Virtual Grammar School

قرآنِ پاک میں بار بار اللہ تعالیٰ انسان کو یہ دعوت دیتے ہیں کہ وہ غور و فکر کرے، سمجھے اور سیکھے۔ مختلف مقامات پر الفاظ جیسے "أَفَلَا تَعْقِلُونَ" (کیا تم عقل نہیں رکھتے؟)، "أَفَلَا يَتَفَكَّرُونَ" (کیا تم غور نہیں کرتے؟) اور "لَعَلَّكُمْ تَتَفَكَّرُونَ" (تاکہ تم غور و فکر کرو) ہمیں یہ سبق دیتے ہیں کہ اسلام صرف رٹنے کا نہیں بلکہ سمجھنے اور سوچنے کا دین ہے۔
آج والدین اور اساتذہ کی ذمہ داری ہے کہ وہ بچوں کو صرف معلومات نہ دیں بلکہ ان میں سوچنے کی عادت پیدا کریں۔ اس کے لیے ضروری ہے کہ ہم بچوں سے سوال پوچھیں، انہیں "کیوں" اور "کیسے" کا جواب تلاش کرنے کی ترغیب دیں اور انہیں اپنی رائے دینے کا موقع دیں۔ جب استاد کلاس میں سبق کو عملی مثالوں سے جوڑتا ہے اور بچوں کو discussion میں شامل کرتا ہے تو ان کی سوچنے کی صلاحیت بڑھتی ہے۔
اسی طرح والدین بھی گھر میں بچوں سے بات چیت کریں، ان کی بات سنیں اور انہیں اپنے خیالات بیان کرنے کا اعتماد دیں۔ جب بچے سوال کرتے ہیں تو انہیں ڈانٹنے کے بجائے ان کی حوصلہ افزائی کرنی چاہیے کیونکہ سوال ہی غور و فکر کا پہلا قدم ہوتا ہے۔
اگر ہم اپنے بچوں کو غور و فکر کی عادت سکھا دیں تو وہ صرف امتحان پاس کرنے والے نہیں بلکہ سمجھدار، باشعور اور اچھے فیصلے کرنے والے انسان بن سکتے ہیں۔ یہی قرآن کا اصل پیغام بھی ہے کہ انسان سوچے، سمجھے اور پھر صحیح راستہ اختیار کرے۔

ہم اپنے تمام *میٹرک کے طلباء و طالبات کو فائنل امتحانات کے لیے دل کی گہرائیوں سے نیک تمنائیں پیش کرتے ہیں*۔

یہ وقت آپ کی محنت، لگن اور حوصلے کا امتحان ہے۔ ہمیں یقین ہے کہ آپ نے پوری تیاری کی ہے اور آپ اپنی بہترین کارکردگی کا مظاہرہ کریں گے۔

یاد رکھیں، کامیابی ہمیشہ ان لوگوں کا مقدر بنتی ہے جو محنت پر یقین رکھتے ہیں، ہمت نہیں ہارتے اور اپنے مقصد پر فوکس رکھتے ہیں۔ پراعتماد رہیں، مثبت سوچ رکھیں اور ہر پیپر پوری توجہ سے حل کریں۔

آپ صرف طالب علم نہیں، بلکہ Virtual Grammar School کا فخر ہیں۔ ہم آپ کی کامیابی کے لیے دعاگو ہیں۔ اللہ آپ کو آسانی عطا فرمائے اور آپ کو شاندار کامیابی سے نوازے.


ہمارے چیمپئنز!

ہمیں آپ پر ناز ہے !!

یو ای ٹی میں اپلائی کرنے کی تاریخ 24 مارچ تک بڑھا دی گئی ہے

میڈیکل گروپ
انجینئرنگ گروپ
آئی سی ایس گروپ
کے بچے ٹیسٹ دینے کے اہل ہیں

میرے پیارے شہزادوں اور شہزادیوں، قابل احترام والدین
اور ہمارے انتہائی قابلِ عزت اساتذہ کرام

آپ سب کو عید مبارک

عید صرف خوشی کا دن نہیں بلکہ یہ ہمیں بہت سی خوبصورت باتیں بھی سکھاتی ہے۔ یہ دن ہمیں شکر ادا کرنا، دوسروں کا خیال رکھنا، معاف کرنا اور مل جل کر رہنا سکھاتا ہے۔
میرے پیارے بچو، ہمیشہ یاد رکھیں کہ ایک اچھا طالبعلم صرف کتابوں میں اچھا نہیں ہوتا بلکہ اپنے اخلاق، سچائی، احترام اور محنت سے بھی پہچانا جاتا ہے۔

اپنے اساتذہ کی عزت کریں، والدین کی بات مانیں، اور ہمیشہ سچ بولنے اور محنت کرنے کی عادت اپنائیں۔ یہی عادتیں آپ کو زندگی میں کامیاب اور ایک اچھا انسان بنائیں گی۔

میں اپنے محنتی اور مخلص اساتذہ کا بھی شکریہ ادا کرتا ہوں جو ہمارے شہزادوں اور شہزادیوں کی بہترین تربیت اور تعلیم کے لیے دن رات کوشش کر رہے ہیں۔

اللہ تعالیٰ ہم سب کو اچھی عادات اپنانے، علم حاصل کرنے اور دوسروں کے لیے آسانیاں پیدا کرنے کی توفیق عطا فرمائے۔

آپ سب کو دل کی گہرائیوں سے عید مبارک۔

*دعا گو*
پرنسپل
ورچوئل گرامر سکولز، ڈسکہ

#عیدمبارک #عید