GES CHAK DINA

29/04/2026

🌿✨ طلبہ کی محنت کو سلام! ✨🌿

آج جماعت ہفتم کے بچوں نے “پتے اور تنے کی ساخت” کے موضوع پر نہایت خوبصورت، رنگین اور معلوماتی چارٹس تیار کیے۔ ان ننھے ذہنوں کی تخلیقی صلاحیت، محنت اور سیکھنے کا جذبہ واقعی قابلِ تعریف ہے۔ 👏

یہ چارٹس صرف ایک تعلیمی سرگرمی نہیں بلکہ اس بات کا ثبوت ہیں کہ اگر بچوں کو صحیح رہنمائی اور حوصلہ افزائی ملے تو وہ اپنی صلاحیتوں کا بھرپور اظہار کر سکتے ہیں۔ 🌱📚

🌟 ہم ان تمام بچوں کو دل سے شاباش دیتے ہیں جنہوں نے اس سرگرمی میں حصہ لیا۔
🌟 والدین کا بھی شکریہ جن کی توجہ اور تعاون بچوں کی کامیابی کا اہم ذریعہ ہے۔

📢 پیارے والدین!
اپنے بچوں کو اسی طرح سپورٹ کرتے رہیں، ان کی حوصلہ افزائی کریں اور ان کے ساتھ وقت گزاریں۔ آپ کی چھوٹی سی توجہ ان کے روشن مستقبل کی بنیاد بن سکتی ہے۔

💡 پیغام سب کے لیے:
تعلیم صرف کتابوں تک محدود نہیں، بلکہ عملی سرگرمیاں بچوں کی سوچ، اعتماد اور تخلیقی صلاحیتوں کو نکھارتی ہیں۔

👏 آئیں! ہم سب مل کر اپنے بچوں کے خوابوں کو حقیقت میں بدلنے میں ان کا ساتھ دیں۔

20/04/2026

📢 اہم اطلاع برائے معزز والدین
معزز والدین!
جیسا کہ آپ کو علم ہے کہ بچوں کو ہر ہفتے ایک ٹاسک دیا جاتا ہے جسے وہ مکمل کر کے سکول لاتے ہیں۔ اس ٹاسک کی تشہیر واٹس ایپ گروپس اور فیس بک پیج پر بھی کی جاتی ہے۔
🔗 https://www.facebook.com/share/p/1ZrAzZyaum/⁠�
اس ہفتے بچوں کو درج ذیل کام دیے گئے تھے:
✔ نماز یاد کرنا
✔ چار کلمے یاد کرنا
✔ ناخن تراش کر آنا
سکول میں ان تمام چیزوں کو چیک/ٹیسٹ کیا گیا۔
❌ وہ طلبہ جن کے ناخن حد سے زیادہ بڑے پائے گئے:
حنزلہ، غفران، حذیفہ اسجد، منیب الرحمن، دلاور حسین، سلمان سلیم، غلام تقی حیدر، علی حسن، محمد ابراہیم، علی احمد، انس کاشف، محمد ابوبکر، واصف قمر، زوار عباس، محمد رضوان، مزمل فیاض، عبدالہادی ناظم، علی حسن رؤف، علی اصغر پرویز، اویس جمشید خان، علی اکبر پرویز، محمد ابرار، ابراہیم مبشر، محمد بنیامین، تجمل شہزاد، وسیم نصیب شاہ، محمد امنان فاروق، عتیق الرحمن، ارباب کاشف
❌ وہ طلبہ جن کو مکمل نماز یاد نہیں تھی:
ابرار علی، عبداللہ ظفر، علی حسن رؤف، سید قلب عباس شاہ، محمد عبداللہ عظیم، موسیٰ سلیم، ابراہیم مبشر، عبدالہادی ولد علی رضا، فرحان علی غضنفر، غلام تقی حیدر، سلیمان سلیم، عالیان علی عدنان، دلاور حسین رخسار، راجہ محمد طلحہ، ابراہیم علی، فہد علی عابد، عبدالہادی امتیاز، محمد احمد افضال، ابراہیم ماجد، علی حسن عاطف، محمد موسیٰ عدنان، دانیال شہزاد، محمد یوسف سکندر، عالیان وحید، ابوبکر نصر حیات، عیسیٰ عدنان، ابراہیم وحید، فرحان مذمل، محمد حذیفہ شفیق، سائم الحسن، عمیر حیدر، عادل حسین، عدنان علی ریاض، وسیم نصیب شاہ، حسن علی، علی حمزہ قریش خان، فیضان احمد سجاد، قاسم رضا اعظم، اویس قریش خان، احتشام عمر حیات، علی اصغر پرویز اقبال، تجمل شہزاد، محمد رضوان ریاض، مزمل فیاض، زکی حیدر، علی اکبر پرویز، انس کاشف، اذان علی عابد، منیب الرحمن
📌 اہم نوٹ:
یاد رہے کہ سکول میں ان تمام چیزوں کی باقاعدہ چیکنگ کی جاتی ہے اور بچوں کو صفائی اور نماز کے بارے میں بار بار سکھایا اور دہرایا بھی جاتا ہے۔
مزید یہ کہ اس ہفتے تین چھٹیاں بھی دی گئی تھیں تاکہ بچے آرام سے اپنا ٹاسک مکمل کر سکیں۔
لہٰذا تمام والدین سے گزارش ہے کہ بچوں پر خصوصی توجہ دیں تاکہ:
✔ دینی تعلیم بہتر ہو
✔ دنیاوی تعلیم میں بہتری آئے
✔ ذاتی صفائی (Personal Hygiene) کا خیال رکھا جا سکے

