14/07/2026
*دی یونائیٹڈ سکول سسٹم*
*عزیز والدین! السلام علیکم*
تعطیلات بچوں کے لیے صرف آرام کا وقت نہیں بلکہ ان کی شخصیت سازی، اخلاقی تربیت، ذہنی نشوونما اور خاندانی تعلقات کو مضبوط بنانے کا بہترین موقع بھی ہیں۔ آپ کی معمولی سی توجہ بچے کے روشن مستقبل کی بنیاد بن سکتی ہے۔
ہم آپ سے گزارش کرتے ہیں کہ تعطیلات کے دوران درج ذیل آسان سرگرمیوں میں اپنے بچوں کی رہنمائی کریں۔ ان کاموں پر کسی اضافی خرچ کی ضرورت نہیں، صرف تھوڑا سا وقت اور محبت درکار ہے۔
بچوں کے لیے مفید سرگرمیاں
1. روزانہ مقررہ وقت پر تعطیلات کا ہوم ورک مکمل کریں۔
2. روزانہ کم از کم 20 سے 30 منٹ کتاب یا کہانی پڑھیں۔
3. پانچ نئی اردو اور پانچ نئی انگریزی الفاظ سیکھیں اور ان کا استعمال کریں۔
4. روزانہ قرآنِ پاک کی تلاوت کریں اور ایک مختصر دعا یاد کریں۔
5. نماز کی پابندی کریں اور والدین کے ساتھ باجماعت نماز ادا کرنے کی کوشش کریں۔
6. والدین اور بزرگوں کی خدمت کریں، سلام کرنے اور شائستہ گفتگو کی عادت اپنائیں۔
7. اپنا بستر، کتابیں، الماری اور اسکول بیگ خود ترتیب دیں۔
8. گھر کے چھوٹے کاموں میں خوشی سے ہاتھ بٹائیں، جیسے میز لگانا، پانی بھرنا یا پودوں کو پانی دینا۔
9. روزانہ کم از کم 30 منٹ جسمانی کھیل یا ورزش کریں۔
10. موبائل اور ٹی وی کا استعمال محدود رکھیں۔
11. روزانہ ایک اچھا کام کریں اور رات کو والدین کو ضرور بتائیں کہ آج آپ نے کون سا اچھا کام کیا۔
12. ایک ڈائری یا کاپی میں روزانہ اپنی سرگرمیوں کے بارے میں دو یا تین جملے لکھیں یا والدین کو سنا دیں۔
13. اپنے اردگرد صفائی کا خیال رکھیں اور صفائی کی عادت اپنائیں۔
14. رشتہ داروں، پڑوسیوں اور بزرگوں سے خوش اخلاقی سے ملیں۔
15. ہر روز کسی نئی چیز کے بارے میں جاننے کی کوشش کریں اور اسے گھر والوں کے ساتھ شیئر کریں۔
*والدین کے لیے گزارش*
- بچوں کی حوصلہ افزائی کریں، صرف ڈانٹ ڈپٹ سے گریز کریں۔
- روزانہ کم از کم 15 منٹ بچوں کے ساتھ بیٹھ کر ان کی پڑھائی اور سرگرمیوں کے بارے میں بات کریں۔
- بچوں کی اچھی عادتوں کی تعریف کریں تاکہ ان کا اعتماد بڑھے۔
- انہیں سچ بولنے، وقت کی پابندی، صفائی اور ذمہ داری کا عملی سبق دیں۔
یاد رکھیں!
تعلیم صرف کتابوں تک محدود نہیں، بلکہ اچھے اخلاق، اچھی عادات، نظم و ضبط اور والدین کی بہترین رہنمائی ہی ایک کامیاب اور باکردار بچے کی پہچان ہے۔
*پیارے بچو! یاد رکھیں، چھٹیاں صرف کھیلنے کے لیے نہیں بلکہ اپنے آپ کو پہلے سے بہتر بنانے کا بہترین موقع ہیں۔ ہر دن ایک نئی اچھی عادت اپنائیں، والدین کا احترام کریں، اپنی پڑھائی جاری رکھیں، اور اپنے رب کا شکر ادا کریں۔ یہی عادتیں آپ کو ایک کامیاب، بااخلاق اور ذمہ دار انسان بنائیں گی*
دی یونائٹڈ سکول سسٹم
*آج کی بہترین تربیت، کل کا روشن مستقبل*
