Muhammad Zareef Sajid official

اصل مسئلہ کیا ہے۔ اس ملک کے باشعور نوجوان کیا کریں ۔ مسائل کا حل کیا ہے۔
بریکینگ نیوز دس سال قید کی سزا۔۔
اس سے پچھلے الیکشن میں بریکینگ نیوز تاحیات نااہلی کی سزا۔۔
اس سے پہلے کبھی یہ بریکینگ نیوز بھی سنی گئی ہو گی پھانسی کی سزا۔
سکرپٹ رائٹر اک ہی ہے بس کردار اور فنکار بدلے ہیں ۔
ہر بندہ اس وقت اس ملک میں پریشان اور مایوسی کی آخری سیڑھی پہ ہے۔
میرا خیال ہے اب اس ملک سے محبت اور عقیدت سے باہر نکل کے اپنا اور اپنے خاندان کا سوچنا چاہیئے ۔ جو کچھ ہم کر سکتے ہیں اور ہمارے بس میں ہے اس طرف نکل جائیں ۔
کچھ لوگ تو ابھی کسی بہت بڑی خوش فہمی میں مبتلا کسے معجزے کا انتظار کر رہے ہیں۔ مگر پاکستان جیسے ملک کے حکمران اور اس ملک کے اصلی مالک کبھی بھی اس جذباتی عوام کا کچھ اچھا نہیں سوچیں گے۔ کیونکہ ان سب کی اولادیں اور وہ سب اس ملک کو چھوڑ کے آرام اور سکون کی زندگی بسر کرنے کے لیے یہاں سے سارا پیسہ کما کے وہاں خرچ کرنے نکل جاتے ہیں۔
کبھی سکون سے بیٹھ کے جذبات سے نکل کے سوچئے گا ضرور کہ اس ملک کے مالکوں کی اولادیں ، سیاستدانوں کی اولادیں اور ججز و بیوروکریٹس کی اولادیں کہاں پڑھتیں ہیں اور اس کے بعد اس ملک میں حکمرانی کرنے اور اس ملک کو نوچنے کے لیے کیسے اکٹھے ہوتے ہیں۔

اس ملک کی 1 فیصد یا اس سے کم پاپولیشن اس ملک کے 99 فیصد وسائل پہ قابض اور غیبی امداد سے کروڑوں اور اربوں روپے کما رہی ہے اور زندگی میں تمام سہولیات سے آراستہ ہیں اور دن اک ملک میں تو رات کسی دوسرے ملک میں رہ کے اپنی زندگی کو جنت نظیر گزار رہے ہیں۔
اور ہم عوام پاگلوں ، جہلوں اور چمچوں کی صورت میں کبھی کسی سے استعمال ہو رہے ہیں تو کبھی کسی سے مگر نا شعور سے کام لیں گے نہ ہی عقل کو استعمال کریں گے۔

میری مانیں تو جلد ہی یہ ملک چھوڑ دیں اپنی تمام انرجی اور پوٹینشل کسی بھی ملک میں جانے کے لیے سرچ پہ لگا دیں ۔ورک شروع کر دیں ۔ پوری دنیا میں جہاں آپ کا دل کرے مکمل معلومات لیں۔ ویزہ کی اقسام کو سمجھیں اور اس پہ عمل کریں جو آپ کے مطابق ہو اس پہ ویزہ اپلائی کریں اور اپنی اور اپنی فیملی کا سوچیں ۔ نکل جائیں ۔ کامیابیاں آپ کے قدم چومیں گی۔۔ہمت کرین ۔قدم بڑھائیں ۔۔اپ کر سکتے ہیں آپ کر جائیں گے۔ کسی بھی بہترین ملک میں سیٹل ہونے کے لیے کام شروع کریں ۔
سلامتی اور دعا ۔
محمد ظریف ساجد ۔

سیاست سے ہٹ کر ۔
محبتیں بانٹنا سیکھیں ۔ اس وقت ہماری سوسائٹی میں جن چیزوں کی شدید کمی ہے وہ ہیں برداشت ، صبر ، شکر اور محبت و ادب۔ اس کے علاوہ ہم اس چیز بھی شدید عاری ہوتے جا رہے ہیں کہ مخالف نظریات کو کیسے سنیں عدم برداشت ہے اور تحمل کی شدید کمی ہے ۔
ہم کسی پہ تہمت لگانے پہ ہمہ وقت تیار رہتے ہیں ۔ مثبت سوچ اور مثبت رویے نا پید ہوتے جا رہے ہیں ۔
کاش ہم لالچ اور حسد پن سے چھٹکارا پا لیں اور ہمیں اوور آل پورے پاکستانیوں کو اپنا آپ تبدیل کرنا چاہیے اور مثبت ترمیم کے ساتھ اپڈیٹ کرنا چاہیے ۔
ہم سب کو چاہیے کہ محبت ، پیار ،خلوص، سکون اور خوشی کو پروان چڑھائیں ۔ ہو وہ چیز جو روح کو تسکین دے اس کو اپنائیں ۔
سلامتی اور دعا ۔
بہت جئیں ۔

سیاست سے زیادہ اہم آپ کے تعلقات اور رشتے ہیں۔

اپنا دھیان اور انرجی اپنے کام پہ لگائیں ۔ اس وقت سیاستدان اپنا اپنا کام کر رہے ہیں ان کو کرنے دیں کیونکہ یہ ان کا سیزن ہے۔ ہر چیز کا اپنا اپنا سیزن ہوتا ہے ۔
ویسے آج کل مالٹوں کا بھی سیزن ہے دھوپ میں بیٹھ کر کسی اپنے کے ساتھ مالٹے کھائیں اور چائے کو انجوائے کریں ۔
سیاست کا دور دورہ ہے اور اس وقت ہر بندہ سیاستدان بنا ہوا ہے۔ سوشل میڈیا پہ اور کچھ بھی نہیں سوائے مخصوص اور ذاتی مفادات سے پر تبصروں پہ مشتمل عبارات ۔
اللہ کے بندو الیکشن اک طریقہ کار ہے نئی آنے والی حکومت کی بنیاد رکھنے کا یہ پروسس ہر 5 سال بعد ہوتا ہے اور ہوتا رہے گا ۔
اس وقت خود سے بیٹھ کے سوالات کریں کہ آپ کا ضمیر اور آپ کا تعلق کس کو ووٹ دینے کا فیصلہ کرنا چاہتا ہے۔ ووٹ والے دن ووٹ ڈال آئیں االہ اللہ خیر صلاح ۔
اگر آپ کو واقعی سیاست کا شوق ہے تو بہت سارے لوگ سیاست دان بن کے اپنا یہ شوق پورا کر رہے ہیں ۔ آپ بھی اس میدان میں آنا چاہتے ہیں تو ضرور حصہ لیں آپ کا جمہوری حق ہے۔ اگر آپ کا کام سیاست نہیں تو اپنے اس مقصد پہ دھیان دین جو آپ کا کام ہے۔
ہر سیاستدان قابل عزت اور قابل احترام ہے آپ جسے پسند کرتے ہیں اس کو ووٹ دیں ۔ مگر آپ کو واضح پتہ ہو کہ آپ یہ ووٹ کیوں دے رہے ہیں اور اپنا یہ ووٹ دینے کا حق خفیہ رکھیں اور اس حق کو استعمال لازمی کریں ۔

اللہ ہم سب کا حامی و ناصر ہو ۔