Nawa-e-karakkuram

Nawa-e-karakkuram parbat News

24/09/2026

گلگت بلتستان کے مسائل پر وزیراعظم کی ذیلی کمیٹی کا اجلاس وفاقی وزیر برائے قانون و انصاف سینیٹر اعظم نذیر تارڑ کی زیر صدارت اسلام آباد میں منعقد ہوا۔

وزیراعلیٰ گلگت بلتستان امجد حسین اور قائد حزب اختلاف گلگت بلتستان اسمبلی حافظ حفیظ الرحمن نے اجلاس میں خصوصی شرکت کی۔

اجلاس میں گلگت بلتستان کے سیاسی، آئینی، قانونی اور معاشی مسائل کے حل کے لیے مختلف آپشنز کا جائزہ لیا گیا، جبکہ عوام کے مؤثر سیاسی و معاشی حقوق، قومی دھارے میں بھرپور شرکت اور خطے کی ترقی کے لیے قابلِ عمل اقدامات پر بھی تبادلہ خیال کیا گیا۔

وفاقی وزیر قانون سینیٹر اعظم نذیر تارڑ نے کہا کہ گلگت بلتستان کی قومی دھارے میں مؤثر شرکت حکومت کی ترجیح ہے اور مسائل کے حل کے لیے حکومت، گلگت بلتستان کی قیادت اور دیگر متعلقہ اسٹیک ہولڈرز سے مشاورت جاری ہے۔

اجلاس میں گلگت بلتستان کی معاشی و مالیاتی ضروریات، توانائی، سیاحت، قدرتی وسائل، ریونیو اور رابطہ کاری سمیت دیگر متعلقہ امور پر بھی غور کیا گیا۔

22/09/2026

پاکستان میڈیکل ایسوسی ایشن گلگت بلتستان کے انتخابات

گلگت بلتستان میں پاکستان میڈیکل ایسوسی ایشن (PMA) گلگت بلتستان چیپٹر کے انتخابات منعقد ہوئے، جن میں دو پینلز کے درمیان مقابلہ ہوا۔

یونائیٹڈ پینل کی جانب سے صدارتی امیدوار ڈاکٹر بہادر شاہ، اسپائنل اسپیشلسٹ، جبکہ جنرل سیکرٹری کے امیدوار ڈاکٹر ذوالفقار علی، کنسلٹنٹ کارڈیالوجسٹ تھے۔

دوسری جانب ہیلر پینل کی جانب سے صدارتی امیدوار ڈاکٹر اعجاز، ریڈیالوجسٹ، جبکہ جنرل سیکرٹری کے امیدوار ڈاکٹر شبیر حسین چنگیزی، کنسلٹنٹ سرجیکل اسپیشلسٹ تھے۔

انتخابات میں مجموعی طور پر 1,118 ووٹ کاسٹ ہوئے۔ یونائیٹڈ پینل نے 649 ووٹ جبکہ ہیلر پینل نے 469 ووٹ حاصل کیے۔

یوں یونائیٹڈ پینل نے 180 ووٹوں کی واضح برتری سے کامیابی حاصل کی۔

تمام کامیاب امیدواروں کو دلی مبارکباد اور امید ہے کہ نئی منتخب قیادت گلگت بلتستان کی میڈیکل کمیونٹی کے اتحاد، فلاح و بہبود اور پیشہ ورانہ امور کے لیے مؤثر کردار ادا کرے گی۔

22/09/2026

تاریخ میں پہلی دفعہ دیامر سے 2 سیٹیں دی ہے دیامر کے لئے دیامرکا بیٹا بن کر کام کروں گا
وزیر اعلی امجد حسین آذر

