Govt Muslim Model High School

27/12/2025

عشقِ کسر

کِسی سفر کی طرح ہے محبوب سےجُدائی،
جہاں دِل کی دھڑکنیں،
نمازِ کَسر سی ادھوری ہو جاتی ہیں
چار رکعت کی جگہ دو،
جیسے اللہ کی رحمت میں ہو کَسرکی گنجائش

عاشق کا سانس ہوا آدھا
کبھی کبھی تو ہچکی میں رک جائے
پوری سانس کی اب ہمت کہاں
جیسے جدائی نے کسر واجب کر دی ہو

رشتے جو کبھی مکمل تھے
اب ناطے کی زنجیر ٹوٹ پھوٹ
خواہشیں ۔۔۔ جو اُدھوری ہیں
خواب ۔۔۔ نیم وا ہی رہ گئے
جیسے نماز میں کوئی قعدہ بھول جائے

فرض کفایہ سا ہے اب یہ جینا
نبھانا تو ہے
مگر آدھے دل سے
جیسے عشق کے ارکان سے کچھ منہا ہو جائے
کوئی رکوع کم...
جیسے سجدہ ادھورا رہ جائے

دل کی اذان خاموش ہو جائے
اور یادِ محبوب میں کسر کی نماز
یہ سفر ہے کہ ختم ہی نا ہو
بس ادھورا سا رہ جاتا ہے۔۔۔
سب کچھ۔۔۔۔ ھاں ! سب کُچھ

یہ کَسر نہیں
رحمت ہے شاید
کہ دل ٹوٹ بھی جائے۔۔۔۔ تو چلتا رہے
عاشق اُمید رکھتا ہے
کہ عشق کی اس ادھوری عبادت میں
کریم اللہ کی طرح،
یہ بھی بخش دے گا۔

(زیب٘ جاوید٘)

Check out Aurang Zaib Shami’s video.

25/12/2025

غمِ یَکتا کو غمِ دَوراں نہ بنا
فردِ وَاحد کو سَارا جَہاں نہ بنا

بے لاگ پِھریں زمیں پہ یہ خیال
رَموز اور بَحر کے آسماں نہ بنا

بہت نازک ہے جگہ ڈُوب جاؤ گے
دِلوں کے جہاں تُو مکاں نہ بنا

سفر طویل ہے مگر دُور کا نہیں
کفن کے سِوا اور ساماں نہ بنا

جان لے گی دُنیا ہُنر تیرا زَیب٘!
رَہ تُوخاموش کوئی بیاں نہ بنا
(زیب٘ جاوید٘)

Check out Aurang Zaib Shami’s post.

12/07/2020

بند آنکھوں نے خوابوں کی تجارت کمال کی
تیری یادوں سے آنکھوں نے طہارت کمال کی

بھری بزم میں پہلو میں میرے وہ بیٹھ گیا
میرے یار نے محبت کی جسارت کمال کی

(زیب جاوید)

23/05/2020

❤️🌙🇵🇰
*السلام علیکم*

میری طرف سے تمام اہل پاکستان اور پوری امتِ مسلمہ کو عیدالفطر مبارک!!

دلی دعا ہے کہ ہمارا پیارا وطن ہمیشہ امن, محبت, یگانگت اور سلامتی کا گہوارہ رہے, اور اللہ پاک ہمیں تمام آفات و بلیات سے محفوظ رکھے۔ آمین !!

طالبِ دُعا
*اورنگ زیب اشرف شامیّ* ❣️

24/04/2020

السلام علیکم۔

آمدِ ماہِ رمضان مبارک۔

اللہ پاک اس بابرکت ماہ کے توصل سے تمام اُمتِ مُسلمہ کو اپنے حبیب ﷺ کے صدقے تمام آفات و بلیات، پریشانیوں، تکالیف اور وبائی امراض سے نجات عطا فرمائے۔ آمین

اورنگ زیبّ اشرف شامیّ

18/04/2020

اِک روشنی ہوں دیکھتا پسِ دیوار مَیں
نہیں چاہتا کوئی رابطہ اب اُس پار مَیں

نہیں مِل رہے پُھول کوئی اِس چَمن میں مُجھے
میرا واسطہ ہے بَے وَجہ ہُوا خَار خَار مَیں

