Ghazali School & College Elai Buner

#احساس

آج کی تقریب کے دوران جماعت نہم سے تعلق رکھنے والا ایک طالبِ علم عباس ( گریڈ نہم بی )میرے پاس آیا اور نہایت معصومانہ مگر پُرخلوص انداز میں کہنے لگا:

“سر! میں اپنے برانڈ H₂O Oasis کا پانی خصوصی طور پر تقریب میں تشریف لانے والے معزز مہمانوں کے لیے لایا ہوں۔”

اس کے یہ الفاظ سن کر دل کو ایک عجیب سی خوشی اور اطمینان محسوس ہوا۔ عمر ابھی کم ہے، مگر احساس کتنا گہرا اور جذبہ کتنا وسیع!

یہ محض پانی کی بوتلیں نہیں تھیں؛ بلکہ محبت، احترام، خدمت اور اپنائیت کا ایک خوب صورت اظہار تھا۔
ننھی سی عمر میں دوسروں کی آسائش کا خیال رکھنا، مہمانوں کی خدمت کو اعزاز سمجھنا اور اپنی خوشی میں دوسروں کو شریک کرنا یقیناً ایک قابلِ تحسین وصف ہے۔

ایسے ہی چھوٹے چھوٹے احساسات رفتہ رفتہ بڑے کرداروں کی بنیاد بنتے ہیں۔ قوموں کا مستقبل صرف کتابوں سے نہیں، بلکہ احساس رکھنے والے اور خدمت کا جذبہ رکھنے والے بچوں کی تربیت سے بھی سنورتا ہے۔

مجھے اپنے اس طالبِ علم پر خوشی بھی ہوئی اور فخر بھی کہ اس نے اپنی کم عمری میں ہمیں یہ خوب صورت سبق دیا کہ نیکی کے لیے عمر نہیں، ایک زندہ دل اور حساس احساس درکار ہوتا ہے۔

اللہ تعالیٰ ہمارے بچوں کے دلوں میں محبت، خدمت، سخاوت اور احساسِ ذمہ داری کی یہ شمع ہمیشہ روشن رکھے اور انہیں معاشرے کے لیے خیر و بھلائی کا ذریعہ بنائے۔ آمین۔

🫂🌺

#بدستِ #دعا

اے ربِّ کریم! پاکستان کی سلامتی و حفاظت فرما، اور ہمارے وطن کو ہر اندرونی و بیرونی خطرے، فتنے اور آفت سے محفوظ رکھ-

اے اللہ! ہمارے ملک کے حکمرانوں کو نیک نیتی، عدل و انصاف اور ملک و قوم کی خدمت کی توفیق عطا فرما۔
پاکستان کو علم، تعلیم، ترقی، خوشحالی اور اتحاد کا گہوارہ بنا دے-

اے پروردگار! جن بزرگوں اور شہداء کی قربانیوں کے نتیجے میں ہمیں یہ آزاد وطن نصیب ہوا، ان کی قربانیوں کو شرفِ قبولیت عطا فرما، ان کے درجات بلند فرما اور انہیں جنت الفردوس میں اعلیٰ مقام عطا فرما-

اے اللہ! پاکستان کو تا قیامت قائم و دائم، مضبوط، متحد اور سربلند رکھ۔
پاکستان کو ہر دشمن کی بری نظر سے محفوظ فرما۔
پاکستان زندہ باد، پاکستان ہمیشہ سلامت باد
پاکستان مبارک 🇵🇰♥️

آمین یا رب العالمین
😍

Unbearably 😍😘

😍🫂

🇵🇰♥️

#تقریب کے مندوبین🌺♥️

#پاکستان تا ابد زندہ و پائندہ باد!🇵🇰♥️

وطنِ عزیز پاکستان ہمیشہ قائم و دائم رہے؛ تمام اہلِ وطن کو آزادی کی یہ بابرکت ساعتیں مبارک!

تمام تر انتظامات مکمل ہو چکے ہیں۔ آپ سب کو اپنے بچوں سمیت اس پُرمسرت قومی تقریب میں شرکت کی پُرخلوص دعوت دی جاتی ہے۔ آئیے، مل کر جشنِ آزادی کی خوشیاں منائیں اور وطنِ عزیز سے اپنی محبت کا اظہار کریں۔