22/09/2026

وزیر اعلیٰ سیکریٹریٹ گلگت میں رورل ڈویلپمنٹ اینڈ کلائمیٹ ریزیلینس فار گلگت بلتستان کے حوالے سے حکومت گلگت بلتستان، یورپی یونین،فرانسیسی ترقیاتی ایجنسی (AFD) اور آغاخان فاؤنڈیشن کے مابین سہ فریقی منصوبے کے معاہدے پر باضابطہ دستخط کئے گئے،اس منصوبے کے تحت گلگت بلتستا ن کے تمام اضلاع میں موسمیاتی تبدیلیوں کے اثرات سے بچاؤ اور عوام کی معیار زندگی کو بہتر بنانے میں معاون ثابت ہوگا۔ 17.2 ارب روپے (54.24 ملین یورو) مالیت یہ اہم منصوبہ اے ایف ڈی کی مالی معاونت،یورپی یونین کے گرانٹ،آغا خان فاؤنڈیشن کے فنڈز اور مقامی کمیونٹی کے تعاون سے شروع کیا گیا ہے۔ لوگوں کی معیار زندگی کو بہتر بنانے اور قدرتی آفات اور موسمیاتی تبدیلیوں سے بچاؤ کیلئے مقامی لوگوں کی تربیت اور صلاحیتوں کو مضبوط بنایا جائے گا۔ یہ منصوبہ گلگت بلتستان کے تمام اضلاع میں کلائمیٹ ریزیلینس سے متعلق اقدامات پر مشتمل ایک جامہ پیکیج فراہم کرے گا۔ ان اقدامات میں 216 واٹر سپلائی سکیموں کے ذریعے عوام کو صاف پانی کی فراہمی، مائیکر ہائیڈل اور سولر سسٹم کے ذریعے متبادل توانائی کے مواقع فراہم کرے گا، جس کی متوقع پیداواری صلاحیت 1200 سے 1300 کلوواٹ ہوگی۔ اس منصوبے کے تحت تمام 110 یونین کونسلوں میں قدرتی آفات کے خدشات اور ان کی حساسیت جائزہ (Vulnerability Assessment)لیا جائے گا جبکہ 3 ہزار گھروں کو ماحولیاتی طور پر پائیدار (Green Retrofitting) بنایا جائے گااور 700 مکانات موسمیاتی طور پر محفوظ اور توانائی کی بچت کو مدنظر رکھتے ہوئے تعمیر کیا جائے گا۔یہ منصوبہ موسمیاتی تبدیلیوں کے مطابق منصوبہ بندی، معاشی سرگرمیوں کو فروغ دینے اور پائیدار بنیادی ڈھانچے کے انتظام کیلئے تربیت فراہم کرکے انسانی صلاحیتوں اور اداروں کو بھی مضبوط کرے گا۔ اس منصوبے سے تقریباً 43200 گھرانے مستفید ہوں گے جن میں کم از کم 40 فیصد خواتین شامل ہیں۔ اس موقع پر نارتھ پاکستان انرجی لمیٹڈ نے گلگت بلتستان انرجی ماسٹر پلان کے اہم نکات پر بریفنگ دی۔ یورپی یونین کے تعاون سے جاری 31ملین یورو کے انرجی پلس منصوبے کے تحت خصوصی روڈ میپ تیار کیا گیا ہے جس کا مقصد گلگت بلتستان کو کم موسمیاتی طور پر محفوظ معیشت کی طرف منتقل کیا جائے گا۔ ماسٹر پلان کا مقصد خطے کیلئے موسمیاتی لحاظ سے مضبوط انرجی سسٹم متعارف کرنا ہے۔ محکمہ برقیات، این پاک انرجی اور دیگر شراکت داروں کے تعاون سے تیار کردہ ماسٹر پلان گلگت بلتستان میں توانائی کی کمی کو دور کرنے اور متبادل توانائی کے ذرائع متعارف کرانے کیلئے ایک حکمت عملی فراہم کرتا ہے۔ رورل ڈویلپمنٹ اور کلائمیٹ ریزیلینس فار گلگت بلتستان سہ فریقی منصوبے کے معاہدے پر دستخط کرنے کے حوالے سے منعقدہ تقریب سے خطاب کرتے ہوئے وزیر اعلیٰ گلگت بلتستان امجد حسین نے کہاکہ اے ایف ڈی، یورپی یونین کے وفود اور آغا خان فاؤنڈیشن کے عہدیداروں کو اس تقریب کے حوالے سے گلگت آمد پر خیر مقدم کرتے ہیں، یہ اہم منصوبہ خطے کے عوام کی پائیدار ترقی، خوشحالی اور موسمیاتی تبدیلیوں کے منفی اثرات سے بچاؤ کیلئے ایک اہم سنگ میل ثابت ہوگا۔ اس منصوبے میں اے ایف ڈی کی فنانسنگ، یورپی یونین کی گرانٹ اور آغا خان ڈویلپمنٹ نیٹ ورک کا تعاون شامل ہے جبکہ حکومت پاکستان اور متعلقہ وفاقی اداروں نے گلگت بلتستان کیلئے اس مالی معاونت کو آن گرانٹ بنیادوں پر فراہم کرنے میں بنیادی کردار ادا کیا ہے۔ اس منصوبے کا مقصد محض فنڈز کا استعمال یا سکیموں کی تکمیل نہیں بلکہ عوام کو حقیقی معنوں اور مالی فائدے پہنچانا ہے جس کے تحت عوام کو بنیادی سہولیات ان کے دہلیز پر فراہم کرنے میں مدد ملے گی۔ دور دراز دیہاتوں کو بجلی کی سہولت فراہم کی جاسکے گی اور نوجوانوں کو روزگار کے مواقع میسر آئیں گے۔ اس منصوبے کے تحت پینے کے صاف پانی،سینٹیشن کی بہتری، زلزلے سے محفوظ اور توانائی بچانے والے مکانات کی تعمیر،کمیونٹی کی سطح پر مائیکر ہائیڈل پاور پروجیکٹس کے قیام، مقامی اداروں کو مضبوط بنانے اور عوام کو روزگار کے مواقع فراہم کئے جائیں گے۔ اس منصوبے کی ڈیزائن میں عوامی شمولیت کو مرکزی حیثیت حاصل ہے جس کے تحت منصوبوں کی نشاندہی، ان کی دیکھ بھال اور تکمیل کے بعد بنیادی ڈھانچے کو چلانے میں مقامی آبادی کو شامل رکھا جائے گا جبکہ خواتین، خصوصی افراد اور پسماندہ طبقات پر خصوصی توجہ دی جائے گی۔ وزیر اعلیٰ نے کہاکہ توانائی کے بحران پر قابو پانے کیلئے سولرائزیشن، سرکاری عمارتوں کو شمسی توانائی پر منتقلی اور ریجنل گرڈ کی تعمیر پر کام کیا جارہاہے۔ اس موقع پر یورپی یونین کے سفیر ریمنڈاس کاروبلیس (Rainmundas Karoblis)نے گفتگو کرتے ہوئے کہا کہ یورپی یونین گلگت بلتستان کی ترقی کیلئے ہمیشہ کی طرح اپنا کردار ادا کرتا رہے گا۔ آج کا دن گلگت بلتستان کی پائیدار ترقی اور روشن مستقبل کیلئے ہمارے مشترکہ عزم کا ایک اہم موڑ ہے۔ رورل ڈویلپمنٹ اور کلائمیٹ ریزیلینس پروجیکٹ کا آغاز اور انرجی ماسٹر پلان کی فراہمی کے ساتھ ہم گلگت بلتستان کی ترقی اورموسمیاتی تبدیلیوں سے نمٹنے کیلئے اپنے عزم کا اعادہ کرتے ہیں۔ یورپی یونین اور یورپی یونین کے تمام شراکت دار اس منصوبے کو عملی جامع پہنانے کیلئے ہر ممکن تعاون فراہم کریں گے۔ رورل ڈویلپمنٹ اور کلائمیٹ ریزیلینس فار گلگت بلتستان سہ فریقی منصوبے کے معاہدے پر دستخط کرنے کے حوالے سے منعقدہ تقریب کے موقع پر یورپی یونین کے سفیر ریمنڈاس کاروبلیس (Rainmundas Karoblis)،کونسل یورپی یونین یرون ولیم جان ماریا (Jeroenwillem Jan Maria)اور فرسٹ سکریٹری الیگزینڈرو (Alejandro)،صوبائی وزیر بلدیات ذوالفقار علی مراد، ایڈیشنل چیف سیکریٹری، سیکریٹری برقیات، کنٹری ڈائریکٹر، AFDمسٹر مارک اینٹونی،ڈپٹی کنٹری ڈائریکٹر، AFDجیکس یاکان،سی ای او، AKFPاختر اقبال،جی ایم، AKRSPجمیل الدین اور پروگرام ایڈوائزر AKFPارشاد خان عباسی شریک تھے۔

