Pashtoon Educational Council Islamia University of Bahawalpur PEC IUB

پشتون ایجوکیشنل کونسل، IUB کے چیئرمین شبیر محسود اور جنرل سیکرٹری شہانزیب وزیر کی طرف سے تمام پشتون بھائیوں اور اہل اسلام کو عید الاضحٰی مبارک۔
اس عیدِ قربان کے بابرکت موقع پر، جہاں ایک طرف عید کی خوشیاں ہیں، وہیں ہمارا دل پشتون سرزمین پر جاری بدامنی اور اپنے بھائیوں کے قتلِ عام پر خون کے آنسو رو رہا ہے۔ آج ہماری خوشیاں اپنوں کے بچھڑنے کے غم میں بدل چکی ہیں۔
ہم اس پاک دن کے رب العزت سے دعا کرتے ہیں کہ:
یا اللہ! ہماری پشتون سرزمین پر جاری اس بدامنی اور قتلِ عام کا ہمیشہ کے لیے خاتمہ فرما دے۔ ہماری مٹی کو امن و امان کا گہوارہ بنا، اور یہاں ایک بار پھر امن، محبت اور سکون کی فضا قائم کر دے۔ آمین۔

Proud for PEC! ✨
​Huge congratulations to Asmat Orakzai on being appointed as the Vice President of the Data Science Students Club, IUB!
​This achievement is a testament to your hard work, leadership, and brilliant mind. The PEC family is rooted for your success and we can’t wait to see you lead with excellence.
​Keep soaring high, Asmat! Way to go! 👏👏

ملتان سے موصولہ اطلاعات کے مطابق، بہاؤالدین زکریا یونیورسٹی میں جمعیت کے مسلح عناصر کی جانب سے پرامن اور نہتے پشتون طلباء کو نشانہ بنانے کے لیے دوبارہ منظم ہونے کی کوشش کی جا رہی ہے۔ اطلاعات ہیں کہ مختلف شہروں سے مسلح افراد کو یونیورسٹی کیمپس میں جمع کیا جا رہا ہے جو طلباء کے لیے شدید خطرہ ہیں۔
یہ امر انتہائی تشویشناک ہے کہ چند روز قبل ایک ثقافتی پروگرام کے دوران بھی پشتون طلباء پر حملہ کیا گیا، جس پر مقدمہ درج ہونے کے باوجود انتظامیہ اور پولیس کی جانب سے کوئی مؤثر کارروائی نہیں کی گئی۔ قانون نافذ کرنے والے اداروں کی یہ خاموشی اور عدم توجہی اس صورتحال کو مزید بگاڑ رہی ہے۔

اس نازک وقت میں، پشتون ایجوکیشنل کونسل (PEC) بہاولپور کے چیئرمین شبیر محسود اور پوری کونسل، بی زیڈ یو ملتان کے پشتون طلباء کے ساتھ مکمل یکجہتی کا اظہار کرتی ہے۔ ہم اپنے ساتھیوں کو یقین دلاتے ہیں کہ پشتون ایجوکیشنل کونسل ہر قدم پر آپ کے ساتھ کھڑی ہے۔
مطالبہ:
ہم اربابِ اختیار، کمشنر ملتان اور یونیورسٹی انتظامیہ سے فوری مطالبہ کرتے ہیں کہ:
یونیورسٹی کیمپس میں اسلحہ بردار عناصر کے داخلے کو فوری طور پر روکا جائے۔
یونیورسٹی کو میدانِ جنگ بننے سے بچایا جائے اور طلباء کی جان و مال کا تحفظ یقینی بنایا جائے۔
جو عناصر پہلے سے پشتون طلباء پر تشدد میں ملوث ہیں، ان کے خلاف بلا امتیاز سخت قانونی کارروائی کی جائے۔
اگر کسی بھی طالب علم کو نقصان پہنچا تو اس کی تمام تر ذمہ داری مقامی انتظامیہ اور یونیورسٹی کے سیکیورٹی اداروں پر عائد ہوگی۔