17/04/2026

📢 اہم ہدایات برائے طلبہ و والدین (ویک اینڈ ٹاسک)
اس ویک اینڈ پر تمام طلبہ درج ذیل کام ضرور مکمل کریں:
✅ اپنا سکول یونیفارم ہر لحاظ سے مکمل کریں۔
✅ جو کتابیں یا کاپیاں رہ گئی ہیں، وہ بازار سے خرید کر ان پر کور اور لیبل (شیٹس) لگائیں۔
✅ اپنے بال اور ناخن تراشیں اور صفائی کا خاص خیال رکھیں۔
✅ پچھلے ہفتے کا تمام باقی ماندہ ہوم ورک مکمل کریں۔
📚 کاپیوں کے حوالے سے ہدایات:
کاپیاں مکمل اور صاف ستھری رکھیں۔
ہر سبق کے ساتھ تاریخ (Date) اور عنوان (Heading) لازمی لکھیں۔
کاپیوں پر مارجن لائن ضرور لگائیں۔
لکھائی کے لیے کالا اور نیلا پوائنٹر استعمال کریں۔
⚠️ پینسل کا استعمال نہ کریں۔
🕌 دینی تعلیم:
طلبہ کو سکول اسمبلی میں روزانہ نماز اور کلمے سکھائے جاتے ہیں۔
📌 اس ہفتے تمام بچے:
مکمل نماز
چار کلمے
یاد کر کے آئیں گے۔
🙏 والدین سے گزارش ہے کہ بچوں کو گھر پر یاد کروائیں یا قریبی مسجد میں قاری صاحب سے رہنمائی دلوائیں۔

14/04/2026

14/04/2026

📢 گورنمنٹ ایلیمنٹری سکول میں کامیابیوں کا جشن! 🎉

آج سکول میں پیکٹا (PECTA) امتحانات کا باقاعدہ اعلان کیا گیا۔ اس خوشی کے موقع پر پوزیشن ہولڈر طلبہ (فرسٹ، سیکنڈ اور تھرڈ) میں انعامات بھی تقسیم کیے گئے۔ 🏆