22/09/2026

وزیر اعلیٰ گلگت بلتستان امجد حسین سے یورپی یونین کے سفیر ریمنڈاس کاروبلیس (Rainmundas Karoblis)،کونسل یورپی یونین یرون ولیم جان ماریا (Jeroenwillem Jan Maria)اور فرسٹ سکریٹری الیگزینڈرو (Alejandro)نے ملاقات کی۔اس موقع پر وزیر اعلیٰ نے یورپی یونین کے سفیر اور ان کے ہمراہ آنے والے وفد کو گلگت بلتستان آمد پر خوش آمدید کہتے ہوئے کہا کہ گلگت بلتستان جیسے دور افتادہ اور پہاڑی علاقے کی تعمیر و ترقی کیلئے یورپی یونین کا کردار قابل تحسین رہاہے۔ گلگت بلتستان کا جغرافیہ انتہائی دشوار اور پہاڑی علاقوں پر مشتمل ہے۔ دور دراز علاقوں میں بنیادی سہولیات کی فراہمی حکومت کیلئے چیلنج رہا ہے۔ گلگت بلتستان میں سب زیادہ گلیشیرز موجود ہیں، موسمیاتی تبدیلیوں کی وجہ سے گلگت بلتستان کے تمام علاقے سالانہ قدرتی آفات سے متاثر ہوتے ہیں جس کی وجہ سے بڑے پیمانے پر لوگوں کے گھر وں اور فصلوں کو نقصان پہنچتا ہے۔ان قدرتی آفات سے بچاؤ اور گلیشیرز کی حفاظت کیلئے صوبائی حکومت نے گلیشیرز پروٹیکشن اتھارٹی بنائی گئی ہے۔ یورپی یونین اور اے ایف ڈی کی جانب سے رورل ڈویلپمنٹ اور کلائمیٹ ریزیلینس پروجیکٹ موسمیاتی تبدیلیوں سے بچاؤ، عوام کو صاف پانی کی فراہمی، بجلی بحران پر قابو پانے اور گلگت بلتستان میں معاشی سرگرمیوں کو فروغ دینے سمیت عوام کو بنیادی سہولیات کی فراہمی کو معاون ثابت ہوگا۔ وزیر اعلیٰ نے کہا کہ دیہی علاقوں کی ترقی اور تمام بنیادی سہولیات کی فراہمی سمیت ترقی کے یکساں مواقع فراہم کرنا گلگت بلتستان حکومت کی ترجیحات میں شامل ہے۔ گلگت بلتستان میں سیاحت اور معاشی سرگرمیوں کیلئے گلگت میں بین الاقوامی ایئرپورٹ کی تعمیر کیلئے وفاقی حکومت کو سفارش کی گئی ہے۔ گلگت بلتستان میں روڈ انفراسٹرکچر کو بہتر بنانے پر بھی توجہ دی جارہی ہے تاکہ سیاحوں کو بہتر ذرائع نقل و حمل کی سہولت فراہم کی جاسکے۔ گلگت بلتستان پرامن قدرتی حسین مناظر اور مخصوص ثقافت کا حامل منفرد سیاحتی علاقہ ہے۔ گلگت بلتستان میں بجلی بحران پر قابو پانے کیلئے اقدامات کررہے ہیں۔ ہنزہ میں جاری بجلی بحران پر قابو پانے کے حوالے سے این پاک کے ساتھ کئے جانے والے معاہدے کی کامیابی کی صورت میں صوبے کے دیگر علاقوں میں بھی اس ماڈل کو توسیع دینے پر غور کیا جاسکتا ہے۔ اس موقع پر یورپی یونین کے سفیر ریمنڈاس کاروبلیس (Rainmundas Karoblis)نے گفتگو کرتے ہوئے کہا کہ گلگت بلتستان میں معاشی سرگرمیوں کے فروغ اور یہاں کے عوام کو بنیادی سہولیات کی فراہمی سمیت درپیش چیلنجز پر قابو پانے کیلئے یورپی یونین صوبائی حکومت کے ساتھ تعاون کررہی ہے۔ رورل ڈویلپمنٹ اور کلائمیٹ ریزیلینس پروجیکٹ گلگت بلتستان میں زراعت، موسمیاتی تبدیلیوں کے چیلنجز، گلیشیرز کے تحفظ، بجلی بحران پر قابو پانے سمیت دیگر اہم چیلنجز اور فنی تربیت کے حوالے سے معاون ثابت ہوگا۔ یورپی یونین کے سفیر نے گلگت بلتستان حکومت کی مثبت پالیسیوں کو سراہتے ہوئے تعاون کا یقین دلایا۔

