04/01/2026
It is too hard to say farewell this personality who dedicated 39 years of his service in the field of education to thier natives.He taught so many students who became doctors, engineers, and teachers etc
سڀني پنهنجن پيارن جي دعائن سان 1987ع کان اڄ تائين ڪُل 39 سال تعليم کاتي ۾ نوڪري ڪري اڄ تاريخ 03 جنوري 2026ع تي نوڪري تان ريٽائرمينٽ ورتي آهي.
39 سالن جي نوڪري ۽ 60 سالن جي زندگيءَ جي تجربي مان تمام گهڻو سکيوسين.
سروس جي دوران ڪيترن کي اسڪولن ۾ نوڪري ڪئي. اڄ کاتي کي الوداع ڪرڻ مهل فخر سان چوان ٿو ته منهنجا ڪيترائي شاگرد انجنيئرنگ، ڊاڪٽري سان گڏ ٻين ڪيترين ئي شعبن مان اعليٰ سندون حاصل ڪري اڄ ڪيترن ئي وڏن عهدن تي فائز آهن.
ٻين سوين شاگردن سان گڏ منهنجن پنهنجن ٻن فرزندن کي ڊاڪٽري جي فيلڊ تائين پهچايا جن ۾ منهنجو وڏو پُٽ ڊاڪٽر ڀرت لال ايم بي بي ايس فائينل ڪري ڊاڪٽري نوڪري ڪري رهيو آهي جڏهن ته ٻيو نمبر پُٽ امرت لال ايم بي بي ايس جي آخري سال ۾ پڙهي رهيو آهي. اها ئي منهنجي خوشنصيبي آهي.
نوڪري دوران منهنجي لاءِ وڏا اعزاز اهي آهن ته ڀارمل جي ڳوٺ ۾ پرائمري اسڪول جو بنياد مون رکيو آهي ۽ ان کانپوءِ اسان جي پنهنجي ڳوٺ ڀاڏاسنڌا جي مڊل اسڪول جي شروعات پڻ مون ڪرائي جنهن ڪري ڳوٺ جي ڪيترن ئي شاگردن ۽ شاگردياڻين لاءِ انگريزي تعليم جو مسئلو مستقل جي لاءِ حل ٿي ويو.
20 سالن جي عمر ۾ تعليم کاتي ۾ جوائننگ ڪرڻ کانپوءِ اڄ تائين پورا ٽي نسل مون پڙهايا آهن.
منھنجو اهو ئي خواب هو ته تعليم هر ٻار جو بنيادي حق آهي اهو ان کي ملڻ گهرجي. ان ئي خيال سان مون ٻن اسڪولن جو بنياد پڻ رکيو جيڪي ماشا ﷲ اڄ تائين هلندا رهيا آهن.
ڏونگر رام وستاڻي ڳوٺ ڀاڏاسنڌا ڇاڇرو
