Shaban BukhaRii

سورج ، فلک ، زمین ، ستارے حسین کے
عرشی بھی دیکھتے ہیں نظارے حسین کے

شعبان بخاری 🍂❣️

دِین و دنیا سے ماورا تھا کبھی !
تُو ہی کیا ، میں بھی دوسرا تھا کبھی

عشق مذہب ، خُدا محبت ہے !
کچھ کتابوں میں پڑھ لیا تھا کبھی

جس کے ٹوٹے ہوئے ہیں دروازے
یہ مکاں اک شریف کا تھا کبھی

اشک تو آنکھ کا مقدّر ہیں !
یہ بھی سچ ہے کہ میں ہنسا تھا کبھی

مل گیا تو اُسی سے پوچھوں گا
تُو کسی سے جُدا ہوا تھا کبھی ؟

سیدھے منہ بات تک نہیں کرتا
جو اِسی بات پر خفا تھا کبھی

میں نے دل میں بسا لیا اس کو
گھر خُدا کا بھی بت کدہ تھا کبھی

اب تو لہجہ بدل گیا شعبان
نام لے کر پکارتا تھا ۔۔۔۔۔۔ کبھی !

شعبان بخاری

Inshallah

آج شب !

تجھ سے جتنا قریب ہو کوئی
خود سے اتنا ہی دُور ہو جائے

شعبان بخاری !

ایک آئنیہ سامنے رکھ لو
دیکھنا ہو اگر تماشا ہی

شعبان بخاری

اس طرح دل میں کوئی جلوہ نشیں ہوتا ہے
جیسے آئینے میں اک عکسِ حسیں ہوتا ہے

ہم کو انجامِ محبت سے ڈرانے والو !
فکرِ انجام محبت میں کہیں ہوتا ہے ؟

اب ترے عشق میں حالت ہے یہ میرے دل کی
تیری قربت کا بھی احساس نہیں ہوتا ہے

رفعتِ بامِ ثریا پہ پہچنے والو !!
آخرش ! آدمی پیوندِ زمیں ہوتا ہے !

عمر کے ساتھ نہیں عشق و محبت مشروط
عشق جس عمر میں ہوتا ہے حسیں ہوتا ہے

عشق اس سجدے کا قائل ہی نہیں ہے شعبان
ایسا سجدہ کہ جو مرہونِ جبیں ہوتا ہے

شعبان بخاری! 🍂❣️

دردِ الفت کے لیے دل نہیں ڈھونڈے جاتے
یہ تو قدرت کا اشارہ ہے جدھر ہو جائے

شعبان بخاری 🍁❣️

For sale !
Rs80