Allama Younus Kumaily

🌸 عبادت و بندگی خدا کیوں ضروری ہے 🌸

🔷 امام علی رضا عليه السلام:

لِئَلاّ يَكونوا ناسِينَ لِذِكرِهِ، و لا تارِكينَ لأدبِهِ، و لا لاهِينَ عَن أمرِهِ وَ نَهيِهِ، إذا كانَ فيهِ صَلاحُهُم و قِوامُهُم، فَلَو تُرِكوا بغَيرِ تَعَبُّدٍ لَطالَ عَلَيهِمُ الأمَدُ فَقَسَت قُلوبُهُم۔

📃 تاکہ لوگ خدا کی یاد کو فراموش نہ کریں اور اس کے آداب کو ترک نہ کریں اور اس کے امر اور نہی سے غافل نہ ہوں جائیں، کیونکہ اسی میں لوگوں کی درستگی اور قوام ہے، اگر لوگوں کو عبادت کے بغیر چھوڑ دیا جائے تو کچھ عرصے کے بعد ان کے دل سخت ہو جائیں گے۔

📚 عيون اخبار الرِّضا، ج 2، ص 103، ح 1

*💐انسان کی چار کمزوریاں 💐*

*🔷 امام علی علیہ السلام فرماتے ہیں:*

*الْبُخْلُ عَارٌ، وَ الْجُبْن مَنْقَصَةٌ، وَ الْفَقْرُ يُخْرِسُ الْفَطِنَ عَنْ [حَاجَتِهِ] حُجَّتِهِ، وَ الْمُقِلُّ غَرِيبٌ فِي بَلْدَتِهِ.*

*📃 بخل ننگ و عار ہے اور خوف مایہ نقصان ہے، فقر عقلمند کو بھی اس کی حجت کے لئے گونگا بنا دیتا ہے اور مفلس آدمی اپنے وطن میں بھی غریب ہوتا ہے۔*

*✍️ مختصر وضاحت:*

*🔶 آپ نے اس حکمت میں انسان کی چار اخلاقی اور معاشرتی کمزوریوں کی طرف اشارہ فرمایا ہے اور ہر ایک کے برے اثرات کے بارے میں بیان کیا ہے۔ ♦️ بخل اور کنجوسی یہ ہے کہ کوئی شخص کسی دوسرے کو کوئی چیز نہ دے، جبکہ اس کے پاس اللہ کی عطا کردہ نعمتیں اس کی ضروریات سے کہیں زیادہ ہوتی ہیں۔*
*👈 بخل کا ننگ ہونا اور سخاوت کی فضیلت کسی سے پوشیدہ نہیں ہے، اس لئے کہ ہر کوئی بخیل سے نفرت کرتا ہے اور رشتہ دار بھی اس سے دور رہتے ہیں، اس کے علاوہ بخل، ظلم و ستم کا سبب ہے، بعض اوقات کنجوس لوگ اپنی بیوی اور بچوں پر اس حد تک سختی کرتے ہیں کہ وہ ان کی موت کی تمنا کرتے ہیں ان کے لئے اس سے بڑھ کر اور کیا ننگ و عیب ہو سکتا ہے۔*
*🔴 خوف اور بزدلی انسان کو اس کی صلاحیتوں اور قابلیتوں کو کبھی استعمال نہیں کرنے دیتی ہیں اور نتیجہ میں انسان زندگی میں پسماندگی کی زندگی گزارتا ہے، اس کے علاوہ بزدل افراد کا دین، جان، مال، عزت اور ملک خطرے میں ہوتا ہے تو وہ جہاد سے گریز کرتے ہیں، یہی وجہ ہے کہ کوئی بزدل کبھی کسی عہدے پر نہیں پہنچا اور نہ ہی وہ کمال کی بلندیوں پر پہنچتا ہے۔*
*🟢 غریب وفقیر افراد اپنے آپ کو کمتر محسوس کرتے ہیں اور خواہ وہ کتنے ہی عقلمند اور ذہین کیوں نہ ہوں، احساس کمتری کی وجہ سے حق بات کہنے اور اپنے حقوق کا دفاع کرنے سے گریز کرتے ہیں، کیونکہ وہ جانتے ہیں کہ لوگ ان کی باتوں کو اہمیت نہیں دیں گے کیونکہ اکثر لوگ دنیا پرست ہیں اور امیر لوگوں کو زیادہ اہمیت دیتے ہیں، یہی احساس غریب کو حق بولنے سے روکتا ہے۔*
*☘️ اجنبی وہ شخص ہے جس کا کوئی دوست یا جاننے والا نہ ہو اور وہ خود کو تنہا محسوس کرتا ہو، دنیا پرست افراد غریب اور نادار لوگوں سے دوری اختیار کرتے ہیں اور انہیں اپنے ہی شہر میں اجنبی بنا کر چھوڑ دیتے ہیں، اس کے برعکس امیر لوگ اپنے وطن سے دور بھی اجنبی نہیں ہوتے ہیں۔*