لَوہو گیا بُلند وہی نعرہءِ حق پِھر یہاں
ہوگئی طلوع سَحر چَلا سوئے دَار مَیں

وہ قہقہے سَارے اَب، ہَوا ہَو گئے ہیں سَب
جوگئے ہیں سب اَلگ وہ میرے یَار مَیں

تَازگی دِلکشی رَازداں وہ اَب کہاں
تیرے بعد زیبّ اب ہوا ہوں تَار تَار مَیں

(زیبّ جاویدّ)

28/02/2020

تیری نگاہ کے جادو بکھرتے جاتے ہیں
جو زخم دل کو ملے تھے وہ بھرتے جاتے ہیں

تیرے بغیر وہ دن بھی گزر گئے آخر
تیرے بغیر یہ دن بھی گزرتے جاتے ہیں

لے چلو مجھے دریاۓ شوق کی موجو
کہ ہمسفر تو مرے پار اُترتے جاتے ہیں

تمام عمر جہاں ہنستے کھیلتے گزری
اب اُس گلی میں بھی ہم ڈرتے ڈرتے جاتے ہیں

میں خواہشوں کے گھروندے بناۓجاتا ہوں
وہ محنتیں مری برباد کرتے جاتے ہیں

ناصر کاظمی

11/02/2020

حجر اسود کا ایک عجیب واقعہ

تاریخ میں کم ازکم چھ واقعات ملتے ہیں جب حجر اسود کو چوری کیا گیا یہ اس کو توڑنے کی کوشش کی گئی۔ہوسکتا اس کے حوادث کی تعداد اس بھی زیادہ ہو۔اسلامی روایات کے مطابق جب حضرت ابراہیم اور ان کے بیٹے حضرت اسماعیل خانہ کعبہ کی تعمیر کر رہے تھے۔ تو حضرت جبرائیل نے یہ پتھر جنت سے لا کر دیا جسے حضرت ابراہیم نے اپنے ہاتھوں سےدیوار کعبہ میں نصب کیا۔۔

7 ذی الحجہ 317ھ کو بحرین کے حاکم ابو طاہر سلیمان قرامطی نے مکہ معظمہ پر قبضہ کر لیا۔ خوف و ہراس کا یہ عالم تھا کہ اس سال 317ھ کو حج بیت اللہ شریف نہ ہو سکا اوع کوئی بھی شخص عرفات نہ جا سکا۔ انا للہ و انا الیہ راجعون۔
یہ اسلام میں پہلا موقع تھا کہ حج بیت اللہ موقوف ہو گیا۔۔۔
اسی ابو طاہر قرامطی نے حجر اسود کو خانہ کعبہ سے نکالا اور اپنے ساتھ بحرین لے گیا۔
پھر بنو عباس کے خلیفہ مقتدر باللہ نے ابو طاہر قرامطی کے ساتھ فیصلہ کیا اور تیس ہزار دینار دے دیے۔تب حجر اسود خانہ کعبہ کو واپس کیا گیا۔ یہ واپسی 339ھ کو ہوئی۔ گویا کہ 22 سال تک خانہ کعبہ حجر اسود سے خالی رہا۔
جب فیصلہ ہوا کہ حجر اسود کو واپس کیا جائے گا تو اس سلسلے میں خلیفہ وقت نے ایک بڑے عالم محدث شیخ عبداللہ بن عکیم المحدث کو حجر اسود کی وصولی کے لیے ایک وفد کے ساتھ بحرین بھجوایا۔۔
یہ واقعہ علامہ سیوطی کی روایت سے اس طرح نقل کیا گیا ہے کہ جب شیخ عبداللہ بحرین پہنچ گئے تو بحرین کے حاکم نے ایک تقریب کا اہتمام کیا جس میں حجر اسود کو ان کے حوالہ کیا گیا تو ان کے لیے ایک پتھر خوشبودار خوبصورت غلاف میں سے نکالا گیا کہ یہ حجر اسود ہے اسے لے جائیں۔ محدث عبداللہ نے فرمایا کہ نہیں بلکہ حجر اسود میں دو نشانیاں ہیں اگر یہ پتھر اس معیار پر پورا اترا تو یہ حجر اسود ہوگا اور ہم لے جائیں گے۔
پہلی نشانی یہ کہ پانی میں ڈوبتا نہیں ہے دوسری یہ کہ آگ سے گرم بھی نہیں ہوتا۔ اب اس پتھر کو جب پانی میں ڈالا گیا تو وہ ڈوب گیا پھر آگ میں اسے ڈالا تو سخت گرم ہو گیا۔۔
فرمایا ہم اصل حجر اسود کو لیں گے پھر اصل حجر اسود لایا گیا اور آگ میں ڈالا گیا تو ٹھنڈا نکلا پھر پانی میں ڈالا گیا وہ پھول کی طرح پانی کے اوپر تیرنے لگا تو محدث عبداللہ نے فرمایا یہی ہمارا حجر اسود ہے اور یہی خانہ کعبہ کی زینت ہے اور یہی جنت والا پتھر ہے۔
اس وقت ابو طاہر قرامطی نے تعجب کیا اور کہا: یہ باتیں آپ کو کہاں سے ملی ہیں تو محدث عبداللہ نے فرمایا یہ باتیں ہمیں جناب رسول اللہ صلی اللّٰہ علیہ وآلہ وسلم سے ملی ہیں کہ ’’حجر اسود پانی میں ڈوبے گا نہیں اور آگ سے گرم نہیں ہو گا‘‘
ابو طاہر نے کہا کہ یہ دین روایات سے بڑا مضبوط ہے۔
جب حجر اسود مسلمانوں کو مل گیا تو اسے ایک کمزور اونٹنی کے اوپر لادا گیا جس نے تیز رفتاری کے ساتھ اسے خانہ کعبہ پہنچایا۔
اس اونٹنی میں زبردست قوت آ گئی اس لیے کہ حجر اسود اپنے مرکز بیت اللہ کی طرف جا رہا تھا لیکن جب اسے خانہ کعبہ سے نکالا گیا تھا اور بحرین لے جا رہے تھے تو جس اونٹ پر لادا جاتا وہ مر جاتا، حتیٰ کہ بحرین پہنچنے تک چالیس اونٹ اس کے نیچے مر گئے۔
22 سال کے عرصے کے بعد حجرِ اسود کو واپس خانہ کعبہ میں نصب کر دیا گیا۔۔

