08/01/2026
درخواست برائے تعمیر و بحالی لنک میٹل روڈ
یارو والا ڈگر کوٹلی شمالی، تحصیل منکیرہ، ضلع بھکر
محترم
وزیراعلیٰ پنجاب محترمہ مریم نواز شریف صاحبہ
اور
معزز ایم پی اے ملک غضنفر صاحب
السلام علیکم!
ہم گاؤں یارو والا ڈگر کوٹلی شمالی، تحصیل منکیرہ، ضلع بھکر کے مکین آپ کی خدمت میں یہ گزارش پیش کرتے ہیں کہ ہمارے گاؤں کو ایک پختہ اور جدید میٹل لنک روڈ کی اشد ضرورت ہے، جو نہ صرف ہمارے گاؤں بلکہ گرد و نواح کے درجنوں چھوٹے دیہات کے عوام کے لیے بنیادی سہولت ہے۔
ہمارا گاؤں ایک مرکزی مقام رکھتا ہے، جہاں الحمدللہ:
ایک گورنمنٹ گرلز پرائمری اسکول
ایک گورنمنٹ گرلز ماڈل اسکول
ایک کمیونٹی ماڈل اسکول
ایک بیسک ہیلتھ یونٹ (مریم نواز کلینک)
قائم ہیں، جن سے آس پاس کے کئی دیہات کے بچے اور مریض مستفید ہو رہے ہیں۔
یہ بات قابلِ فخر ہے کہ سال 2016 میں گورنمنٹ پرائمری اسکول کا قیام وزیراعلیٰ پنجاب میاں محمد شہباز شریف صاحب کی خصوصی ہدایت پر
جناب اکرام صادق سیال کی ذاتی کوشش اور درخواست پر عمل میں آیا، جس سے آج سینکڑوں بچے تعلیم کی روشنی حاصل کر رہے ہیں۔
بدقسمتی سے سڑک کی خستہ حالت کے باعث:
طالبات کو اسکول آنے میں مشکلات
مریضوں کو بی ایچ یو تک پہنچنے میں تاخیر
بزرگوں اور خواتین کو شدید دشواری
بارشوں میں راستہ ناقابلِ استعمال
جیسے مسائل کا سامنا ہے۔
ہم پُرامید ہیں کہ وزیراعلیٰ پنجاب محترمہ مریم نواز شریف صاحبہ اپنے ترقیاتی ویژن کے تحت اور
معزز ایم پی اے ملک غضنفر صاحب کی سرپرستی میں
ہمارے گاؤں یارو والا ڈگر کوٹلی شمالی کو پختہ و جدید میٹل لنک روڈ کی سہولت فراہم فرمائیں گے، تاکہ عوام کو تعلیم، صحت اور آمد و رفت میں آسانی میسر آ سکے۔
آخر میں ہم ایک بار پھر جناب اکرام صادق سیال کی عوامی خدمات کو خراجِ تحسین پیش کرتے ہیں، جن کی کوششوں سے پہلے بھی ہمارے گاؤں میں تعلیمی سہولت میسر آئی، اور امید ہے کہ وہ مستقبل میں بھی عوام کی آواز بنتے رہیں گے۔
والسلام
اہلِ علاقہ
یارو والا ڈگر کوٹلی شمالی
تحصیل منکیرہ، ضلع بھکر
Humble CC to
Maryam Nawaz Sharif
Malik Ghazanfar Abbas Chheena-MPA
Ikram Sadiq Sial
