03/09/2026
https://www.facebook.com/share/1JABTeaQST/
فیکلٹی آف اسلامک اینڈ اورینٹل لرننگ کے 16ویں فیکلٹی بورڈ کا اجلاس، تحقیقی معیار بہتر بنانے پر زور
گورنمنٹ کالج یونیورسٹی فیصل آباد میں فیکلٹی آف اسلامک اینڈ اورینٹل لرننگ کے 16ویں فیکلٹی بورڈ کا اجلاس ڈین آفس میں منعقد ہوا، جس میں فیکلٹی سے متعلق مختلف تعلیمی و تحقیقی امور کا جائزہ لیا گیا۔
اجلاس میں اسلامیات، عربی اور اردو سے متعلق تحقیقی مقالہ جات کے عنوانات کی منظوری کی سفارش کی گئی۔ اس موقع پر ڈین فیکلٹی ڈاکٹر ہمایوں عباس نے تحقیقی معیار کو مزید بہتر بنانے اور تحقیق کے معیار و افادیت کو یقینی بنانے پر زور دیا۔ انہوں نے نئے تعلیمی سال کے لیے بہتر، جامع اور مؤثر حکمتِ عملی اپنانے کی ضرورت پر بھی زور دیا تاکہ تدریسی و تحقیقی سرگرمیوں کو مزید مؤثر بنایا جا سکے۔
اجلاس کے موقع پر معروف دانشور ڈاکٹر معین نظامی نے عصری تناظر میں لسانیات کو درپیش چیلنجز کے موضوع پر اساتذہ کی رہنمائی کی۔ انہوں نے بدلتے ہوئے علمی و سماجی تقاضوں کے تناظر میں لسانیات کے میدان میں درپیش مسائل اور جدید رجحانات پر روشنی ڈالی۔
فیکلٹی بورڈ کے اجلاس میں اساتذہ نے علمی و تحقیقی سرگرمیوں کے فروغ اور تعلیمی معیار کو مزید بلند کرنے کے عزم کا اظہار کیا۔