الحمدللہ! پورے سکول کا رزلٹ 100 فیصد رہا، جبکہ انگریزی مضمون کا رزلٹ پورے سینٹر میں سب سے نمایاں اور اعلیٰ رہا۔ 🌟

یہ کامیابی اساتذہ کی محنت، طلبہ کی لگن اور والدین کے تعاون کا نتیجہ ہے۔ 💯
اللہ تعالیٰ ہمیں مزید کامیابیاں عطا فرمائے۔ آمین 🤲

09/04/2026

طلبہ اور والدین کے لیے اس ہفتے کے اہم کام

🔹 بچوں کے یونیفارم کو ہر لحاظ سے مکمل کریں۔
🔹 بچوں کی ذاتی صفائی (پرسنل ہائیجین) پر خصوصی توجہ دیں، ناخن اور بال باقاعدگی سے تراشوائیں۔
🔹 بچوں کی سٹیشنری مکمل کریں: پین، پینسل، سکیل، جیومیٹری باکس، مارکر وغیرہ۔
🔹 ہر مضمون کے لیے الگ الگ کاپیاں مقررہ صفات اور سائز کے مطابق لے کر دیں اور ان پر دی گئی ہدایات کے مطابق رنگین شیٹس چڑھائیں۔
🔹 حکومتی کتابوں کی کمی کے باعث پرانی کتابیں دی جاتی ہیں، لہٰذا ان کی مرمت کروائیں اور جلد لازمی لگوائیں۔
🔹 جن مضامین (سائنس، جیوگرافی، مطالعہ پاکستان) کو اردو میڈیم میں پڑھایا جائے گا، ان کی کتابیں اردو میں خریدیں۔
🔹 بچوں کے بیگ کی مرمت کروائیں؛ خراب زِپ یا پھٹے ہوئے بیگ درست کروائیں تاکہ اچھا تاثر قائم رہے۔

🔸 زیادہ چھٹیوں کی وجہ سے بچوں میں غیر مہذب رویہ بڑھ رہا ہے، والدین بچوں کی صحبت اور ماحول (گھر، گلی، مسجد، محلہ) پر نظر رکھیں۔
🔸 سکول میں انگوٹھیاں، چھلے یا بازوؤں پر ڈوریاں پہن کر آنا منع ہے (صرف چاندی کی انگوٹھی کی اجازت ہے)۔
🔸 بچوں کو گھر کے ایمرجنسی نمبرز یاد کروائیں اور سکول میں ایسا نمبر فراہم کریں جس پر واٹس ایپ موجود ہو تاکہ معلومات بروقت دی جا سکیں۔

🔹 گھر میں بچوں کے کھیل اور ہوم ورک کے لیے باقاعدہ ٹائم ٹیبل بنائیں۔
🔹 بچوں کو موبائل فون، غیر ضروری فلموں اور ڈراموں سے دور رکھیں۔
🔹 بچوں کے لیے پی ٹی وی، پیغام ٹی وی اور مدنی ٹی وی کے تعلیمی و اصلاحی پروگرامز دیکھنے کی ترغیب دیں۔

🔸 بچوں کو "گڈ ٹچ" اور "بیڈ ٹچ" کے بارے میں آگاہ کریں۔
🔸 بچوں کے ساتھ دوستانہ رویہ رکھیں تاکہ وہ ہر بات بلا جھجھک شیئر کر سکیں۔
🔸 خاص طور پر والد بچوں کو وقت دیں اور ان کے ساتھ مضبوط تعلق قائم کریں۔
🔸 سکول میں بچوں کی تعلیمی سرگرمیوں سے باخبر رہیں۔

