Khuddam ul Quran Official

Qurbani sirf ek din ka kaam nahi, yeh ek poori zindagi ka sabaq hai.

Hazrat Ibrahim علیہ السلام ne apni sab se qeemti cheez Allah ke raaste mein rakh di, woh cheez jo 86 saal ki dua ke baad mili thi. Woh beta jo jawaan hua, kaandhe se kaandha milane laga, zindagi ka sahara banne laga.

Aur jab Allah ne maanga, to ek pal nahi socha. Na jhijhke, na ruke, na sawal kiya. Bas sar jhuka diya.

Aur Allah ne farma diya: “Salamun Ala Ibrahim.”

Hum bhi har saal qurbani karte hain. Janwar khareedte hain, zabah karte hain, gosht baantte hain.

Lekin Ibrahim علیہ السلام wali qurbani mein jo cheez thi, woh thi dil ka dard aur Allah par mukammal bharosa.

Qurbani ka asli maqsad gosht nahi, taqwa hai. Allah Quran mein farmaata hai: “Mujhe tumhara gosht nahi pahunchta, mujhe tumhara taqwa pahunchta hai.”

Toh is Eid par ek baar khud se poochho: kya meri qurbani sirf janwar ki hai, ya maine kuch apne nafs ka bhi diya?

Khuddam ul Quran ke saath seekhein, sochein, aur apne deen ko pehchanen.

فَاسْعَوْا إِلَى ذِكْرِاللَّہ (Hasten to the Remembrance of Allah) ✨Series of Friday Sermons 📅 Date: May 22, 2026 🎙️ Mentor: Dr. Abdus Samie 📍 Venue: Quran Academy, Faisalabad . . Subscribe Here : https://www.youtube.com/quranacademyfsd Other YouTube Channel : https://www.youtube.com/KhuddamulQura... page : https://www.facebook.com/KhuddamUlQuran Instagram : https://www.instagram.com/KhuddamulQu... --------------------------------------------------------------------------------------------------------------- P-45 - Quran Academy Saeed Colony No.2 Canal Road , Faisalabad www.khuddam-ul-quran.com 0412437618 , 0335-7860562

Zulhijja aata hai aur har taraf ek hi baat sunne ko milti hai

TV channels par mubahise hote hain, akhbaron mein mazameen chhapte hain aur kaha jata hai ke Eid ul Azha humein insani hamdardi ka sabaq deti hai.

Lekin zara rukiye.

Hazrat Ibrahim علیہ السلام ne Hazrat Ismail علیہ السلام ko zabah karte waqt kisi gharib ko gosht khilana nahi tha.
Na kisi madrasse ko khaal deni thi.

Sirf aur sirf Allah ka hukum tha.
Aur unhon ne maan liya.

Yahi qurbani ka asli paigham hai.

Naukar inkar kar sakta hai.
Ghulam nahi kar sakta.

Hazrat Ibrahim علیہ السلام Allah ke ghulam the.
Poore ke poore.

Lekin aaj secular tabqa yeh baat hazam nahi kar sakta ke Allah ko Rabb maana jaye, Aaqa maana jaye.

Isliye qurbani ka matlab badla ja raha hai.

Isliye kehte hain ke yeh paise kisi gharib ko de do, kisi ki beti ki shaadi kara do.

Yeh sab uss ghalat bunyad par bani imaaratein hain.

Qurbani insani hamdardi ka naam nahi.
Qurbani Allah ke hukum par apni mehboob tareen cheez chhor dene ka naam hai.

Khuddam ul Quran ke saath seekhein, sochein aur apne deen ko pehchanen.

Zulhijja aa gaya...

Aur hum sab janwar lene ki fikr mein lag gaye.
Kaun si mandi, kitna wazn, kaun sa janwar...

Lekin is sab mein woh asli baat miss ho jaati hai, jiske liye yeh din aaye hain.

Qurbani ka lafz hi “Qurb” se nikla hai.
Allah ka qurb hasil karna.

Yeh sunnat hai Hazrat Ibrahim علیہ السلام ki, jinhon ne apne sabse mehboob bete ke gale par chhuri chala di, sirf is liye ke Allah ka hukum tha.

