GPS Damel Chitral Lower

07/08/2026

31/03/2026

انتہائی دکھ اور افسوس کے ساتھ اطلاع دی جاتی ہے کہ
گورنمنٹ ہائی اسکول دمیل کے سابقہ طالب علم حبیب اللہ ولد بہادر (سکنہ دمیل نثار) بقضائے الٰہی وفات پا گئے ہیں۔
مرحوم انتہائی بااخلاق اور ہونہار طالب علم تھے، جو ڈگری کالج چترال اور چترال انسٹیٹیوٹ آف میڈیکل سائنسز میں زیرِ تعلیم تھے۔ ان کی ناگہانی وفات اساتذہ اور ساتھی طلبہ کے لیے ایک گہرا صدمہ ہے۔
اللہ تعالیٰ مرحوم کی مغفرت فرمائے، انہیں جنت الفردوس میں اعلیٰ مقام عطا کرے اور لواحقین کو یہ ناقابلِ تلافی نقصان برداشت کرنے کے لیے صبرِ جمیل عطا فرمائے۔ آمین۔
"انا للہ وانا الیہ راجعون"

22/02/2026

ایک معصوم کلی، خالقِ حقیقی سے جا ملی... 😭😭
ہمارے اسکول کا نہایت بااخلاق اور ہونہار طالبِ علم عباداللہ ولد غلام جان، اب اس فانی دنیا میں نہیں رہا ۔ اس کی معصوم شرارتیں اب صرف ایک یادیں بن کر رہ جائیں گیں۔
رمضان المبارک کا بابرکت مہینہ ہے، سب سے گزارش ہے کہ اس معصوم کی مغفرت اور درجات کی بلندی کے لیے خصوصی دعا فرمائیں۔
اللہ پاک ! اس ننھے فرشتے کو جنت الفردوس کے باغوں میں جگہ عطا فرمائے، اسے اپنے والدین کے لیے شفاعت کا ذریعہ بنائے اور والدین کو صبرِ جمیل عطا فرما۔ (آمین)

20/01/2026

حالیہ منعقدہ "سپورٹس ویک -2025" میں جی پی ایس اسپر-1 دمیل کےطلبہ نےاپنی صلاحیتوں کاخوب جادو جگایا۔ تمام سکولوں کے درمیان کانٹے دار مقابلوں کے بعد، جی پی ایس اسپر-1 نے مجموعی طور پر سب سے زیادہ پانچ انعامات حاصل کرکے نمایاں پوزیشن حاصل کی -
انتہائی کم وقت میں بچوں نے مختلف شعبوں میں اپنی دھاک بٹھاتے ہوئے پہلی پوزیشنز حاصل کیں جن میں :
(نعتِ رسولِ مقبول ﷺ):
جماعت پنجم کے طالب علم عمران گل نے اپنی سحر انگیز اور دل سوز آواز میں بارگاہِ رسالت ﷺ میں ہدیہ عقیدت پیش کیا۔ ان کے لہجے کی مٹھاس نے نہ صرف حاضرین کو مسحور کیا بلکہ ججز کی جانب سے انہیں متفقہ طور پر پہلی پوزیشن کا حقدار قرار دیا گیا۔
(اردو تقریر):
عمران الحق (جماعت پنجم) اپنے پرجوش انداز کی وجہ سے اول پوزیشن ان کا مقدر ٹھہری۔
مشقِ سخن و خوشخطی (اردو و انگریزی):
تحریر انسان کی شخصیت کا آئینہ ہوتی ہے۔ اس شعبے میں ہمارے دو ہونہار بچوں نے کمال کر دیا:
اردو خوشخطی: جماعت پنجم کی طالبہ نے اپنے قلم سے کاغذ پر موتی پروئے اور پہلی پوزیشن جیتی۔
انگریزی خوشخطی: عمران گل نے ایک بار پھر اپنی مہارت کا ثبوت دیتے ہوئے انگریزی تحریر میں بھی پہلی پوزیشن اپنے نام کی۔
میدانِ کھیل (ایتھلیٹکس):
دوڑ (Race): جماعت سوم کے ننھے کھلاڑی حبیب اللہ جو اپنی بہترین وردی اور نظم و ضبط کی وجہ سے شائقین کی توجہ کا مرکز رہے ، نے دوڑ کے مقابلے میں پہلی پوزیشن حاصل کر کے سب کو حیران کر دیا-
مہمان محترم کرنل صاحب نےدوران میچ فرطِ محبت میں 5000 روپے کا اعلان کیا - جو بچوں کے لیے کسی اعزاز سے کم نہ تھا -
اس بے مثال کامیابی پر جہاں پورا سکول خوشی سے نہال تھا، وہیں محترم ہیڈ ٹیچر صاحب نے اس خوشی کو دوبالا کرنے کے لیے تمام فاتح طلبہ اور محنتی سٹاف کے اعزاز میں پورے سکول کے لئےایک پرتکلف ظہرانے کا اہتمام کیا۔
اس موقع پر ہیڈ ٹیچر صاحب نے فرمایا
"یہ ٹرافیاں اور اسناد صرف کاغذ کے ٹکڑے نہیں، بلکہ میرے اساتذہ کی مخلصی اور بچوں کے خونِ جگر کا ثمر ہیں۔ یہ ظہرانہ ان کی انتھک محنت کا ایک چھوٹا سا اعتراف ہے- یہ تمام کامیابیاں ان اساتذہ کی مرہونِ منت ہیں جنہوں نے انتہائی کم وقت میں دن رات ایک کر کے ان ہیروں کو تراشا۔"
ہمارا عزم ہے کہ ان شاء اللہ یہ بچے کل کو ملک و قوم کے عظیم شہری بن کر ابھریں گے۔ ان شاءاللہ
منجانب:
جملہ سٹاف
گورنمنٹ پرائمری سکول اسپر-1 دمیل
District Education Office Male Chitral Official