پشتون ایجوکیشنل کونسل، بہاولپور، بہاؤالدین زکریا یونیورسٹی (BZU) ملتان میں جمعیت کے مسلح غنڈوں کی جانب سے نہتے اور پرامن پشتون طلباء پر ہونے والے وحشیانہ تشدد اور فائرنگ کی شدید الفاظ میں مذمت کرتی ہے۔
یہ انتہائی تشویشناک اور افسوسناک امر ہے کہ علم کے گہواروں کو باقاعدہ منصوبہ بندی کے تحت میدانِ جنگ میں تبدیل کیا جا رہا ہے۔ مسلسل کئی روز سے پشتون طلباء کو نشانہ بنانا اور آج دس سے بارہ مسلح افراد کا نہتے طلباء پر سیدھی فائرنگ کرنا جس کے نتیجے میں متعدد طلباء شدید زخمی ہوئے، کھلی دہشت گردی ہے۔ یہ واقعات کیمپس کے اندر موجود غنڈہ عناصر کی کھلی چھوٹ اور یونیورسٹی انتظامیہ کی مکمل ناکامی کا منہ بولتا ثبوت ہیں۔

پشتون ایجوکیشنل کونسل بہاولپور اس مشکل گھڑی میں پشتون سٹوڈنٹس کونسل بی زیڈ یو ملتان کے تمام طلباء کے ساتھ شانہ بشانہ کھڑی ہے اور انہیں ہر ممکن اخلاقی حمایت کی یقین دہانی کراتی ہے۔ ہم اربابِ اختیار پر واضح کر دینا چاہتے ہیں کہ طلباء کے خون اور ان کے مستقبل کے ساتھ مزید کھلواڑ کسی صورت برداشت نہیں کیا جائے گا.
منجانب: پشتون ایجوکیشنل کونسل، بہاولپور



Pashtoon Students Council BZU Multan

پشتون ایجوکیشنل کونسل، اسلامیہ یونیورسٹی بہاولپور کی سالانہ ویلکم اور فیئر ویل تقریب 10 مئی 2026 کو وکٹوریہ گرینڈ مارکی میں نہایت شاندار اور کامیابی کے ساتھ منعقد ہوئی۔

تقریب میں پشتون ایجوکیشنل کونسل کے چیئرمین Shabir Mehsud نے معزز مہمانوں اور طلبہ کو خوش آمدید کہا۔ اپنے خطاب میں انہوں نے پشتون ایجوکیشنل کونسل کے اغراض و مقاصد اور موقف کو واضح کرتے ہوئے کہا کہ کونسل ہمیشہ کی طرح پشتون طلبہ کی تعلیمی رہنمائی، فلاح و بہبود اور حقوق کے تحفظ کے لیے اپنا کردار ادا کرتی رہے گی۔

انہوں نے اس عزم کا بھی اظہار کیا کہ مستقبل میں بھی پشتون ایجوکیشنل کونسل طلبہ کے بہتر تعلیمی ماحول، ترقی اور کامیابی کے لیے ہر ممکن کوشش جاری رکھے گی۔

چیئرمین شبیر محسود کی اعلیٰ قیادت، بہترین صلاحیتوں اور مخلصانہ سربراہی میں پشتون ایجوکیشنل کونسل نے اپنے آغاز سے لے کر آج تک نمایاں کامیابیاں حاصل کی ہیں۔ انہوں نے اپنی قائدانہ صلاحیتوں کو بروئے کار لاتے ہوئے ہر مرحلے پر کونسل کو مضبوط بنایا۔ ابتدائی دور میں سپورٹ گالا جیسے کامیاب پروگرامز کا انعقاد کیا گیا، جبکہ طلبہ کی ریزرو نشستوں کے مسئلے پر بھی مؤثر انداز میں کام کیا گیا، جس سے پشتون ایجوکیشنل کونسل کو ایک نئی طاقت اور پہچان ملی۔

شبیر محسود نے ہمیشہ پشتون طلبہ کے حقوق، اتحاد اور بہتر مستقبل کے لیے مخلصانہ کردار ادا کیا ہے، اور امید ہے کہ آئندہ بھی وہ اسی جذبے اور خلوص کے ساتھ اپنی قوم اور طلبہ کی خدمت جاری رکھیں گے۔

