GHSS Sawni Dir Upper Official.

گورنمنٹ ہائیر سیکنڈری سکول ساونی بالا کے انچارج رحم داد علی خان کی زیر صدارت سالانہ امتحانات سمیت اہم تعلیمی امور پر میٹنگ جاری
امتحانی لائحہ عمل کو حتمی شکل دینے کے بعد ہر
مرحلے کو بخوبی انجام دینے کے لیے حکمت عملی وضع کی جا رہی ہے۔ اللہ کریم ان تمام کوششوں کو کامیابی سے ہمکنار فرمائے۔

آج ہمارے اسکول نے انتہائی غمگین دل کے ساتھ اپنے پیارے طالب علم مظہر الدین (کلاس ہفتم) کی اچانک وفات پر گہرے دکھ کا اظہار کیا۔
مظہر الدین مرحوم کی یاد میں صباحی اسمبلی میں اجتماعی دعائیہ تقریب کا اہتمام کیا گیا۔ پرنسپل، اساتذہ اور طلبہ نے مرحوم کے لیے مغفرت اور درجات کی بلندی اور غمزدہ خاندان کے لیے صبر جمیل کی دعا کی
مرحوم مظہر الدین کو ان کی مسکراہٹ اور مثبت رویے کی وجہ سے ہمیشہ یاد رکھا جائے گا۔
اس مشکل گھڑی میں اسکول انتظامیہ، اساتذہ اور تمام طلبہ کا دل مرحوم کے خاندان کے ساتھ ہے۔
إِنَّا لِلّهِ وَإِنَّـا إِلَيْهِ رَاجِعُونَ

ڈسٹرکٹ ایجوکیشن آفیسر جناب عبد الصمد جان نے آج جمعہ کو گورنمنٹ ہائیر سیکنڈری سکول ساونی بالا کا دورہ کیا
بزم تعلیم کے حسنِ انتظام اور علمی فضا کی تازگی نے ان کی نگاہوں کو مسرور کر دیا۔
اساتذہ کی شبانہ روز محنت اور طلباء کی علم دوستی کامنظر دیکھ کر جناب ڈی ای او نے دل کی گہرائیوں سے ادارے کی کارکردگی کو سراہا۔
یہ ریاضتیں رائیگاں نہیں جائیں گی ان شاءاللہ جلد ہی ان کے شاندار ثمرات ظاہر ہوں گے۔

بریکنگ نیوز
تاریخی سپر شاٹ ساونی بالا نے یو پی ایس شرینگل کو 3-2 سے پچھاڑ کر ڈسٹرکٹ کوالیفائی کر لیا
​ہائیر سیکنڈری سکول ساونی بالا نے تاریخ رقم کر دی کم توقعات کے باوجود ساونی بالا کی ٹیم نے والی بال کے اعصاب شکن فائنل میں اپنے مضبوط حریف، یونیورسٹی پبلک اسکول (یو پی ایس) شرینگل کو 3-2 سے چت کر دیا
ساونی بالا ٹیم نے ثابت کر دیا کہ محنت سے ہر ناممکن ممکن ہے

آج جی ایچ ساونی اور جی ایچ ایس شرینگل درمیان دو بجے یونیورسٹی کرکٹ گراؤنڈ میں میچ کھیلا جائے گا

آج صبح کی اسمبلی میں اسکول ہذا کے محترم استاد جناب اعجاز احمد صاحب کے والدِ گرامی مرحوم مختار احمد صاحب کے ایصالِ ثواب کے لیے اجتماعی فاتحہ خوانی کی گئی۔
تمام اساتذہ و طلبہ نے مرحوم کے لیے دعائے مغفرت کی۔
اللہ تعالیٰ مرحوم کو جنت الفردوس میں اعلیٰ مقام عطا فرمائے۔ آمین۔

ہم انتہائی رنج و غم کے ساتھ یہ اطلاع دے رہے ہیں کہ ہمارے نہایت قابل احترام استاد محترم جناب اعجاز احمد صاحب کے والد گرامی مختار احمد صاحب اس دار فانی سے کوچ کر گئے ہیں۔
ہم غم کی اس گھڑی میں استاد محترم اور ان کے تمام اہل خانہ کے دکھ اور درد میں برابر کے شریک ہیں۔مرحوم کی نمازِ جنازہ آج عصر 5:00 بجے (پانچ بجے) گندیگار میں ادا کی جائے گی۔

اہم اطلاع برائے ونٹر زون اسکولز (خیبرپختونخوا)

محکمہ ابتدائی و ثانوی تعلیم خیبرپختونخوا کے مطابق شدید بارشوں، سیلاب اور لینڈ سلائیڈنگ کے خطرات کے پیشِ نظر صوبے بھر کے تمام ونٹر زون اسکولز (سرکاری و نجی) کو 19 اگست 2025 سے 25 اگست 2025 تک بند رکھنے کے احکامات جاری کیے گئے ہیں۔
یہ فیصلہ طلباء، اساتذہ اور اسکول اسٹاف کی حفاظت کو مدِنظر رکھتے ہوئے کیا گیا ہے۔

یوم آزادی کی شاندار تقریب ہائیر سیکنڈری اسکول ساونی بالا میں جوش و خروش کا سماں
ہائیر سیکنڈری اسکول ساونی بالا میں یومِ آزادی پاکستان کی مناسبت سے ایک رنگا رنگ اور جذبات سے بھرپور تقریب کا انعقاد کیا گیا جس میں طلباء، اساتذہ، والدین اور مقامی شخصیات نے بھرپور شرکت کی۔