Professor Muhammad Hanif Abid

Salaam to All!!!
Sir Prof. M Hanif of Physics k 1st year or 2nd year k notes chahye ?
Rabta ker lain
Shukriya

ساعتِ نعتِ نبیؐ آتی رہی جاتی رہی
روشنی ہی روشنی آنگن میں لہراتی رہی

ایک لمحے کے لئے بھی کب مَیں افسردہ ہوا
میری تنہائی مجھے طیبہ میں لے جاتی رہی

حَبس کے عالم میں بھی شہرِ پیمبرؐ سے مجھے
جنت الفردوس کی ٹھنڈی ہوا آتی رہی

خوشبوؤں کے لب معطر ہی رہے شام و سحر
کلکِ مدحت ہر ورق پر پھول برساتی رہی

آپؐ کے دربارِ اقدس سے ہوائے مشکبو
روز و شب میرے لئے آبِ شفا لاتی رہی

جن فضاؤں نے قدم چومے مری سرکارؐ کے
اُن فضاؤں میں دھنک سب پھول بکھراتی رہی

سرخیٔ شام و سحر نقشِ قدم کو چوم کر
منزلِ مقصود اُنؐ کے در کو ٹھہراتی رہی

نعت مَیں لکھتا رہا سرکارِؐ طیبہ کی ریاضؔ
چاندنی ہر لفظ کے دامن میں اَٹھلاتی رہی

کلام ۔ ریاض حسین چودھری رَحْمَۃُاللہ عَلَیْہ