KPDiary9

KPDiary9 Here You Will Get All The KP Pakistan Stuff.

کوہاٹ: جرما پولیس نے کارروائی کرتے ہوئے درہ آدم خیل سے ڈیرہ اسماعیل خان اسلحہ اور منشیات اسمگل کرنے کی مبینہ کوشش ناکام ...
24/08/2026

کوہاٹ: جرما پولیس نے کارروائی کرتے ہوئے درہ آدم خیل سے ڈیرہ اسماعیل خان اسلحہ اور منشیات اسمگل کرنے کی مبینہ کوشش ناکام بنا دی۔

پولیس کے مطابق کارروائی کے دوران ایک گاڑی سے 65 پستول اور چار کلوگرام سے زائد منشیات برآمد کرکے درہ آدم خیل کے رہائشی تین مبینہ اسمگلروں کو گرفتار کرلیا گیا۔

اکاخیل مداخیل میں سیکیورٹی فورسز کے کارروائی میں فتنہ الخوارج کے کمانڈر تاج میر ٓگروپ سے وابستہ دو دہشتگرد زخمی ہوئے۔زخم...
13/08/2026

اکاخیل مداخیل میں سیکیورٹی فورسز کے کارروائی میں فتنہ الخوارج کے کمانڈر تاج میر ٓگروپ سے وابستہ دو دہشتگرد زخمی ہوئے۔

زخمی دہشتگردوں کی شناخت شینی افغ،،،،انی، جو فتنہ الخوارج کا رکن بتایا جاتا ہے، اور قاری اریانا، مقامی کمانڈر، کے طور پر ہوئی۔

اطلاعات کے مطابق شینی افغ،،،،انی گزشتہ شام زخموں کی تاب نہ لاتے ہوئے ہلاک ہوگیا، جبکہ قاری اریانا کے بارے میں مزید معلومات سامنے نہیں آسکیں۔

فتنہ الخوارج اپنی کارروائیوں میں عام شہریوں کو نشانہ بنا کر علاقے کے امن و استحکام کو مسلسل متاثر کر رہے ہیں۔ معصوم شہری...
10/08/2026

فتنہ الخوارج اپنی کارروائیوں میں عام شہریوں کو نشانہ بنا کر علاقے کے امن و استحکام کو مسلسل متاثر کر رہے ہیں۔ معصوم شہری، خصوصاً بچے، کسی بھی مسلح کارروائی کا حصہ نہیں ہوتے، لیکن خوارج انہیں بھی نشانہ بنا کر نہ صرف انسانی جانوں سے کھیلتے ہیں بلکہ علاقے کے امن کو تباہ کرنے کی کوشش کرتے ہیں۔ ایسے واقعات خوارج کی سفاکیت اور بربریت کو عیاں کرتے ہیں۔

مزید افسوسناک امر یہ ہے کہ خوارج کے بعض سپورٹرز اور سہولت کار ان کارروائیوں کا الزام سیکیورٹی اداروں پر عائد کرکے عوام کو ریاست سے متنفر کرنے کی کوشش کرتے ہیں، تاکہ خوارج کے لیے ہمدردی اور سازگار ماحول پیدا کیا جا سکے۔ ایسے گمراہ کن بیانیے کا مقصد خوارج کی دہشت گرد کارروائیوں سے توجہ ہٹانا اور عوام میں ریاستی اداروں کے خلاف بداعتمادی پیدا کرنا ہے۔

حالانکہ مقامی آبادی خود ان واقعات کی گواہ ہے اور اس بات سے بخوبی واقف ہے کہ علاقے میں خوارج کی جانب سے اس نوعیت کی کارروائیاں ہوتی رہی ہیں۔ اس کے باوجود دوسرے علاقوں کے لوگوں کو گمراہ کرنے اور اصل حقائق سے توجہ ہٹانے کے لیے سوشل میڈیا پر ایک جھوٹا اور گمراہ کن بیانیہ پھیلایا جا رہا ہے، جس کے ذریعے خوارج کی کارروائیوں کا ملبہ سیکیورٹی اداروں پر ڈالنے کی کوشش کی جاتی ہے۔

