Government.High School Prayet Chitral

سابق کرکٹر سعید انور بہ سلسلہ تبلیع چترال آمد کے موقع پر ہائی سکول پرئیت میں طلباءسےنصیحت آموزخطاب کر رہے ہیں ۔

آقا صل الله عليه وسلم کی پسندیدہ کھجور کا نام بتائیں؟

مزید آچھی آچھی پوسٹوں کے لیۓ ہمارا پیج لائک کریں!

(عزتومعیار)

لش دونیلیک

نواز شریف صاحبو تقریر وزیناری موضوع بحث ساؤز بیتی شیر , اردو ہوش کوریکو بارا سوالو اسپہ تان سوم اسپوکی وا بے عزتی قرار دیتی ہے سورا بے سود بحث و مباحثہ تان قیمتی وختو ضائع کوروسیان , پارتی وابستگیار قطع نظر , ای عام چھتراری بیکو حیثیتہ مہ بو افسوس بویان کہ ہایہ حوالہ کیہ غلیظ زبان کی استعمال بویان , وا انسانی تقدسو کیہ قسمہ کی پامال کورونو بویان ہیس کیہ دی مہذب معاشرو عکاسیو نو کویان,
دی بہچیتا ئی ہیہ لو کی اردو یا خور کیہ زبانو ہوش کوریکو سورا عزتمن وا نو کوریکو سورا بے عزت بین نو بوئی, نواز شریف صاحبو ہے سوالو نو کوریلی اوشوئی, شاید ہسے اسپہ پسماندہ ژاغو کم تعلیم یافتہ جوشی ہے سوالو اریر یا خور کیہ پس منظرا ہے لوو پرائی , ہے سورا اسپہ سوم بے عزتی کیہ قسمہ ہوئی ,بلکہ ہے غیر ضروری لو دیکو ہتو تان سوم شوم نویتائی مہ خیالہ , ہے ای غلطیار علاوہ باقی ہتو تمام لو جام اوشونی, چھتراو تعمیرو ترقیو بچے بو اہم اہم اعلانات کوریتائی, ہے سورا کی عمل کورونو ہوئی یقینا چھترار ترقیو راہہ دوئی, چھترار یونیورستی, ضلع کونسلوتے 20 کرور روپیہ, رودان بچے 17 ارب روپیہ, لواری تنلوتے 10 ارب روپیہ وغیرہ..... ہے بچے اسپہ نواز شریف صاحبو ہردیار شکریو کوروسیان..... دی اسپہ مگسو غون کی خواہ مخواہ کی گندگی تلاش کوری ہتے سورا بی کی نیشیسیان ہیس اسپہ شوم خصلت.......

دی بہچیتائی اسپہ عزتو سوال
اسپہ عزت کورا بہچی شیر اے مہ محترامان..... اسپہ عزتو جنازہ ژوت نیشی شیر, اسپہ قومی غیرت ژوت دفن بیتی شیر, اسپہ ژور گنیان عفت جسم فروشیو ادین تار تار باوا اسپہ ہتے غیرت کورا بہتی اوشوئی, اسپہ کندوری ژورگنیان سورا تشدد کوری ہیتان نس نس کوری اسپتے انزیکو اسپہ ننگ اوچہ ناموس کوری بی اوشوئی, اسپہ ای بے قصور ژورو اغوا کوری چھترارا کراچیہ تاریکہ پت اسپہ کورا اوریستم, کیہ چھترار انسانی سمگلنگہ سر فہرست نووا... کیہ اسپہ ژورگینیان تحفو طورا یا رشوتو طورا پیش لورونو نو بویانا,
کیہ اسپہ ژور شاپیکو بچے تان عزتو نیلام کوریکہ مجبور نوااا.....
ہتے واقعو کیچہ راخچومیان کی اسپہ ای برار چھترارو ہسپتالہ تان بوکو لاشو الیکو بچے کرایہ نو لیے تان 2 سالہ ژورو 30000 ہزارا بیزیمی استائی, ہتے وختہ غیرتی چھتراری کوئی بی استانی...

خداراا اے مہ چھترارو غیرت من جوانانان..... گیور کی نست تان اوانہ چوکیرو ہمی داغان بوغیسی, تان ژورگنیان عزت وچہ عفتو محافظ بوسی, اسپہ اصل بے عزتی ہمیت......

کوس اندرینی کی درد شیر گیور کی اسپہ ای پھوک 10 سالہ چھوغو ژور کینسرو لہازیہ موت و حیاتو کشمکشہ ژینو بخو استانیران , ہتو کا بشار گانک نیکی, ای اکابیر وا بے بس ناچار بب ہتو نسی اسور , اسپہ غیرت ہمو گورا کویانا.......

اردو ہوش کوریکو یا نو کوریکو تان بچے عزتمنی یا بے عزتی جوشاک اے مہ محترم برار گینیان, چھترار لا واث پھوپھوکان کاروبار اسپہ بچے لمحہ فکریہ نواااا.......

ہانیسین عیدو موقع 53ویسورو کايگینی, ژوگینی, نان گینی وا 112 بے سہارا چھوغو معصومان(کا کی اسپہ سوم رجسترد) باقی معلوم نو کندوری ہا خور ہش اسونی, ہیہ امیدا اسونی کی کا اسپہ گورو لوق چھاکیر, کا اسپہ پونگی بوت چھاکیر, یقین کورور ہیتان بےبسی جگران پالے کروچ کویان, اور مہ جوان کی ہے سورا اسپہ فخر شیر اردو ہوش نو کوریکو تان سوم بے عزتی جوشی افسردہ اسور, ہے کایو ہے پھوک ژورو بے بسی کیچہ پسہ افسردہ نو کویان.....

کوس موژا کی انسانیتو درد شیر گیور تفصیلان اوا پستے دوم , ہیتان سورا نازل باک قیاماتان تان غیچھین لورور شاید نو بلکہ مہ یقین شیر کی پسہ ہردی لئے اشرو کیریر........

مہ اخری گزارش کی پارتی کوس مذہب نو, ہے اختلافاتانتے ہانی طول مو دیور کی پسہ صلاحیت ہیرا ضائع بونی, چھترار اسپہ دور , اسپہ سف ای برارگینی, اسپہ اقدار مشترک، اسپہ عزت مشترک, اسپہ مہذب قوم, نست تان دوروتے وال بوسی تان عزتوتے وال بوسی...........

مہ لو کوستے کی گران ساریتانی معذرت کومان, مگر کیہ نی کوسی ہامیت تروق حقیقت واااا............. شکریہ

Government high school ke eftitakhi taqreeb