Muhammad Umar Arif

16/08/2026

09/08/2026

*دین ہماری عقل و مرضی سے نہیں، اللہ اور رسول ﷺ کے حکم سے چلے گا!*

کل رات عشاء کی نماز کے لیے جا رہا تھا۔ جماعت کا وقت تقریباً 9 بجے تھا، راستے میں ایک دو منٹ دیر ہوگئی۔ مسجد سے جماعت کی آواز آ رہی تھی، تو دل چاہا کہ جلدی قدم بڑھاؤں، کہیں جماعت نہ نکل جائے۔

اسی وقت رسول اللہ ﷺ کا فرمان یاد آگیا:

«إِذَا سَمِعْتُمُ الإِقَامَةَ فَامْشُوا إِلَى الصَّلَاةِ، وَعَلَيْكُمُ السَّكِينَةُ وَالْوَقَارُ، وَلَا تُسْرِعُوا»

"جب تم اقامت سنو تو نماز کے لیے چل کر آؤ، تم پر سکون اور وقار لازم ہے، اور جلدی نہ کرو۔"

📚 صحیح بخاری: 636، صحیح مسلم: 602

بس پھر میں نے اپنی عقل کی بات نہیں مانی، بلکہ رسول اللہ ﷺ کی بات مانی اور اطمینان کے ساتھ درمیانی چال چلتا ہوا مسجد پہنچا۔

یہاں ایک بہت بڑی بات سمجھ آتی ہے:

دین وہ نہیں جو ہماری عقل کو اچھا لگے، دین وہ ہے جو اللہ اور اس کے رسول ﷺ نے بتا دیا۔

عقل کہہ رہی تھی:
"جلدی کرو، دوڑو، جماعت نکل جائے گی!"

لیکن نبی ﷺ کا حکم تھا:
"سکون اور وقار کے ساتھ آؤ، دوڑو نہیں۔"

تو مسلمان کی پہچان یہ ہے کہ جب اللہ اور رسول ﷺ کا حکم سامنے آجائے تو اپنی رائے کو پیچھے کر دے۔

اللہ تعالیٰ فرماتا ہے:

﴿وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ﴾

"کسی مومن مرد اور مومن عورت کے لیے یہ حق نہیں کہ جب اللہ اور اس کا رسول کسی معاملے کا فیصلہ فرما دیں تو پھر انہیں اپنے معاملے میں اختیار باقی رہے۔"

📖 سورۃ الأحزاب: 36

اور یہی اصل کامیابی ہے:

ہماری عبادت وہی قبولیت کے قریب ہوگی جو اللہ کے حکم اور رسول اللہ ﷺ کے بتائے ہوئے طریقے کے مطابق ہوگی۔

اپنی مرضی سے نماز پڑھنا، اپنی مرضی سے عبادت کا طریقہ بنانا، یا یہ کہنا کہ "مجھے تو یہ طریقہ زیادہ مناسب لگتا ہے" — یہ دین کا اصول نہیں۔

دین میں ہماری مرضی نہیں چلے گی؛ دین میں اللہ اور اس کے رسول ﷺ کی مرضی چلے گی۔

اسی لیے نبی کریم ﷺ نے فرمایا:

«صَلُّوا كَمَا رَأَيْتُمُونِي أُصَلِّي»

"نماز اسی طرح پڑھو جیسے تم نے مجھے نماز پڑھتے دیکھا ہے۔"

📚 صحیح بخاری: 631

لہٰذا اگر کامیابی چاہتے ہو تو ایک اصول یاد رکھو:

اپنی عقل کو وحی کے تابع کرو، وحی کو اپنی عقل کے تابع نہ کرو۔

کیونکہ عقل بدل سکتی ہے، رائے بدل سکتی ہے، زمانہ بدل سکتا ہے؛
لیکن رسول اللہ ﷺ کا طریقہ قیامت تک ہمارے لیے نمونہ ہے۔

🌹 اللہ ہمیں قرآن و سنت کے مطابق زندگی گزارنے کی توفیق عطا فرمائے۔ آمین۔

07/08/2026

لاکھوں کروڑوں درود و سلام سرورِ کونین, وجہِ کائنات, نبی آخر الزماں حضرت محمد مصطفیٰ ﷺ اور اُن ﷺ کی آل پر