14/01/2026

13/01/2026

آج دل کچھ اداس بھی ہے اور فخر سے سرشار بھی! 🌟
ہماری جماعت پنجم کے ننھے پھول آج پرائمری اسکول کا سفر مکمل کر کے اپنی زندگی کی نئی منزلوں کی طرف قدم بڑھا رہے ہیں۔ ان بچوں کی ہنسی، معصومیت اور سیکھنے کا جذبہ ہمیشہ یاد رہے گا۔
ان بچوں نے نہ صرف اپنے سکول کی سطح پر پوزیشنز لیں بلکہ دمیل کلسٹر لیول پر بھی اپنے سکول کا نام خوب روشن کیا۔

پرائمری اسکول کا یہ سفر تو ختم ہوا، مگر کامیابیوں کی اصل منزل ابھی باقی ہے۔ ہمارے یہ ننھے ستارے کل کا روشن مستقبل ہیں ـ
ان کی معصوم شرارتیں اور سیکھنے کا وہ جذبہ ہمیشہ یاد رہے گا۔ آج دل بوجھل بھی ہے اور ان کی ترقی دیکھ کر خوش بھی- بچپن کی یہ یادیں اسکول کے بستوں میں نہیں، بلکہ ہمارے دلوں کے گوشوں میں ہمیشہ محفوظ رہیں گی
یہ صرف ایک جماعت کی رخصتی نہیں، بلکہ ایک عہد کی تکمیل ہے۔ ہم نے ان بچوں کو حرف بہ حرف سیکھتے اور قدم بہ قدم سنبھلتے دیکھا ہے۔
اسکول کی دیواریں ان بچوں کی ہنسی اور یادوں سے ہمیشہ مہکتی رہیں گی۔ اللہ ان کا حامی و ناصر ہو۔
دعا ہے کہ اللہ پاک ان کے مستقبل کو درخشاں کرے اور یہ جہاں بھی جائیں، اپنے والدین اور اساتذہ کا نام روشن کریں ـ
منجانب: سٹاف جی پی ایس اسپر نمبر-1 دمیل



District Education Office Male Chitral Official

12/01/2026

🏆🏆🏆🥇🥈🥉🏆🏆🏆
19-Dec-2025
گورنمنٹ پرائمری سکول اسپر-1 دمیل میں تعلیمی سال 2025 کے اختتام پر ایک پر وقار تقریب کا انعقاد کیا گیا جس میں بچوں کے ساتھ ساتھ علاقے کے عمائدین نے بھی کثیر تعداد میں شرکت کی ۔ پروگرام میں بچوں نے تلاوت، حمد ، نعت ، تقاریر اور دوسری سرگرمیوں کے ساتھ ساتھ "پیارے بچو ایک بنو نیک بنو " کے عنوان پر ایک خوبصورت ٹیبلو پیش کر کے حاضرین سے خوب داد سمیٹی - پروگرام کے آخر میں پوزیشن حاصل کرنے والے طلباء و طالبات میں انعامات بھی تقسیم کئے گئے - کامیاب ہونے والے طلبہ اور ان کے والدین کو مبارک باد پیش کرتے ہیں ⭐⭐⭐ ـ
اور دعا ہے کہ اللّٰہ تعالیٰ ان بچوں کو مزید خوشیاں اور کامیابیاں نصیب فرمائےـ آمین
منجانب: سٹاف جی پی ایس اسپر نمبر-1 دمیل

21/12/2025

الحمدللّٰہ!

گورنمنٹ پرائمری اسکول دامیل میں سالانہ تقسیمِ انعامات اور اعلانِ نتائج کی پُروقار تقریب نہایت کامیابی کے ساتھ منعقد ہوئی۔ اس خوبصورت اور بامقصد تقریب میں طلبہ کے معزز والدین اور علاقہ کے معزز بزرگوں نے بھرپور شرکت کی، جن کی موجودگی اور حوصلہ افزائی نے طلبہ کے جذبۂ محنت کو مزید تقویت بخشی۔

تعلیمی میدان میں نمایاں کارکردگی دکھانے والے پوزیشن ہولڈر طلبہ کو ان کی محنت، لگن اور شاندار کامیابی کے اعتراف میں ٹرافیاں پیش کی گئیں، جس سے طلبہ میں خوشی اور فخر کی لہر دوڑ گئی۔

اس موقع پر جماعت پنجم کے طلبہ کو بھی ان کی ابتدائی تعلیم کی تکمیل پر نہایت محبت اور دعاؤں کے ساتھ الوداع کہا گیا۔ یہ الوداعی لمحات اساتذہ، والدین اور طلبہ سب کے لیے جذباتی بھی تھے اور باعثِ مسرت بھی۔

یہ تقریب نہ صرف کامیاب رہی بلکہ یادگار، حوصلہ افزا اور فخر کے لمحات اپنے دامن میں سمیٹے ہوئے تھی۔ ہم دعاگو ہیں کہ اللہ تعالیٰ ہمارے طلبہ کو علم و عمل میں مزید ترقی عطا فرمائے اور وہ مستقبل میں اپنے والدین، اساتذہ اور قوم کا نام روشن کریں۔District Education Office Male Chitral Officialfficial
commissioner chitral lower