاندار موقع - صرف 15000 ٹیوشن فیس فی سمیسٹر میں پنجاب یونیورسٹی سے بی ایس انگلش میں داخلہ جاری۔

شاندار موقع - صرف 15000 ٹیوشن فیس فی سمیسٹر میں پنجاب یونیورسٹی سےالحاق شدہ بی ایس انگلش میں داخلہ جاری۔
#گوجرانوالہ

الحمد للہ! گورنمنٹ گریجویٹ کالج آف کامرس پیپلز کالونی گوجرانوالہ میں ڈی پی آئی کالجز اور ہائر ایجوکیشن ڈیپارٹمنٹ کی ہدایات کے تحت "میلادِ مصطفی ﷺ و سیرت النبی ﷺ کانفرنس" نہایت شاندار اور کامیاب انداز میں منعقد ہوئی جس میں طلبہ، اساتذہ، معزز مہمانانِ گرامی اور سابقہ پروفیسرز نے بھرپور شرکت کی۔

الحمد للہ! گورنمنٹ گریجویٹ کالج آف کامرس پیپلز کالونی گوجرانوالہ میں ڈی پی آئی کالجز اور ہائر ایجوکیشن ڈیپارٹمنٹ کی ہدایات کے تحت "میلادِ مصطفی ﷺ و سیرت النبی ﷺ کانفرنس" نہایت شاندار اور کامیاب انداز میں منعقد ہوئی جس میں طلبہ، اساتذہ، معزز مہمانانِ گرامی اور سابقہ پروفیسرز نے بھرپور شرکت کی۔