Urdu department GCUF

شعبہ اردو اور مشرقی زبانیں کی اسسٹنٹ فوزیہ بانو کے تبادلے اور محمد آصف حسین کے تقرر کے سلسلے میں صدر شعبہ کے دفتر میں آج(21 اپریل2026 بروز منگل) چائے کا اہتمام کیا گیا جس میں تمام معزز اساتذہ نے شرکت کی ۔صدر شعبہ کی جانب سے فوزیہ بانو کے لیے نیک خواہشات کے اظہار کے ساتھ ساتھ یادگار کے طور پر تحفہ بھی پیش کیا گیا۔محمد آصف کو شعبہ میں خوش آمدید کہا گیا۔

پاکستان زندہ باد

https://www.facebook.com/share/1aTQ3kxg15/

Government College University Faisalabad will remain closed for on-campus academic activities until 31 March 2026. All classes and academic activities will continue online as per the approved academic calendars and timetables.

شعبۂ اردو اور مشرقی زبانیں، گورنمنٹ کالج یونیورسٹی فیصل آباد کے زیرِ اہتمام 16 فروری 2026 کو منعقد ہونے والا ایک روزہ قومی سیمینار “ہرمن ہیسے کا فکری سفر اور اردو تراجم”علمی و تحقیقی وقار کا حامل ایک اہم ادبی اجتماع ثابت ہوا۔ اس نشست کی صدارت پروفیسر ڈاکٹر ہمایوں عباس شمس، ڈین فیکلٹی آف اسلامک اینڈ اورینٹل لرننگ نے کی، جبکہ مہمانانِ خصوصی ڈاکٹر صدف نقوی اور ڈاکٹر سعید احمد تھے۔ مہمانِ اعزاز ڈاکٹر صائمہ اقبال کی شرکت نے تقریب کو مزید معنویت عطا کی۔ سیمینار کی پرنسپل آرگنائزر پروفیسر ڈاکٹر رابعہ سرفراز (چیئرپرسن شعبۂ اردو اور مشرقی زبانیں) تھیں،
سیمینار میں اس امر پر تفصیلی گفتگو کی گئی کہ جرمن نوبیل انعام یافتہ ادیب ہرمن ہیسے کا فکری سفر محض ادبی اظہار تک محدود نہیں بلکہ روحانی جستجو، فرد کی باطنی کشمکش، تہذیبی تصادم اور خود آگہی کے مراحل پر مشتمل ایک ہمہ جہت فکری روایت ہے۔ مقررین نے ہیسے کے متون کے اردو تراجم کا تنقیدی جائزہ لیتے ہوئے ترجمے کے لسانی، تہذیبی اور اسلوبیاتی مسائل کو اجاگر کیا اور اس بات پر زور دیا کہ ترجمہ محض لفظی منتقلی نہیں بلکہ ایک تہذیبی مکالمہ ہے جس کے ذریعے مختلف فکری روایتیں باہم مربوط ہوتی ہیں۔
نوجوان محققین کی بطور مقالہ نگار شرکت اس سیمینار کی نمایاں خصوصیت رہی، جس نے تحقیقی تربیت اور علمی اعتماد کے فروغ میں اہم کردار ادا کیا۔ معزز مہمانوں نے اسے علمی سنجیدگی، تنقیدی شعور اور بین الثقافتی فہم کے حوالے سے ایک سنگِ میل قرار دیا۔ یہ سیمینار بلاشبہ ادب، ترجمہ اور فکری مباحث کے امتزاج سے ایک بامعنی علمی روایت کے استحکام کا سبب بنا۔

سپورٹس گالا 2026 میں شعبہ اردو اور مشرقی زبانیں گورنمنٹ کالج یونیورسٹی فیصل آباد کی بھرپور شرکت