ضلع بنوں کے علاقے جانی خیل میں سيکيورٹی فورسز کے آپریشن میں فتنہ الخوارج سے وابستہ دہشتگرد خارجی عارف اللہ، جو زعفران عر...
06/08/2026

ضلع بنوں کے علاقے جانی خیل میں سيکيورٹی فورسز کے آپریشن میں فتنہ الخوارج سے وابستہ دہشتگرد خارجی عارف اللہ، جو زعفران عرف فتح گروپ سے تعلق رکھتا تھا، ہلاک ہو گیا۔

اطلاعات کے مطابق اسی حملے میں فتنہ الخوارج کا ایک اور خارجی ضرار بھی زخمی ہوا، جس کے بارے میں دعویٰ کیا جا رہا ہے کہ وہ کمر سے نیچے مفلوج ہو گیا ہے۔

آپریشن 11 گرج | ضلع ٹانک کے علاقے امہ خیل میں سیکیورٹی فورسز نے خفیہ اطلاعات کی بنیاد پر کامیاب آپریشن کرتے ہوئے فتنہ ال...
06/08/2026

آپریشن 11 گرج | ضلع ٹانک کے علاقے امہ خیل میں سیکیورٹی فورسز نے خفیہ اطلاعات کی بنیاد پر کامیاب آپریشن کرتے ہوئے فتنہ الخوارج (FAK) کے 3 دہشت گردوں کو ہلاک کر دیا۔

یومِ استحصالِ کشمیر: میران شاہ ماڈل اسکول میں کشمیری عوام سے اظہارِ یکجہتی کی تقریبمیران شاہ: یومِ استحصالِ کشمیر کے موق...
06/08/2026

یومِ استحصالِ کشمیر: میران شاہ ماڈل اسکول میں کشمیری عوام سے اظہارِ یکجہتی کی تقریب

میران شاہ: یومِ استحصالِ کشمیر کے موقع پر 5 اگست 2026 کو میران شاہ ماڈل اسکول میں ایک پروقار تقریب کا انعقاد کیا گیا، جس کا مقصد مقبوضہ کشمیر کے عوام سے اظہارِ یکجہتی اور بھارت کی جانب سے جاری مظالم کی مذمت کرنا تھا۔

تقریب کے مہمانِ خصوصی ڈپٹی کمشنر شمالی وزیرستان تھے، جبکہ ڈسٹرکٹ پولیس آفیسر، ڈسٹرکٹ ایجوکیشن آفیسر، ڈسٹرکٹ ہیلتھ آفیسر اور مختلف سرکاری محکموں کے افسران نے بھی شرکت کی۔

تقریب کے دوران طلبہ نے کشمیری عوام کی جدوجہدِ آزادی اور قربانیوں کو اجاگر کرنے کے لیے پُرجوش تقاریر اور ملی نغمے پیش کیے، جنہیں شرکاء نے خوب سراہا۔

مقررین نے اس عزم کا اعادہ کیا کہ شمالی وزیرستان کے عوام کشمیری بھائیوں کی حقِ خودارادیت کی جدوجہد میں ان کی اخلاقی، سیاسی اور سفارتی حمایت جاری رکھیں گے، اور ان کی آزادی تک ہر ممکن یکجہتی کا اظہار کرتے رہیں گے۔

خیبرپختونخوا کے مختلفِ علاقوں سے تعلق رکھنے والے نوجوانوں اور سٹوڈنٹس نےہیڈکوارٹرز فرنٹئیر کور قلعہ بالا حصار پشاور کا م...
29/07/2026

خیبرپختونخوا کے مختلفِ علاقوں سے تعلق رکھنے والے نوجوانوں اور سٹوڈنٹس نےہیڈکوارٹرز فرنٹئیر کور قلعہ بالا حصار پشاور کا مطالعاتی دورہ کیا۔

اس موقع پر نوجوانوں اور سٹوڈنٹس نے ہیڈ کوارٹرز فرنٹئیر کور قلعہ بالا حصار پشاور کے مختلف حصوں کا تفصیلی دورہ کیا اور اس تاریخی مقام کے بارے میں معلومات حاصل کیں ۔

