23/09/2026
یاں بالا / چناری: بڑی تعلیمی خبرسینئر صحافی عبدالوحید کیانی کی بھتیجی، معروف تاجر عبدالحمید کیانی کی صاحبزادی فضہ حمید کیانی نے ریڈ فاؤنڈیشن سکول چناری سے میرپور بورڈ کے تحت ایف ایس سی کے امتحانات میں 1123 نمبر حاصل کرکے ضلع جہلم ویلی میں پہلی پوزیشن حاصل کر لی! ماشاءاللہ 🎉🏆جبکہ ریڈ فاؤنڈیشن سکول / کالج چناری میں:
🥈 کنیز فاطمہ دختر سید وقار شاہ نے 1078 نمبر لے کر دوسری
🥉 ہادیہ افتخار دختر راجہ حسین افتخار نے 1064 نمبر حاصل کرکے تیسری پوزیشن حاصل کی۔اس شاندار تعلیمی کامیابی پر فضہ حمید کیانی، کنیز فاطمہ، ہادیہ افتخار سمیت تمام کامیاب طالبات کو اہلِ خانہ، اساتذہ، عزیز و اقارب اور اہلِ علاقہ کی جانب سے دلی مبارکباد اور نیک تمناؤں کا اظہار کیا گیا ہے۔فضہ حمید کیانی نے کہا کہ "میری کامیابی محنت، لگن، والدین و اساتذہ کی بہترین رہنمائی کا ثمر ہے۔"اس موقع پر سینئر صحافی عبدالوحید کیانی نے خوشی کا اظہار کرتے ہوئے کہا کہ یہ اعزاز مسلسل محنت اور اساتذہ کی محنت کا نتیجہ ہے اور امید ظاہر کی کہ فضہ حمید کیانی مستقبل میں بھی اعلیٰ تعلیم کے میدان میں مزید کامیابیاں حاصل کریں گی۔فضہ حمید کیانی، کنیز فاطمہ، ہادیہ افتخار کی نمایاں کامیابی پر ریڈ فاؤنڈیشن سکول چناری کے پرنسپل ندیم راجہ سمیت تمام اساتذہ اور پوری ٹیم کو بھی دلی مبارکباد پیش کی گئی ہے۔تعلیمی حلقوں نے کہا کہ ایسے نتائج علاقے کے دیگر طلبہ و طالبات کے لیے بھی حوصلہ افزائی اور محنت کی ترغیب کا باعث بنتے ہیں۔
