Hira Sani Public School

04/09/2026

📚 پنجاب کے تعلیمی بورڈز میں نہم جماعت کے نتائج ایک لمحۂ فکریہ ہیں۔

اعداد و شمار بتاتے ہیں کہ لاکھوں طلبہ میں سے بڑی تعداد کامیابی حاصل نہیں کر سکی۔ ہمیں صرف نتائج پر نہیں بلکہ اسباب، معیارِ تعلیم اور طلبہ کی بہتر رہنمائی پر بھی توجہ دینا ہوگی۔

آئیے! تعلیم کو بہتر بنائیں، تاکہ ہر بچہ کامیابی کی طرف بڑھ سکے۔ 🌟

27/08/2026

📚✨ WELCOME BACK TO SCHOOL! ✨📚

الحمدللہ! طویل تعطیلات کے بعد Hira Sani Public School ایک بار پھر اپنے پیارے طلباء و طالبات کا پُرجوش استقبال کرتا ہے۔

نئے تعلیمی سال کا آغاز نئی اُمنگوں، نئے عزم اور نئی کامیابیوں کے ساتھ کریں۔ آئیے مل کر سیکھنے، پڑھنے اور آگے بڑھنے کے اس خوبصورت سفر کو دوبارہ شروع کریں۔

🌟 نئی کلاسز
🌟 نئے اہداف
🌟 نئی کامیابیاں
🌟 روشن مستقبل کی جانب ایک اور قدم

پیارے طلباء! اپنی کتابیں، مسکراہٹ اور سیکھنے کا جذبہ ساتھ لائیں، کیونکہ آپ کا سکول آپ کا منتظر ہے۔

Welcome Back to School! 🎒📖

Hira Sani Public School
"Come & Read, Go & Lead"

17/08/2026

ہم کہیں نہ کہیں کچھ غلط کر رہے ہیں یا ابھی جتنا ضروری ہے، اس سے بہت تھوڑا کر رہے ہیں۔ چار سال باٹنی پڑھنے والے ایک طالبعلم کے گھر گئی تو چھ سات مرلے کے ڈبل اسٹوری گھر میں ایک بھی قدرتی پودا نہیں تھا۔ نیوٹریشن پڑھنے والے تقریباً سو فیصد طالب علم یونیورسٹی میں صاف لنچ نہیں کرتے۔ کئی بار استعمال شدہ تیل میں بجھے ہوئے سموسے ڈکارتے ہوئے ایک دوسرے کو پروٹین کے فوائد پر اسائنمنٹ بنوا رہے ہوتے ہیں۔ بزنس پڑھنے والے سو طالب علموں سے پوچھیں کہ مستقبل کا کیا پلان ہے تو جواب آئے گا: جاب کی تلاش۔

کمپیوٹر سائنس پڑھنے والا طالب علم چار سال پروگرامنگ پڑھ کر بھی کوئی چھوٹا سا ڈیجیٹل پراڈکٹ بنانے سے گھبراتا ہے۔ معاشیات پڑھنے والا طالب علم افراطِ زر کے اسباب اور اثرات پورے نمبر لے کر لکھ سکتا ہے، مگر اپنے گھر کے بجٹ پر مہنگائی کا اثر نہیں نکال سکتا۔ نفسیات پڑھنے والا طالب علم جذباتی ذہانت پر اسائنمنٹ لکھ سکتا ہے، مگر پریشان دوست کے پاس بیٹھ کر دو منٹ بات کرنے کی تربیت نہیں رکھتا۔ ماحولیاتی علوم پڑھنے والا طالب علم موسمیاتی تبدیلی پر پریزنٹیشن دے سکتا ہے، مگر پلاسٹک کی بوتل کہاں پھینکنی ہے، یہ بھول جاتا ہے۔ تعلیم پڑھنے والا طالب علم سیکھنے کے نظریات یاد کر لیتا ہے، مگر اسے کبھی حقیقی بچے کے ساتھ بیٹھ کر یہ آزمانے کا موقع نہیں ملتا کہ کون سا طریقۂ تدریس واقعی کام کرتا ہے۔

