19/08/2026
سر سید انسٹیٹیوٹ آف لرننگ اینڈ موٹیویشن بٹگرام میں تھیلیسیمیا آگاہی اور بلڈ گروپنگ سیشن کا انعقاد
سادات سٹوڈنٹ آرگنائزیشن کی جانب سے تھیلیسیمیا اور بلڈ گروپنگ کے حوالے سے ایک ہفتہ خصوصی طور پر منایا جا رہا ہے، جس کے تحت مختلف تعلیمی اداروں میں آگاہی مہم جاری ہے۔
اسی سلسلے کے تیسرے روز سر سید انسٹیٹیوٹ آف لرننگ اینڈ موٹیویشن بٹگرام میں بلڈ کیمپ اور آگاہی سیشن کا انعقاد کیا گیا۔
اس موقع پر طلبہ کے بلڈ گروپس کی جانچ کی گئی، بلڈ کیمپ کا انعقاد کیا گیا اور تھیلیسیمیا کے حوالے سے تفصیلی آگاہی فراہم کی گئی۔ طلبہ کو خون کے عطیے کی اہمیت، تھیلیسیمیا کی وجوہات اور اس سے بچاؤ کے مؤثر طریقوں سے بھی آگاہ کیا گیا۔
سادات سٹوڈنٹ آرگنائزیشن کے نمائندوں کے مطابق یہ آگاہی مہم ایک ہفتے تک جاری رہے گی، جس کے دوران مختلف اسکولوں کا دورہ کرکے طلبہ میں شعور اجاگر کیا جائے گا۔