آپ کا تعاون بچوں کے بہتر مستقبل کی ضمانت ہے۔
*گورنمنٹ ایلیمنٹری سکول چکدینہ*

07/04/2026

ڈیجیٹل لٹریسی اور ٹیکنالوجی انٹیگریشن
آج کے جدید دور میں ڈیجیٹل لٹریسی (Digital Literacy) اور ٹیکنالوجی انٹیگریشن (Technology Integration) تعلیم، کاروبار اور روزمرہ زندگی کا لازمی حصہ بن چکے ہیں۔ ڈیجیٹل لٹریسی سے مراد کمپیوٹر، انٹرنیٹ، موبائل اور دیگر ڈیجیٹل ذرائع کو مؤثر اور ذمہ داری کے ساتھ استعمال کرنے کی صلاحیت ہے۔
ڈیجیٹل لٹریسی ہمیں معلومات حاصل کرنے، ان کا تجزیہ کرنے اور درست فیصلے کرنے میں مدد دیتی ہے۔ ایک ڈیجیٹل طور پر باخبر فرد نہ صرف ٹیکنالوجی کو استعمال کرنا جانتا ہے بلکہ وہ آن لائن خطرات جیسے فراڈ، غلط معلومات اور سائبر کرائم سے بھی خود کو محفوظ رکھ سکتا ہے۔
ٹیکنالوجی انٹیگریشن کا مطلب ہے کہ تعلیم اور دیگر شعبوں میں جدید ٹیکنالوجی کو شامل کیا جائے۔ آج کل اساتذہ کلاس روم میں سمارٹ بورڈ، آن لائن ویڈیوز، اور تعلیمی ایپس استعمال کر کے طلبہ کو بہتر انداز میں پڑھا رہے ہیں۔ اس سے سیکھنے کا عمل زیادہ دلچسپ، آسان اور مؤثر ہو جاتا ہے۔
ڈیجیٹل لٹریسی اور ٹیکنالوجی انٹیگریشن کے کئی فوائد ہیں:
طلبہ کی تخلیقی صلاحیتوں میں اضافہ ہوتا ہے
معلومات تک فوری رسائی ممکن ہوتی ہے
آن لائن تعلیم کے مواقع بڑھتے ہیں
وقت اور وسائل کی بچت ہوتی ہے
تاہم، اس کے ساتھ کچھ چیلنجز بھی موجود ہیں جیسے انٹرنیٹ کا غلط استعمال، اسکرین ٹائم میں اضافہ، اور ڈیٹا سیکیورٹی کے مسائل۔ اس لیے ضروری ہے کہ ہم ٹیکنالوجی کا استعمال ذمہ داری اور احتیاط کے ساتھ کریں۔
آخر میں یہ کہا جا سکتا ہے کہ ڈیجیٹل لٹریسی اور ٹیکنالوجی انٹیگریشن ترقی کی کنجی ہیں۔ اگر ہم ان کا صحیح استعمال سیکھ لیں تو ہم نہ صرف اپنی زندگی کو بہتر بنا سکتے ہیں بلکہ ملک کی ترقی میں بھی اہم کردار ادا کر سکتے ہیں۔

31/03/2026

آج گورنمنٹ ایلیمنٹری سکول چک دینہ میں سالانہ امتحانات کے نتائج کا باقاعدہ اعلان کیا گیا۔ اس موقع پر سکول کا ماحول خوشی، جوش اور فخر سے بھرپور نظر آیا۔ کامیاب طلبہ و طالبات کے چہروں پر خوشی اور والدین کی آنکھوں میں اطمینان صاف جھلک رہا تھا۔

تقریب کے دوران نمایاں کارکردگی دکھانے والے طلبہ کو خصوصی طور پر سراہا گیا اور ان کی حوصلہ افزائی کی گئی۔ اساتذہ کرام کی محنت، رہنمائی اور لگن کو بھی بھرپور انداز میں خراجِ تحسین پیش کیا گیا، جن کی بدولت طلبہ نے شاندار نتائج حاصل کیے۔