مسئلہ یہ نہیں کہ ہم تھیوری پڑھا رہے ہیں، مسئلہ یہ ہے کہ تھیوری اور عملی زندگی کے درمیان بے انتہا گیپ پیدا ہوگیا ہے۔ ہمیں نصاب کو صرف کتاب تک محدود رکھنے کے بجائے زندگی سے جوڑنا ہوگا۔ طالب علم ماحولیاتی آلودگی صرف پڑھے نہیں، اپنے کیمپس کا کچرا بھی دیکھے؛ معاشیات صرف پڑھے نہیں، بازار کی قیمتوں کا جائزہ بھی لے؛ بزنس صرف پڑھے نہیں، کوئی چھوٹا سا کاروباری تجربہ بھی کرے؛ تحقیق صرف پڑھے نہیں، حقیقی اعداد و شمار کے ساتھ کوئی مسئلہ حل بھی کرے۔

اسی طرح اسائنمنٹ اور امتحان بھی صرف تعریفیں اور یاد کیے ہوئے جوابات مانگنے کے بجائے سوچ، فیصلہ سازی اور مسئلہ حل کرنے کو جانچیں۔ اگر کاروباری صلاحیت کا سوال "تعریف لکھیں" ہوگا تو طالب علم تعریف یاد کرے گا؛ اگر پانچ ہزار روپے دے کر کہا جائے کہ اس سے کوئی چھوٹا سا کاروباری تجربہ کرکے آؤ تو وہ کاروبار کو سمجھنا شروع کرے گا۔

یونیورسٹی کو صنعت، بازار، سرکاری اداروں اور معاشرے کے ساتھ جوڑنا ہوگا تاکہ طالب علم حقیقی مسائل پر کام کریں۔ استاد صرف لیکچر دینے والا نہیں بلکہ رہنما اور مسئلہ حل کرنے کے عمل میں شریک ہونا چاہیے۔ آخرکار ہمیں یہ نہیں دیکھنا کہ طالب علم نے چار سال میں کیا یاد کیا، بلکہ یہ دیکھنا ہوگا کہ چار سال بعد وہ کیا کر سکتا ہے۔

نبیلہ ہارون کوثر









**

14/08/2026

14/08/2026

🇵🇰 یومِ آزادی کی شاندار تقریب | حرا ثانی پبلک سکول، عبدااللہ پور 💚

"سبز ہلالی پرچم کی چھاؤں میں، محبتِ وطن کا ایک اور خوبصورت باب!"

آج 14 اگست 2026ء کو حرا ثانی پبلک سکول (عبداللہ پور) میں جشنِ آزادی انتہائی جوش، جذبے اور پروقار انداز میں منایا گیا۔

سکول کو پاکستان کے سبز ہلالی پرچموں اور خوبصورت جھنڈیوں سے دلہن کی طرح سجایا گیا تھا۔ ننھے منے طلباء و طالبات نے جب اپنے معصوم اور خوبصورت انداز میں ملی نغمے پیش کیے، تو پورا سکول "پاکستان زندہ باد" کے نعروں سے گونج اٹھا۔ ان بچوں کی آنکھوں میں چمکتی خوشی اور آواز میں وطن کی محبت واقعی دل کو چھو لینے والی تھی۔ ✨

📜 آج کا عہد:

تقریب کے اختتام پر اساتذہ، والدین اور بچوں نے مل کر یہ عزم کیا کہ:

"ہم اپنے علم، محنت اور بہترین اخلاق کے ذریعے اس ملک کا نام روشن کریں گے اور پاکستان کی ترقی و سلامتی کے لیے ہمیشہ کوشاں رہیں گے۔"

اللہ تعالی ہمارے پیارے وطن پاکستان کو ہمیشہ قائم و دائم اور سرسبز و شاداب رکھے۔ آمین! 🤲🇵🇰

ہماری طرف سے آپ سب کو یومِ آزادی بہت بہت مبارک ہو! 🎉

05/08/2026

*الحمدللہ! پنجاب بھر میں پرائیویٹ سکولز کی شاندار کامیابی*

*الحمدللہ، پنجاب بھر میں بورڈ کے امتحانات میں پرائیویٹ سکولز کے طلبہ و طالبات نے نمایاں پوزیشنز حاصل کرکے یہ ثابت کر دیا ہے کہ پرائیویٹ تعلیمی ادارے پاکستان کے تعلیمی نظام کا ایک مضبوط اور اہم ستون ہیں۔*