*•┈•┈•⊰✿✿⊱•┈┈•┈┈•*
*📚 نہج البلاغہ، حکمت 3* *•┈┈•┈┈•⊰✿✿⊱•┈┈•┈┈•*

*🕋 ہم سجده شکر کیوں کرتے ہیں 🕋*

*🔷 امام علی رضا علیہ السلام فرماتے ہیں:*

السَّجدَةُ بَعدَ الفَریضَةِ شُکراً للّهِ ـ تَعالى ذِکرُہُ ـ عَلى ما وَفَّقَ العَبدَ مِن أداءِ فَرضِهِ، وَأدنىٰ مَا یَجزِی فِیهَا مِنَ القَولِ أن یُقالَ: «شُکراً للّهِ، شُکراً للّهِ»، ثَلاثَ مَرّاتٍ۔

*📃 واجب نماز کے بعد سجدہ شکر کرنا اس توفیق کا شکر ہے جو خداوند عالم نے اپنے بندے کو عطا کی ہے تاکہ وہ واجب(نماز) ادا کر سکے، اور اس توفیق کا، جو زبان کے ذریعہ کم سے کم شکر ادا کیا جا سکتا ہے وہ تین مرتبہ" شُکراً للّهِ " کہنا ہے۔*

*✍️ مختصر وضاحت:*

*🌏 دنیا کا کوئی کام بغیر اللہ کی توفیق کے انجام نہیں پا سکتا چاہے وہ کام چھوٹا ہو یا بڑا، ہر چیز میں اس کی توفیق ضروری ہے۔*
*📿 نماز اور دیگر واجبات جو اللہ کی جانب سے تمام مسلمانوں پر فرض ہیں ان کی انجام دہی بھی بغیر توفیق الہی کے ممکن نہیں ہے۔*
*🕌 انسان ہر حال میں اللہ کی جانب سے توفیقات کا محتاج ہے لہذا یہی وجہ ہے کہ ہم نماز کے بعد جو سجدۂ شکر انجام دیتے ہیں وہ اللہ کی عطا کردہ توفیق کا شکر ہوتا ہے کہ جس توفیق کی وجہ سے ہم نماز ادا کر پائے ہیں۔*
*☝️ لہذا انسان، اللہ کا جتنا زیادہ شکر ادا کرے گا، اللہ اس کی توفیقات خیر میں اتنا زیادہ ہی اضافہ ہوتا جائے گا لہذا ہمیں اللہ کی ہر چھوٹی اور بڑی نعمت پر شکر کرنے میں کسی طرح کی غفلت نہیں کرنی چاہیئے۔*

*•┈┈•┈┈•⊰✿✿⊱•┈┈•┈┈•*
*📚 علل الشرائع، ص360 ح 1*
*•┈┈•┈┈•⊰✿✿⊱•┈┈•┈┈•*
*•┈┈•┈┈•⊰✿✿⊱•┈┈•┈
➖➖➖➖➖➖➖➖➖