یہ دن نہ صرف کامیابیوں کا جشن ہے بلکہ آئندہ کے لیے مزید محنت، عزم اور ترقی کا پیغام بھی دیتا ہے۔ ہم تمام کامیاب طلبہ کو دل کی گہرائیوں سے مبارکباد پیش کرتے ہیں اور ان کے روشن مستقبل کے لیے نیک تمناؤں کا اظہار کرتے ہیں
سالانہ امتحانات کے نتائج میں جہاں کامیاب طلبہ کے لیے خوشی کا پیغام ہے، وہیں کچھ طلبہ کے لیے یہ لمحہ مایوسی کا بھی ہو سکتا ہے۔ مگر یاد رکھیں، ناکامی کبھی بھی زندگی کا اختتام نہیں بلکہ ایک نیا آغاز ہوتی ہے۔

جو طلبہ اس بار کامیاب نہ ہو سکے، وہ ہمت نہ ہاریں۔ یہ وقت خود احتسابی، سیکھنے اور مزید محنت کرنے کا ہے۔ ہر کامیاب انسان کی زندگی میں ناکامی ضرور آتی ہے، لیکن اصل کامیابی اسی کی ہوتی ہے جو دوبارہ کھڑا ہو کر آگے بڑھنے کا حوصلہ رکھتا ہے۔

اساتذہ اور والدین کا فرض ہے کہ وہ ایسے طلبہ کی حوصلہ افزائی کریں، ان کی رہنمائی کریں اور انہیں یہ یقین دلائیں کہ وہ بھی اپنی محنت اور لگن سے بہترین مقام حاصل کر سکتے ہیں۔

آئیں ہم سب مل کر ان طلبہ کا حوصلہ بڑھائیں اور انہیں ایک نئی امید کے ساتھ آگے بڑھنے کا موقع دیں۔۔

31/03/2026

صبا مدینے میں جا کہ، نبی سے میرا سلام کہنا ۔
نعت خواں:
محمد عبداللہ
جماعت: ہفتم

25/03/2026

آج میں ایک خوبصورت اور یادگار لمحہ دیکھنے کو ملا، جب جماعت ہفتم کے طلبہ نے جماعت ہشتم کے طلبہ کے اعزاز میں ایک پُروقار الوداعی تقریب کا اہتمام کیا۔ 🌸

اس موقع پر طلبہ نے اپنے سینئرز کے ساتھ گزاری گئی حسین یادوں کو تازہ کیا، ہنسی خوشی کے لمحات بانٹے اور مستقبل کے لیے نیک تمناؤں کا اظہار کیا۔ 📚✨

الوداعی تقریب کی یہ خوبصورت جھلکیاں انہی یادگار لمحات کی عکاسی کر رہی ہیں، جو ہمیشہ دلوں میں زندہ رہیں گے۔ ❤️

ہم جماعت ہشتم کے تمام طلبہ کے روشن مستقبل کے لیے دعاگو ہیں۔ اللہ تعالیٰ انہیں کامیابیوں سے ہمکنار فرمائے۔ آمین 🤲

05/12/2025

برائے والدینِ محترم

السلام علیکم!

اطلاع دی جاتی ہے کہ مورخہ 8 تاریخ بروزِ سوموار سے اسکول میں بچوں کے مڈ ٹرم امتحانات کا آغاز ہو رہا ہے۔ تمام والدین سے گزارش ہے کہ اپنے بچوں کی حاضری کو یقینی بنائیں تاکہ وہ اپنے تمام پیپر بروقت دے سکیں۔

امتحانات 18 تاریخ تک جاری رہیں گے، جس کے بعد بچوں کو چھٹیاں دے دی جائیں گی۔
واضح رہے کہ امتحانات دوبارہ نہیں لیے جائیں گے۔ لہٰذا والدین سے مکمل تعاون کی درخواست ہے کہ اپنے بچوں کو باقاعدگی سے اسکول بھیجیں۔

شکریہ
— انتظامیہ، GES Chak Dina