31/08/2020
حسین (رضی اللہ عنہ) لکھنا...............
خلوص کی روشنی لے کر بدیدہ تر "حسین" لکھنا
تم ایسا کرنا کتابِ دل کے ورق ورق پر "حسین" لکھنا
حسین لکھ کر حسین لکھنا پھر حسین لکھ کر تم ایسا کرنا
آج تک تم نے جو بھی لکھا ہو اس کا محور "حسین" لکھنا
تمہارے تاریک منظروں میں اجالے اٹھیں گے نور کے
تم ایسا کرنا اپنے گھر میں درود پڑھ کر "حسین" لکھنا
کشید کر کے رس گلاب کا فضا میں یارو چھڑکنا اس کو
پھر اس سنہری فضا پہ روشنی کا محور "حسین" لکھنا
اگر کتابت کا شوق ہو تو کتابِ تسلیم و رضا میں ثمر
جہاں شہیدوں کے نام لکھنا تو سب سے اوپر "حسین" لکھنا
29/08/2020
میرے حسین تجھے سلام میرے حسین تجھے سلام
السلام یا حسین السلام یا حسین السلام یا حسین
کر لیا نوش جس نے شہادت کا جام
اُس حسین ابن حیدر پہ لاکھوں سلام
جس کو دھوکے سے کوفے بلایا گیا
اور بلا کر کہ بے حد ستایا گیا
جس کے بھائی کو زہر پلایا گیا
جس کے بچوں کو پیاسا ستایا گیا
اُس حسین ابن حیدر پہ لاکھوں سلام
میرے حسین تجھے سلام میرے حسین تجھے سلام
جس نے حق کربلا میں ادا کردیا
اپنے نانا کا وعدہ وفا کردیا
جس کو تیروں سے چھلنی کرایا گیا
جس کی گردن پہ خنجر چلایا گیا
اُس حسین ابن حیدر پہ لاکھوں سلام
میرے حسین تجھے سلام میرے حسین تجھے سلام
جس کا جنت سے جوڑا منگایا گیا
جس کو دوشء نبی پر بٹھایا گیا
اُس حسین ابن حیدر پہ لاکھوں سلام
میرے حسین تجھے سلام میرے حسین تجھے سلام
کر چُکا ہوں حبیب اپنی حُجت تمام
لے کے اللہ اور اپنے نانا کا نام
کوفیوں کو سُنا کر خُدا کا کلام
اور فدا ہو گیا شاہِ عالی مقام
اُس حسین ابن حیدر پہ لاکھوں سلام
میرے حسین تجھے سلام میرے حسین تجھے سلام
11/08/2020
وہی ربّ ہے جس نے تجھ کو ہَمہ تن کرم بنایا
ہمیں بھیک مانگنے کو تِرا آستاں بتایا تجھے حمد ہے خدایا
تمہِیں حاکمِ برایا تمہِیں قاسمِ عطایا تمہِیں دافعِ بلایا
تمہِیں شافعِ خطایا کوئی تم سا کون آیا
وہ کنواری پاک مریم وہ نَفَخْتُ فِیْہکا دم ہے عجب نشانِ اعظم
مگر آمنہ کا جایا وہی سب سے افضل آیا
یہی بولے سِدرہ والے چمنِ جہاں کے تھالے سبھی میں نے
چھان ڈالے
تِرے پایہ کا نہ پایا تجھے یک نے یک بنایا
ارے اے خدا کے بندو! کوئی میرے دل کو ڈھونڈو
مرے پاس تھا ابھی تو ابھی کیا ہوا خدایا نہ کوئی گیا نہ آیا
ہمیں اے رضاؔ ترے دل کا پتا چلا بہ مشکل
درِ روضہ کے مقابل وہ ہمیں نظر تو آیا یہ نہ پوچھ کیسا پایا
وہی ربّ ہے جس نے تجھ کو ہَمہ تن کرم بنایا
ہمیں بھیک مانگنے کو تِرا آستاں بتایا تجھے حمد ہے خدایا