گلگت: وزیر اعلیٰ گلگت بلتستان امجد حسین یورپی یونین کے سفیر ریمنڈاس کاروبلیس (Rainmundas Karoblis)اورکونسل یورپی یونین ...
22/09/2026

گلگت: وزیر اعلیٰ گلگت بلتستان امجد حسین یورپی یونین کے سفیر ریمنڈاس کاروبلیس (Rainmundas Karoblis)اورکونسل یورپی یونین یرون ولیم جان ماریا (Jeroenwillem Jan Maria)کو سونیئرز دے رہے ہیں

دیامر GBA 16 سے عطاء اللہ کی کامیابی کا نوٹفکیشن جاری...!!!
22/09/2026

دیامر GBA 16 سے عطاء اللہ کی کامیابی کا نوٹفکیشن جاری...!!!

22/09/2026

انشاء اللہ پانچ سالوں میں بے روزگاری، غربت، لوڈ شیڈنگ، تعلیم اور صحت کے مسائل حل کریں گے۔۔

وزیر اعلی امجد حسین آزر

20/09/2026

وزیر اعلیٰ گلگت بلتستان امجد حسین نے مشہ بروم میں عوامی اجتماع سے خطاب کرتے ہوئے کہا ہے کہ وزیر اعلیٰ کا عہدہ آپ لوگوں کا ہے، کسی بھی مسئلے پر پریشان ہونے کی ضرورت نہیں۔ انجینئر اسماعیل حلقے سے نہیں جیت سکے لیکن حکومت جیتی ہے اور یہ حکومت آپ لوگوں کی ہے، ہم آپ کے تمام مسائل حل کریں گے اور علاقے کی ترقی کو یقینی بنائیں گے۔ یہ پیپلز پارٹی، شہید بینظیر بھٹو اور بلاول بھٹو کی حکومت ہے اور عوام ہی کی حکمرانی ہے۔وزیر اعلیٰ نے کہا کہ بجٹ میں 9 ارب روپے عوام کے لیے مختص کیے گئے ہیں، جس سے ہر گاؤں کی تقدیر اور معیشت بہتر ہوگی اور عوام کا معیارِ زندگی بلند ہوگا۔ زراعت، نوجوانوں اور خواتین کے لیے خصوصی پروگرام شروع کیے جائیں گے۔ گلگت بلتستان میں تمام خالی اسامیوں پر بھرتیاں کی جائیں گی اور سکولوں میں اساتذہ کی کمی کا مسئلہ حل کیا جائے گا، کیونکہ تعلیم اور صحت ہماری اولین ترجیحات میں شامل ہیں۔وزیر اعلیٰ نے کہا کہ ہم گلگت بلتستان کی تقدیر بدلیں گے اور عوام کی حقیقی معنوں میں خدمت کر کے اسے ایک مثالی صوبہ بنائیں گے۔ گورننس کے حوالے سے ایک ماڈل قائم کریں گے اور عوام کے روزگار کے لیے وسائل فراہم کریں گے۔ بلتستان کے دریاؤں میں سونا ہے، ہم اپنے وسائل کا درست استعمال کریں گے کیونکہ ہمارا اصل مقابلہ غربت اور بے روزگاری سے ہے۔

20/09/2026

الیکشن ٹربیونل میں کل بروز پیر 21 ستمبر عطاء اللہ بنام امام ملک کیس کی سماعت کے دوران احاطہ عدالت کی سیکورٹی سخت کرنے کی ہدایت

Address

Gilgit

Website

Alerts

Be the first to know and let us send you an email when Nawa-e-karakkuram posts news and promotions. Your email address will not be used for any other purpose, and you can unsubscribe at any time.

Shortcuts

Share