شرکاء نے اس دورے کو ایک بامقصد اور یادگار تجربہ قرار دیتے ہوئے کہا کہ اس سے نہ صرف انہیں فرنٹیئر کور کے پی نارتھ کی قربانیوں کو قریب سے سمجھنے کا موقع ملا بلکہ اس طرح کے مطالعاتی دورے باہمی اعتماد کے فروغ میں بھی اہم کردار ادا کرتے ہیں۔

انہوں نے اپنے وطن کے دفاع میں مصروف فرنٹیئر کور کے کردار اور قربانیوں کو بھرپور انداز میں سراہا۔

افغ,,,ان طال,,,بان فتنہ الخوارج کے خلاف اقدام کر سکتے ہیں، لیکن کریں گے نہیں: معروف امریکی ماہر امور جنوب ایشیا مائیکل ک...
22/07/2026

افغ,,,ان طال,,,بان فتنہ الخوارج کے خلاف اقدام کر سکتے ہیں، لیکن کریں گے نہیں: معروف امریکی ماہر امور جنوب ایشیا مائیکل کوگلیمین کا انکشاف

فتنہ الخوارج سے وابستہ پروپیگنڈا اکاؤنٹس نے ایک ویڈیو جاری کرتے ہوئے جھوٹا دعویٰ کیا کہ اس میں پاکستان کے اندر قائم ایک ...
22/07/2026

فتنہ الخوارج سے وابستہ پروپیگنڈا اکاؤنٹس نے ایک ویڈیو جاری کرتے ہوئے جھوٹا دعویٰ کیا کہ اس میں پاکستان کے اندر قائم ایک تربیتی مرکز دکھایا گیا ہے۔

تاہم جیو لوکیشن اور تکنیکی تجزیے سے ثابت ہوا کہ مذکورہ مقام دراصل افغ،،،انستان کے صوبہ کنڑ کے علاقے دانگام (Dangam) میں واقع ہے۔

یہ کیمپ ماضی میں الق،،،اعدہ اور افغ،،ان طال،،بان کا مشترکہ تربیتی مرکز تھا، جہاں امریکی اور اتحادی افواج کے خلاف کارروائیوں کے لیے جنگجوؤں کو تیار کیا جاتا تھا۔ موجودہ وقت میں اسی مرکز کو طال،،،بان اور الق،،،اعدہ کے کمانڈروں کی نگرانی میں فتنہ الخوارج کے دہشت گردوں کی تربیت کے لیے استعمال کیا جا رہا ہے۔

اس تربیتی مرکز میں ایک وسیع کمپاؤنڈ، پریڈ اور ڈرل گراؤنڈ، گھنے جنگلات میں چھپا رہائشی کمپلیکس، اور متعدد علیحدہ تربیتی مقامات شامل ہیں، جہاں دہشت گردوں کو گوریلا جنگ، فیلڈ کرافٹ، چھوٹے دستوں کی جنگی حکمتِ عملی، اور شورش پسندانہ کارروائیوں کی تربیت دی جاتی ہے۔

ضلع خیبر کی تحصیل باڑہ، وادی تیراہ کے علاقے اکاخیل میں زرمین چوک کے قریب فتنۂ خوارج کی جانب سے داغا گیا مارٹر گولہ ایک ...
17/07/2026

ضلع خیبر کی تحصیل باڑہ، وادی تیراہ کے علاقے اکاخیل میں زرمین چوک کے قریب فتنۂ خوارج کی جانب سے داغا گیا مارٹر گولہ ایک رہائشی مکان پر آ گرا، جس کے نتیجے میں دو معصوم بچے شدید زخمی ہو گئے۔

یہ واقعہ ایک بار پھر ثابت کرتا ہے کہ فتنۂ خوارج کی دہشت گردی کا سب سے بڑا نشانہ بے گناہ شہری، خصوصاً بچے، بنتے ہیں۔ معصوم جانوں کو خطرے میں ڈالنے والے ایسے عناصر نہ امن کے خواہاں ہیں، نہ انسانیت کے۔ مقامی آبادی کے جان و مال کو نقصان پہنچانا ان کے مجرمانہ طرزِ عمل کی واضح عکاسی کرتا ہے۔

Address

Charsadda

Website

Alerts

Be the first to know and let us send you an email when KPDiary9 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category