05/07/2026
بنو کے عوام کے نام اہم پیغام
بنو میں بجلی کا سنگین بحران ہر شہری کے لیے باعثِ تشویش ہے۔ افسوس کی بات ہے کہ اس مسئلے کو سیاسی رنگ دے کر عوام کو تقسیم کیا جا رہا ہے، جبکہ اصل ضرورت اس مسئلے کا منصفانہ، شفاف اور مستقل حل تلاش کرنے کی ہے۔
اگر کہیں بجلی چوری یا لائن لاسز کے مسائل موجود ہیں تو ان کے ذمہ داروں کے خلاف قانون کے مطابق کارروائی ہونی چاہیے، نہ کہ پورے شہر اور دیہی علاقوں کے عوام کو مسلسل لوڈشیڈنگ، ذلت اور مشکلات کا سامنا کرنا پڑے۔
ہم بنوں کی تمام سیاسی جماعتوں، منتخب نمائندوں، سماجی رہنماؤں اور بااثر شخصیات سے پُرخلوص اپیل کرتے ہیں کہ وہ اپنے سیاسی اختلافات کو ایک طرف رکھ کر اس عوامی مسئلے پر متحد ہوں اور متعلقہ اداروں سے مؤثر انداز میں بات کریں تاکہ بنوں کے عوام کو اس شدید پریشانی سے نجات مل سکے۔
ہم خصوصی طور پر ملک راحت خان صاحب سے بھی گزارش کرتے ہیں کہ وہ حوصلہ نہ ہاریں اور بنوں کے عوام کے حقوق کے لیے اپنی کوششیں جاری رکھیں۔ بنوں کے عوام ان کی خدمات کو قدر کی نگاہ سے دیکھتے ہیں اور امید رکھتے ہیں کہ وہ پہلے کی طرح عوام کی آواز بنتے رہیں گے۔
بجلی کا مسئلہ کسی ایک جماعت، قبیلے یا طبقے کا نہیں بلکہ پورے بنوں کے عوام کا مسئلہ ہے۔ آئیے، ہم سب مل کر اپنے شہر اور اپنے لوگوں کے حق کے لیے متحد ہوں اور اس مسئلے کے مستقل حل کے لیے مشترکہ جدوجہد کریں۔
منجانب:
اقلیتی مشران کمیٹی، بنوں