*ہم ان تمام کامیاب طلبہ، ان کے والدین، اساتذہ اور تعلیمی اداروں کو دل کی گہرائیوں سے مبارکباد پیش کرتے ہیں۔ یہ کامیابیاں پرائیویٹ سیکٹر کی انتھک محنت، بہترین تدریسی معیار اور تعلیم کے لیے مسلسل جدوجہد کا ثبوت ہیں۔*

ہم حکومتِ پنجاب کے ساتھ ایک واضح اور مثبت مؤقف رکھتے ہیں“*ہم حکومت کے Competitors نہیں، بلکہ Education Partners ہیں۔”*

*ہم حکومت کے ساتھ کندھے سے کندھا ملا کر کھڑے ہیں اور ہمارا مقصد کسی ادارے یا حکومت سے مقابلہ کرنا نہیں، بلکہ مل کر پنجاب کے بچوں کو بہتر، معیاری اور محفوظ تعلیم فراہم کرنا ہے۔*

*حکومت پالیسی اور سہولیات فراہم کرے اور پرائیویٹ سیکٹر اپنی صلاحیت، تجربے اور محنت کے ذریعے اس قومی ذمہ داری میں اپنا کردار ادا کرے—تو ہم مل کر پنجاب کے تعلیمی نظام کو مزید مضبوط بنا سکتے ہیں۔*

*تعلیم ہمارا مشترکہ مشن ہے، مقابلہ نہیں۔*

منجانب

حرا ثانی پبلک سکول عبداللہ پور فیصل آباد

#تعلیم

30/06/2026

کل کسی نے پوسٹ کی تھی کہ:

*"میری بچی میٹرک کے بعد فارغ ہے، اسے کون سا سکل سیکھنا چاہیے؟"*

کافی لوگوں نے کہا اے آئی سکھائیں۔بات بالکل ٹھیک ہے، لیکن سوال یہ ہے کہ اے آئی سیکھنا ہے کیا؟

اے آئی صرف کوئی ایپ چلانے کا نام نہیں اے آئی بھی تب جادو بنتا ہے جب بچے کو صحیح سوال پوچھنا آ جائے، یعنی اسے ہدایات دینا آ جائے
اور پرامپٹ کیسے اچھا آئے گا؟

جب بچے کی سوچ واضح ہو۔
جب اسے لکھنا آتا ہو۔
جب اسے مسئلہ سمجھنا آتا ہو۔
جب اسے اپنی بات ترتیب سے بیان کرنی آتی ہو۔
جب اسے یہ پتا ہو کہ اسے چاہیے کیا۔

اسی لیے میٹرک کے بعد بچوں کو صرف ایک سکل نہیں، بلکہ ایسی skills سکھانی چاہئیں جو ان کی سوچ، اعتماد اور practical life کو بہتر بنائیں۔

English communication
Basic computer skills
AI tools and prompt writing
Canva یا graphic designing
Content writing
Public speaking
Financial literacy
Cooking, baking, stitching یا کوئی practical skill
Self-management اور time management

لیکن سب سے اہم سکل ہے خود سیکھنے کی عادت
یعنی
Independent learner بننا۔
۔

کیونکہ جو بچہ سیکھنا سیکھ جائے، وہ AI بھی سیکھ لے گا، business بھی، freelancing بھی، اور زندگی میں آنے والی نئی technologies بھی۔

بچوں کو صرف مصروف نہ رکھیں، انہیں explore کرنے دیں۔
شاید وہ اسی دوران اپنی direction ڈھونڈ لیں۔

آپ کے خیال میں میٹرک کے بعد بچوں کو کون سا skill ضرور سیکھنا چاہیے؟

سر مظہر نعمانی

14/06/2026

*درخت، گرمی اور ریاستی غفلت*

*یہ تصویر ایک آئینہ ہے — جس میں ہمارا اپنا چہرہ نظر آتا ہے۔*

ایک طرف وہ سڑک ہے جہاں درخت نہیں — دھوپ ہے، دھواں ہے، اور تھرمامیٹر 44 ڈگری چیخ رہا ہے۔ دوسری طرف وہی سڑک — بس درختوں کی چھاؤں میں لپٹی ہوئی — اور درجہ حرارت 38 ڈگری۔ صرف 6 ڈگری کا فرق؟ نہیں — یہ فرق زندگی اور موت کے درمیان کا ہے۔

