Alkhidmat Foundation School Behlola Campus Charsadda

السلام علیکم محترم والدین!
امید ہے آپ سب خیریت سے ہوں گے۔
حکومتِ خیبر پختونخوا کے سرکاری نوٹیفکیشن کے مطابق بروز بدھ، 17 جون (یکم محرم الحرام) عام تعطیل ہوگی۔ لہٰذا ادارہ بند رہے گا۔
شکریہ۔

الخدمت فاؤنڈیشن پاکستان کے نائب صدر اور چیئرمین الخدمت آرفن کیئر پروگرام ایئر مارشل (ر) فاروق حبیب نے الخدمت سکول بہلولہ کیمپس چارسدہ میں قائم آرفن کیئر پروگرام اسٹڈی سینٹر کا دورہ کیا۔

انہوں نے طلبہ سے ملاقات کی، ان کی تعلیمی کارکردگی کا جائزہ لیا اور نمایاں کامیابیاں حاصل کرنے والے بچوں کو انعامات اور تعریفی اسناد سے نوازا۔ فاروق حبیب نے طلبہ کی محنت، لگن اور تعلیمی میدان میں شاندار کارکردگی کو سراہتے ہوئے انہیں مستقبل میں مزید کامیابیوں کے لیے بھرپور محنت جاری رکھنے کی تلقین کی۔

اس موقع پر انہوں نے شجرکاری مہم کے تحت ایک پودا بھی لگایا اور بچوں کو ماحول کے تحفظ، درختوں کی اہمیت اور صفائی کی عادات اپنانے کے حوالے سے آگاہ کیا۔

فاروق حبیب نے آرفن کیئر پروگرام کے تحت یتیم بچوں کی تعلیم و تربیت کے لیے جاری کاوشوں کو سراہتے ہوئے اس عزم کا اظہار کیا کہ الخدمت فاؤنڈیشن بچوں کی بہتر تعلیم، کردار سازی اور روشن مستقبل کے لیے اپنی خدمات جاری رکھے گی۔

اس موقع پر الخدمت فاؤنڈیشن چارسدہ کے ضلعی صدر قاری شفیع اللہ اور دیگر ذمہ داران بھی موجود تھے۔