وطن گلگت بلتستان

چلاس تھور کے مقام پر دہشگردوں کا محکمہ جنگلات کی ٹیم پر حملہ، گاڑی کو شدید نقصان پہنچا۔۔
دیامر میں فوجی آپریشن ناگزیر ہو چکا ہے۔۔
#ذرائع

سابق ڈی سی امیر اعظم کے خلاف جان بوجھ کر منفی مہم چلائی جا رہی ہے، جو قابلِ مذمت اور افسوسناک ہے۔ کسی دیانتدار افسر کی ساکھ کو نقصان پہنچانا نہ صرف غیر اخلاقی ہے بلکہ انتظامی نظام کے لیے بھی نقصان دہ ہے۔

پانچ سال سے ہم نے دیکھا ہے کہ کرسیوں پر ایسے لوگ آئے،
جنہیں نوجوانوں کی جدوجہد، حالات اور مشکلات کا کوئی علم نہیں۔
یہ صرف یوتھ کے ساتھ مذاق ہے، اور اب وہ دور ختم ہو چکا ہے۔

اب یوتھ کسی مسلط شدہ نام، سفارش شدہ شخصیت، یا غیر متعلقہ چہرے کو قبول نہیں کرے گی۔
یقینی طور پر نوجوان اپنی قیادت، اپنی نمائندگی اور اپنے مستقبل کا فیصلہ خود کریں گے

گلگت بلتستان کے طلبہ و نوجوانوں کا گھیراؤ بند کیا جائے۔
یونیورسٹی فیسوں میں کمی کا مطالبہ دہشتگردی نہیں بلکہ ایک آئینی و انسانی حق ہے۔
عوامی حقوق کی بات کرنا دنیا کے کسی بھی قانون میں جرم نہیں۔
گلگت بلتستان کے آئینی و بنیادی حقوق کا مطالبہ جرم نہیں بلکہ شعور کی علامت ہے۔

یہ افسوس ناک ہے کہ جن نوجوانوں کے آبا و اجداد نے اس خطے کو آزاد کرایا، آج انہی کے وارثوں کو قید و بند کی صعوبتوں کا سامنا کرنا پڑ رہا ہے۔
حکام بالا سے مطالبہ ہے کہ اس غیر منصفانہ سلسلے کو فوری طور پر بند کیا جائے، ورنہ اس کے تمام تر نتائج کی ذمہ داری حکومت پر عائد ہوگی.

آج کے دن ہم یہ عہد کرتے ہیں کہ گلگت بلتستان کی شناخت، آئینی حیثیت اور نوجوانوں کے مستقبل کیلئے اپنی جمہوری اور پرامن جدوجہد کو جاری رکھیں گے۔ کیونکہ
آزادی مکمل تب ہوتی ہے، جب شناخت مکمل ہو۔

گلگت بلتستان زندہ باد

نلتر کے غیور عوام کے ساتھ زیادتی بند کی جائے!
نلتر کے باشعور اور باہمت جوان ہمیشہ سے ماحولیاتی تحفظ اور کلائمیٹ چینج کے خلاف جدوجہد میں صفِ اول میں رہے ہیں۔
یہ وہ لوگ ہیں جنہوں نے اپنے قدیم جنگلات کے تحفظ کے لیے خود اپنے وسائل سے نظام قائم کیا —
ہر گھر سے 20 روپے ماہانہ جمع کر کے محافظ مقرر کیے جو دن رات جنگل کی حفاظت پر معمور رہتے ہے۔ 🌲

عدالتِ عالیہ نے واضح طور پر حکم جاری کیا کہ سوکھے اور گرے ہوئے درخت نلتر کی عوام کا حق ہیں،
لیکن افسوس کہ فارسٹ ڈیپارٹمنٹ کی کرپشن اور من مانی نے اس عدالتی فیصلے کو پامال کیا۔
ان درختوں پر بولی لگا کر عوامی حق کو غصب کرنے کی کوشش کی گئی۔

جب نلتر کے غیرت مند جوانوں نے اس ظلم کے خلاف پرامن مزاحمت کی،
تو ان پر دہشت گردی کے مقدمات (ATA دفعات) لگا دیے گئے —
یہ ظلم نہیں تو اور کیا ہے؟ ⚖️

ہم حکومتِ گلگت بلتستان سے مطالبہ کرتے ہیں کہ:
1. نلتر کے جوانوں پر لگائے گئے جھوٹے مقدمات فوری واپس لیے جائیں۔
2. فارسٹ ڈپارٹمنٹ کی کرپشن کی غیرجانبدارانہ انکوائری کی جائے۔
3. نلتر کے عوام کو ان کے قدرتی وسائل پر ان کا جائز حق دیا جائے۔

حکومت ہوش کے ناخن لے، ورنہ جب عوام کا صبر جواب دے جائے گا تو
پانی سر سے گزر جائے گا — اور پھر تمہیں منہ چھپانے کی جگہ بھی نہیں ملے گی۔

ہم گلگت کے ہر شہری، مذہبی رہنما اور نوجوان سے اپیل کرتے ہیں کہ وہ جذبات میں آ کر کسی بھی غیرقانونی اقدام سے گریز کریں، تمام شکایات قانونی راستے سے درج کروائیں، اور معاشرتی امن و بھائی چارے کو مقدم رکھیں۔ ذمہ دار فریقین کی بروقت اور موثر کارروائی کے بغیر کسی بھی علاقے کا امن خطرے میں آ سکتا ہے — اس لئے ہم حکومت سے توقع رکھتے ہیں کہ وہ شفاف اور مؤثر تحقیقات کر کے ملزمان کو کیفرِ کردار تک پہنچائے.

عوام سے گزارش ھے کہ سنجیدگی اور صبر و تحمل سے کام لیں۔ ایک غلط اقدام گلگت بلتستان کا امن تباہ کر دے گا۔
مفاد پرست ٹولے کو ہرگز کامیاب ہونے نہ دیں

استور گلگت بلتستان
گزشتہ دنوں استور میں تاجروں کے حق اور گلگت بلتستان کے حقوق کیلئے احتجاج کرنے کے جرم میں استور سے تعلق رکھنے والے نوجوان عمران حسین کے خلاف مقدمہ کی شدید مزمت کرتے ھیں

گلگت بلتستان پر آئینی طور پر ٹیکس، کسٹمز یا بارڈر ریگولیشنز لاگو کرنا بین الاقوامی اصولوں کے خلاف ھے۔
گلگت بلتستان کا بچہ بچہ چاھتا ھے کہ گلگت بلتستان ٹیکس فری زون ڈکلیئر ہو ایسے میں کسی بھی سیاست دان کا اس موئقف کیخلاف کوئی بھی بات گلگت بلتستان کے ساتھ غداری کے زمرے میں آئے گی۔