ہم پشتون ایجوکیشنل کونسل کے چیئرمین شبیر محسود کو اس باوقار، منظم اور کامیاب پروگرام کے انعقاد پر دلی مبارکباد پیش کرتے ہیں اور ان کے لیے آئندہ بھی نیک خواہشات کا اظہار کرتے ہیں۔

پشتون ایجوکیشنل کونسل، اسلامیہ یونیورسٹی بہاولپور کی کامیابی کے پیچھے صرف ایک فرد نہیں بلکہ پوری مضبوط اور متحرک کیبنٹ کی انتھک محنت، اتحاد اور بہترین ٹیم ورک شامل ہے۔ کسی بھی ادارے یا تنظیم کا لیڈر اپنی ٹیم کے بغیر کچھ بھی نہیں ہوتا، اور ایک مضبوط ٹیم ہی کامیابی کی اصل بنیاد بنتی ہے۔

پشتون ایجوکیشنل کونسل کی موجودہ کامیابیاں چیئرمین شبیر محسود کی اعلیٰ قیادت، بہترین حکمتِ عملی اور مضبوط کیبنٹ کی مشترکہ کاوشوں کا نتیجہ ہیں۔ کونسل کی کابینہ نے ہر موقع پر ذمہ داری، اخلاص اور نظم و ضبط کا مظاہرہ کرتے ہوئے تنظیم کو ایک نئی پہچان دی۔

ویلکم اور فیئر ویل تقریب جیسے کامیاب پروگرامز کا انعقاد، طلبہ کے مسائل کے حل کے لیے عملی اقدامات، اور پشتون طلبہ کے حقوق کے تحفظ کے لیے مسلسل جدوجہد اس مضبوط ٹیم کی صلاحیتوں کا واضح ثبوت ہے۔

پشتون ایجوکیشنل کونسل کی کابینہ نے ثابت کیا ہے کہ اتحاد، مخلصی اور اجتماعی سوچ کے ذریعے ہر مشکل کو کامیابی میں بدلا جا سکتا ہے۔ یہی مضبوط کیبنٹ اور اعلیٰ قائدانہ صلاحیتیں آج کونسل کو کامیابی کی نئی بلندیوں تک لے جا رہی ہیں۔

ہم پشتون ایجوکیشنل کونسل کی پوری کابینہ کو ان کی محنت، لگن اور کامیاب قیادت پر دل کی گہرائیوں سے مبارکباد پیش کرتے ہیں اور ان کے روشن مستقبل کے لیے نیک تمناؤں کا اظہار کرتے ہیں۔

پشتون ایجوکیشنل کونسل، اسلامیہ یونیورسٹی بہاولپور، کی جانب سے سالانہ ویلکم اور فئیر ویل تقریب کے موقع پر نئے آنے والے طلباء کو اسلامیہ یونیورسٹی بہاولپور میں خوش آمدید کہا گیا۔ کونسل کی طرف سے تمام طلباء کو اپنے خوابوں کی تعبیر پانے، اعلیٰ تعلیم کے حصول، اور پشتون ایجوکیشنل کونسل کا حصہ بننے پر دل کی گہرائیوں سے مبارکباد پیش کی گئی۔

پشتون ایجوکیشنل کونسل نے امید ظاہر کی کہ طلباء اسلامیہ یونیورسٹی بہاولپور میں اپنی مکمل توجہ تعلیم پر مرکوز رکھیں گے، اپنے کردار، صلاحیتوں اور کامیابیوں کے ذریعے ادارے، اپنے خاندان، اور پشتونخوا کا نام روشن کریں گے، اور مثبت و بہترین نمائندگی کا ذریعہ بنیں گے۔

مزید برآں، طلباء کو تلقین کی گئی کہ وہ آئندہ بھی کونسل کے ساتھ جڑے رہیں اور اپنے پسماندہ علاقوں کی ترقی، تعلیم کے فروغ، اور خوشحالی کے لیے مثبت اور مؤثر کردار ادا کریں۔