زمین ہماری ملکیت نہیں، امانت ہے۔ مگر ہم نے اس امانت میں خیانت کی — درخت کاٹے، سڑکیں چوڑی کیں، فضا کو دھویں سے بھر دیا — اور پھر اللہ سے بارش مانگتے رہے۔

ایک درخت صرف لکڑی یا سایہ نہیں — وہ آکسیجن کا کارخانہ ہے، بارش کا بلاوا ہے، گرمی کی ڈھال ہے۔ مگر ہماری ریاست نے ہمیشہ درخت کو “رکاوٹ” سمجھا — کبھی سڑک چوڑی کرنے کے نام پر، کبھی تجاوزات ہٹانے کے نام پر۔

بلین ٹری ہو یا گرین پاکستان — اعلانات بہت ہوئے، افتتاح ہوئے، تصویریں کھنچیں — مگر پودے سوکھ گئے کیونکہ دیکھ بھال کوئی نہیں کرتا۔ جب تک شہری منصوبہ بندی میں درخت کو لازم نہیں کیا جاتا، کاٹنے والے کو جوابدہ نہیں بنایا جاتا — یہ سب نعرے ہی رہیں گے۔

نبی کریم ﷺ نے فرمایا:
“جو مسلمان درخت لگائے اور اس سے کوئی انسان یا پرندہ کھائے — وہ اس کے لیے صدقہ ہے۔”
(بخاری)

درخت لگانا عبادت ہے — مگر ہم نے اسے بھلا دیا۔

ہر گھر میں ایک درخت، ہر گلی میں سایہ، ہر اسکول میں ماحولیاتی شعور — یہی وہ راستہ ہے جو ہمیں تباہی سے بچا سکتا ہے۔

جو قوم اپنے درخت نہیں بچا سکتی — وہ اپنا مستقبل بھی نہیں بچا سکتی۔

*زمین کو اگلی نسل کے لیے چھوڑنا ہے — ویران نہیں، آباد۔*

13/06/2026

گرمی سے اگر پریشان ہو،
تو ایک درخت لگا کر دیکھ لیجیے… 🌳

نہ بجلی کا بل،
نہ لوڈشیڈنگ کا ڈر،
قدرت کا اے سی ہے،
ذرا چلا کر دیکھ لیجیے… ☀️🍃

آم کھایا ہے تو آم لگا دیجیے،
جامن کھایا ہے تو جامن لگا دیجیے،
املی، بیر، شہتوت جو بھی کھایا ہے،
زمین کو اس کا تحفہ واپس کر دیجیے… ❤️

کل شاید ہم نہ ہوں،
آپ نہ ہوں،
لیکن کسی دوپہر کی تپتی دھوپ میں
کوئی مسافر اس سائے میں بیٹھا ہوگا…

کوئی بچہ آم توڑ رہا ہوگا…

کوئی پرندہ اپنی پیاس بجھا رہا ہوگا…

اور شاید خاموشی سے
آپ کے لیے دعا کر رہا ہوگا۔ 🤲

ہم نے بھی کسی اور کے لگائے ہوئے درختوں کا پھل کھایا ہے…

آئیے ہم بھی کچھ ایسے درخت لگا جائیے،

کہ نسلیں ہمیں جانیں نہ جانیں…

لیکن گرمی کی شدت میں جب انہیں ٹھنڈی ہوا اور میٹھے پھل ملیں،

تو ان کی دعاؤں میں ہمارا نام ضرور شامل ہو جائے۔ 🌳🥭🍇🍈

درخت صرف پھل نہیں دیتے…
*وہ آنے والی نسلوں کو سایہ، ٹھنڈک اور دعائیں بھی دیتے ہیں۔

ریحان اللہ والا

11/06/2026

اگر آپ کو راستے میں اس قسم کا پین یا بال پوائنٹ پڑا ہوا نظر آئے تو اسے مت اٹھائیں