رسول اکرم صلی اللہ علیہ وسلم سے وارد ہے کہ زمین میں حجر اسود اللہ تعالی کا دایاں ہے۔ روز قیامت آئے گا تو اس کی ایک زبان ہوگی۔ جس نے بھی اسے حق یا باطل کے ساتھ چوما اس کی گواہی دے گا۔ یہ پانی میں نہيں ڈوبتا اور نہ ہی آگ سے گرم ہوتا ہے ۔۔۔"
اور حجر اسود وہ ہے جو کعبہ کے جنوب مشرقی کنارے میں ہے اور یہيں سے طواف کی ابتداء ہوتی ہے۔ یہ اصل میں جنت کے یاقوتوں میں سے ہے۔ اس کا رنگ مقام ( ابراھیم ) کی طرح سفید شفاف تھا۔ اور یہ آنسو بہانے اوردعا کے قبول ہونے کی جگہ ہے۔ اسے چھونا اور اس کا بوسہ لینا مسنون ہے اور زمین میں یہ اللہ تعالی کا دایاں ہاتھ ہے یعنی اللہ تعالی ساتھ توبہ کا عہد کرتے ہوئے مصافحہ کامقام ہے۔ جس نے بھی اسے چھویا یہ روز قیامت اس کی گواہی دے گا ، اور جو اس کے برابر ہوتا ہے وہ رحمن کے ہاتھ سے معاہدہ کررہا ہے اور اسے چھونے سے گناہ معاف ہوتے ہیں۔ یہ انبیاء ، صالحین ، حجاج، عمرہ اور زيارت کرنے والوں کے لبوں کے ملنے کی جگہ ہے...

04/08/2018

السلام علیکم!

تمام خُلفاء، معتقدین اورمُریدین کو اطلاع دی جاتی ہے کہ 5 اگست 2018 بروز اتوار ( 3بجے سہ پہر تا 6بجے شام) آستانہ عالیہ پرماہانہ محفلِ میلادکا انعقادکیاجارہاہے۔انشاءاللہ۔

تمام احباب وقت کی پابندی کو ملحوظِ خاطر رکھیں۔

منجانب:
صاحبزادہ مُحمد علی شامیّ
خلیفہءِ مجاز آستانہءِ شامیّ
فیصل ٹاؤن، لاہور

25/02/2017