دارالعلوم غوثیہ - رجسٹرڈ،کوہاٹ روڈ فتح جنگ۔

انا للہ و انا الیہ راجعون
نہایت افسوس کے ساتھ اطلاع دی جاتی ہے کہ ہمارے ادارے کے شعبۂ حفظ کے طالب علم حافظ محمد موسیٰ کے والدِ محترم محمد محبوب شاہ قضائے الٰہی سے وفات پا گئے ہیں۔
مرحوم کے لیے بارگاہِ الٰہی میں دعا ہے کہ اللہ تعالیٰ انہیں اپنی رحمتِ کاملہ میں جگہ عطا فرمائے، ان کی مغفرت فرمائے، درجات بلند فرمائے اور جنت الفردوس میں اعلیٰ مقام عطا فرمائے۔ آمین 🤲
اس غمناک موقع پر ہم حافظ محمد موسیٰ اور ان کے تمام اہلِ خانہ سے دلی تعزیت اور ہمدردی کا اظہار کرتے ہیں۔ اللہ تعالیٰ انہیں صبرِ جمیل اور حوصلہ عطا فرمائے۔ آمین
مرحوم نے اپنی اولاد کی دینی تعلیم و تربیت کا اہتمام کیا۔ ان کے صاحبزادے حافظ محمد موسیٰ قرآنِ کریم کی تعلیم حاصل کر رہے ہیں جبکہ ان کی صاحبزادی جامعہ آمنہ ضیاء البنات میں
عالمہ کورس کر رہی تھیں۔ اللہ تعالیٰ اس کاوش کو مرحوم کے لیے صدقۂ جاریہ بنائے۔
نمازِ جنازہ مرحوم کی
📅 کل
🕚 دن گیارہ بجے
📍 کمڑیال گاؤں
میں ادا کی جائے گی۔
اللہ تعالیٰ مرحوم محمد محبوب شاہ کی مغفرت فرمائے اور تمام پسماندگان کو صبر و استقامت عطا فرمائے۔
آمین یا رب العالمین 🤲

الحمدللہ ثم الحمدللہ 🤲
تنظیم المدارس اہلِ سنت پاکستان کے سالانہ امتحانات مرکزی دارالعلوم غوثیہ، چاساں والی، فتح جنگ میں اللہ تعالیٰ کے فضل و کرم سے خیر و عافیت، نظم و ضبط اور پُرسکون ماحول میں بحسن و خوبی اختتام پذیر ہو گئے۔
ہم ربِ کریم کا شکر ادا کرتے ہیں جس نے ہمیں یہ عظیم ذمہ داری احسن طریقے سے ادا کرنے کی توفیق عطا فرمائی۔ ہم اُن تمام طلبہ کے لیے دلی دعاگو ہیں جنہوں نے امتحانات میں شرکت کی، اللہ تعالیٰ ان کی محنت کو قبول فرمائے، انہیں شاندار کامیابی عطا کرے اور ان کا مستقبل دین و ملت کے لیے روشن اور باوقار بنائے۔ آمین 🤍
اس موقع پر ہم اُن تمام معزز شخصیات کے بھی تہہ دل سے شکر گزار ہیں جنہوں نے دورانِ امتحان ہمارے امتحانی مرکز کا وزٹ فرمایا، امتحانی عمل کا جائزہ لیا اور اپنی قیمتی آراء و حوصلہ افزا کلمات سے نوازا۔
خصوصی طور پر امتحانی عملہ، اساتذہ کرام اور منتظمین قابلِ تحسین ہیں جنہوں نے نہایت خوش اسلوبی، دیانت داری اور ذمہ داری کے ساتھ اپنے فرائض سرانجام دیے۔ اللہ تعالیٰ سب کی خدمات کو شرفِ قبولیت عطا فرمائے اور بہترین اجر عطا فرمائے۔ آمین 🤲

