Institute of Quran & Seerat Studies

برصغیر کی سیرت نگاری کا سب سے روشن نام ✨
مولانا شبلی نعمانیؒ — جنہوں نے سیرت النبی ﷺ لکھ کر اردو سیرتی ادب کو عروج عطا کیا۔
واقعی، وہ امامِ سیرت تھے 📚

عشق مصطفٰی صلی اللہ علیہ وسلم میں ڈوب کر لکھی جانے والی رباعی

مطالعہ سیرت کیوں کریں؟
بسم اللہ الرحمن الرحیم
ایک سوال یہ ہے کہ سیرت طیبہ کا مطالعہ کیوں کریں؟ اِس کا جواب قرآن کی اِس آیت میں دیکھیے، اللہ تبارک وتعالیٰ فرماتے ہیں: قُلْ اِنْ كُنْتُمْ تُحِبُّوْنَ اللّٰهَ فَاتَّبِعُوْنِيْ يُحْبِبْكُمُ اللّٰهُ وَيَغْفِرْ لَكُمْ ذُنُوْبَكُمْ کہ اے محمد صلی اللہ علیہ وسلم! اِن سے کہہ دیجئے کہ اگر تم اللہ کو دوست رکھتے ہو، اللہ سے محبت کرتے ہو تو میری اتباع کرو، میرے طریقے پر چلو، تمھیں اللہ دوست رکھے گا، اللہ تم سے محبت کرے گا اور تمھارے گناہوں کو بخش دے گا، تو آپ صلی اللہ علیہ وسلم کے راستے کی پیروی کرنا، آپ صلی اللہ علیہ وسلم کی اتباع کرنا، یہ اُس صورت میں ممکن ہے، جب آپ صلی اللہ علیہ وسلم کی حیات طیبہ سے آپ آگاہ ہوں۔ آپ صلی اللہ علیہ وسلم کی زندگی سے واقفیت حاصل کریں اور آپ صلی اللہ علیہ وسلم کی زندگی سے واقفیت حاصل کرنے کے لیے ضروری ہے کہ سیرت طیبہ کا مطالعہ کریں، گویا سیرت طیبہ کا مطالعہ یہ ایسے ہے کہ اللہ تبارک وتعالیٰ آپ کے گناہوں کو بخش دیں اور آپ سے محبت کریں۔