Aur Allah ne Quran mein saaf farma diya hai ke tumhare janwar ka gosht aur khoon Allah tak nahi pahunchta.
Allah tak sirf taqwa pahunchta hai.
Dil ka khauf pahunchta hai.

Lekin hum ne ise ek annual barbeque festival bana diya hai.

Freezer bharte hain, gosht baantte hain, aur samajhte hain qurbani ho gayi.

Qurbani aati hai yeh sikhane ke liye ke apni mehboob tareen cheez Allah ke naam par qurban karo.

Woh cheez jo dil ko sabse zyada azeez ho, usay Allah ke hukum par chhor dene ka naam qurbani hai.

Khuddam ul Quran ke saath seekhein, sochein, aur apne deen ko pehchanen.

Hajj ka falsafa...

Socho zara, pura Quran butoon ki nafi se bhara pada hai.

Aur hum ek pattharon ke ghar ka tawaf karte hain.

Quran kehta hai Allah har jagah hai, mashriq mein bhi maghrib mein bhi.

Aur hum sirf ek taraf rukh kar ke namaz padhte hain.

Quran kehta hai libaas pehno, zeenat ikhtiyar karo.

Aur hum ihram mein khud ko is tarah expose karte hain jo aam halat mein soch bhi nahi sakte.

Yeh sab deen ke bunyadi usoolon ke khilaf lagta hai na?

Lekin phir bhi hum karte hain.

Kyun?

Kyunki Nabi ﷺ ne tawaf kiya tha.
Kyunki Nabi ﷺ ne ihram bandha tha.
Kyunki Nabi ﷺ ne Hajar e Aswad ko bosa diya tha.
Kyunki Nabi ﷺ ne kankriyan maari thin.

Hajj tauheed ka symbol nahi...

Hajj ittiba e Rasool ﷺ ka symbol hai.

Khuddam ul Quran ke saath seekhein, sochein aur apne deen ko pehchanen.

Zulhijja ke yeh 10 din ek golden opportunity hain... Allah ki rehmat ka darwaza khula hai, to kya hum is mauqay ka fayda uthayenge? Sirf sawab jama karne ke liye nahi, balkay apna rukh duniya se aakhirat ki taraf karne ke liye. Khuddam ul Quran ke saath apne imaan ko taza karein is khaas mahine mein.

Quran aur Hadith humein batati hain ke asal ahmiyat sirf ilm ki nahi, balki saaf dil ki bhi hai.

Ek saaf dil insaan chahe anparh ho, lekin hikmat aur naseehat ko samajh leta hai… jabke ganday dil mein sirf maloomat hoti hain, hikmat nahi.

Is bayan mein janiye ke dil ki safai zindagi ko kaise badal deti hai.

Quran sirf padhne ki kitaab nahi
yeh zindagi ko badalne wala nizaam hai

Khuddam ul Quran mein hum aapko Quran ke asal paighaam tak le jate hain
sirf tilawat nahi… samajh aur amal ke sath

Quran humein yeh sikhata hai
ke insan se galtiyan hoti hain
lekin asal kamyabi yeh hai ke
foran Allah ki taraf rujoo kiya jaye
رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ
Hum insan hain…
kamzor bhi hain aur ghaflat mein bhi par jate hain

Is liye zaroori hai ke
Quran ko sirf sunna nahi
balkay samajhna aur apni zindagi ka hissa banana seekhein
Yahi hidayat ka asal safar hai

Khuddam ul Quran
Quran ko samajhne aur zindagi badalne ka ek ilmī safar

فَاسْعَوْا إِلَى ذِكْرِاللَّہ
(Hasten to the Remembrance of Allah)

✨Series of Friday Sermons
📅 Date:May 15, 2026
🎙️ Mentor: Dr. Abdus Samie
📍 Venue: Quran Academy, Faisalabad


Subscribe Here : https://www.youtube.com/quranacademyfsd
Other YouTube Channel : https://www.youtube.com/KhuddamulQura...
page : https://www.facebook.com/KhuddamUlQuran
Instagram : https://www.instagram.com/KhuddamulQu...
---------------------------------------------------------------------------------------------------------------
P-45 - Quran Academy Saeed Colony No.2 Canal Road , Faisalabad
www.khuddam-ul-quran.com
0412437618 , 0335-7860562