اَللّٰهُمَّ صَلِّ عَلیٰ مُحَمَّدٍ وَّعَلیٰ آلِ مُحَمَّدٍ کَمَا صَلَّیْتَ عَلیٰ إِبْرَاهِیْمَ وَعَلیٰ آلِ إِبْرَاھِیْمَ، إِنَّكَ حَمِیْدٌ مَّجِیْدٌ

اَللّٰهُمَّ بَارِكْ عَلیٰ مُحَمَّدٍ وَّعَلیٰ آلِ مُحَمَّدٍ کَمَا بَارَکْتَ عَلیٰ إِبْرَاھِیْمَ وَعَلیٰ آلِ إِبْرَاھِیْمَ، إِنَّكَ حَمِیْدٌ مَّجِیْدٌ

06/08/2026

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًاﷺ*
یااللّٰه میں تجھ سے دنیا اور آخرت میں عافیت چاہتا ہوں یااللّٰه ہم سب پر اپنی رحمتوں اور عافیت کے سائے ہمیشہ دراز رکھ ہم پراپناکرم رکھ

05/08/2026

اسلام علیکم ورحمتہ اللہ وبرکاتہ 💕
درودِ ابراہیمی اللہ تعالیٰ کی عظیم نعمت اور نبی کریم ﷺ سے محبت کا خوبصورت اظہار ہے۔
جو شخص اخلاص کے ساتھ کثرت سے درودِ پاک پڑھتا ہے، اللہ تعالیٰ اس پر اپنی رحمتیں نازل فرماتا ہے، دل کو سکون عطا کرتا ہے

04/08/2026

حضرتِ امام مالِک رحمۃُ اللہِ علیہ سے مسجدِ نبوی شریف میں گفتگو کے دَوران خلیفہ ابو جعفر نے آواز بُلند کی تو آپ نے اُس سےارشاد فرمایا؛ اے خلیفہ! اِس مسجد میں آواز بلند مت کرو، اللہ پاک نے بارگاہِ رسالت میں آوازیں دھیمی رکھنے والوں کی مَدْح (یعنی تعریف) فرمائی ہے، چُنانچِہ پارہ 26 سورۃُ الحُجُرات کی تیسری آیتِ مبارَکہ میں فرمایا؛
اِنَّ الَّذِیْنَ یَغُضُّوْنَ اَصْوَاتَهُمْ عِنْدَ رَسُوْلِ اللّٰهِ اُولٰٓىٕكَ الَّذِیْنَ امْتَحَنَ اللّٰهُ قُلُوْبَهُمْ لِلتَّقْوٰىؕ-لَهُمْ مَّغْفِرَةٌ وَّ اَجْرٌ عَظِیْمٌ(۳) (پ26 ، الحجرات : 3)
ترجَمۂ کنز الایمان : بیشک وہ جو اپنی آوازیں پَست کرتے ہیں رسولُ اللہ کے پاس، وہ ہیں جن کا دل اللہ نے پرہیزگاری کے لئے پَرَکھ لیا ہے ان کے لئے بخشِش اور بڑا ثواب ہے۔

جبکہ آوازیں بُلند کرنے والوں کی ان الفاظ میں مَذَمَّت بیان فرمائی ہے، چُنانچِہ اسی سورت کی چوتھی آیتِ کریمہ ہے؛
اِنَّ الَّذِیْنَ یُنَادُوْنَكَ مِنْ وَّرَآءِ الْحُجُرٰتِ اَكْثَرُهُمْ لَا یَعْقِلُوْنَ(۴) (پ26 ، الحجرات : 4)
ترجَمۂ کنز الایمان : بیشک وہ جو تمہیں حُجروں کے باہَر سے پکارتے ہیں ان میں اکثر بے عقْل ہیں۔

تاجدارِ رسالت صلی اللہ علیہ واٰلہٖ وسلم کی عزّت وحُرمت یقیناً آج بھی اُسی طرح ہے جس طرح حیاتِ ظاہِری میں تھی۔ امام مالک رحمۃُ اللہِ علیہ کی اس گفتگو سے ابوجعفر خاموش ہوگیا۔
(الشفاء ، 2 / 41)