19/02/2026
دی اسلامک سکول بیگووالہ میں رمضان المبارک کی آمد کے حوالے سے ایک پروقار تقریب کا انعقاد کیا گیا، جس کا مقصد طلبہ اور اساتذہ کے دلوں میں اس مقدس مہینے کی اہمیت کو اجاگر کرنا تھا۔
اس موقع پر پرنسپل جناب محمد فاضل منیر صاحب نے خصوصی گفتگو فرمائی۔ انہوں نے رمضان المبارک کے فضائل پر روشنی ڈالتے ہوئے نصیحت کی کہ یہ مہینہ صرف روزے رکھنے کا نام نہیں بلکہ اپنی اصلاح، تقویٰ کی مشق اور دوسروں کی مدد کرنے کا بہترین وقت ہے۔ انہوں نے اس بات پر زور دیا کہ ہم سب کو ابھی سے اس بابرکت مہینے کا بھرپور فائدہ اٹھانے کے لیے ذہنی اور عملی طور پر تیار ہو جانا چاہیے۔
اللہ تعالیٰ ہم سب کو اس رمضان کی حقیقی برکتوں سے فیضیاب ہونے کی توفیق عطا فرمائے۔ آمین!