سالانہ امتحانات تنظیم المدارس اہل سنت پاکستان 2026 /1447
مرکزی دارلعلوم غوثیہ چاساں والی ڈھیری فتح جنگ
الحاق نمبر 05058
مرکز امتحان نمبر 151
کی مقامی پرنٹ نیوز

تنظیم المدارس اہلِ سنت پاکستان کے تحت ہونے والے سالانہ امتحانات کے سلسلے میں
مرکزی دارالعلوم غوثیہ، چاساں والی ڈھیری، فتح جنگ میں آج مختلف تعلیمی، سیاسی و سماجی شخصیات نے امتحانی مرکز کا دورہ کیا اور امتحانی نظم و ضبط و انتظامات کا بغور جائزہ لیا۔
وزٹ کرنے والی معزز شخصیات میں
ڈاکٹر اعجاز خان
چیف پیٹرن، اپسمہ فتح جنگ
ایف جے گرامر اسکول، فتح جنگ
شاہد اقبال
سابق سینئر نائب صدر، اپسمہ ضلع اٹک
ڈائریکٹر، برٹش اسکول آف آکسفورڈ
آصف ظہیر
نائب صدر، اپسمہ فتح جنگ
ڈائریکٹر، دی رائٹ اسکول سسٹم
سردار اظہر اقبال
مینجر، سنہری بینک، فتح جنگ
سردار ہمایون اقبال
مینجر، بینک اسلامی، فتح جنگ
اور معروف سیاسی و سماجی شخصیت محترم جناب حاجی سلیم صاحب، فتح جنگ
شامل تھے۔
معزز مہمانوں نے امتحانی انتظامات، شفافیت اور نظم و ضبط کو سراہا اور ادارے کی دینی و تعلیمی خدمات کو قابلِ تحسین قرار دیا۔
انتظامیہ مرکزی دارالعلوم غوثیہ کی جانب سے تمام معزز مہمانوں کا تہہ دل سے شکریہ ادا کیا جاتا ہے۔
اللہ تعالیٰ اس دینی و تعلیمی خدمت کو مزید ترقی عطا فرمائے۔ آمین 🤲

الحمدللہ ربّ العالمین 🤲
آج مرکزی دارالعلوم غوثیہ، چاساں والی ڈھیری فتح جنگ میں قائم امتحانی سنٹر کا سنی یکجہتی کونسل کے معزز اراکین نے دورہ کیا۔ وفد نے امتحانی عمل، نظم و ضبط اور انتظامات کا تفصیلی جائزہ لیا اور امتحانات کے پرامن، شفاف اور منظم انعقاد پر اطمینان اور خوشی کا اظہار کیا۔
سنی یکجہتی کونسل کے اراکین نے ادارے کی انتظامیہ اور اساتذہ کرام کی محنت کو سراہتے ہوئے نیک تمناؤں اور دعاؤں کا اظہار کیا۔
اللہ تعالیٰ اس علمی جدوجہد کو قبول فرمائے اور طلبہ کو کامیابی عطا فرمائے۔ آمین 🤍

الحمدللہ ربّ العالمین 🤲
مرکزی دارالعلوم غوثیہ، چاساں والی ڈھیری فتح جنگ میں طلبہ کے سالانہ امتحانات کل سے باضابطہ طور پر شروع ہو رہے ہیں۔
امتحانات طلبہ کی علمی محنت، صبر اور مسلسل جدوجہد کا عملی اظہار ہوتے ہیں اور کامیاب مستقبل کی بنیاد بنتے ہیں۔
ہم دعا گو ہیں کہ
اللہ تعالیٰ ان امتحانات کو خیر و عافیت، نظم و ضبط اور سکون کے ساتھ منعقد فرمائے،
تمام طلبہ کو ذہنی یکسوئی، مضبوط یادداشت اور اعتماد عطا فرمائے،
اور ان کی محنتوں کو کامیابی اور بہترین نتائج میں بدل دے۔ آمین 🤍
اللہ تعالیٰ تمام طلبہ کو علمِ نافع، عملِ صالح اور دینی و دنیاوی کامیابیوں سے نوازے۔
📚🤍