19/05/2024
سٹوڈنٹس ویلفیئر آرگنائزیشن کے زیر اہتمام مدرسہ فاطمہ الزھراء للبنات میں ایک تربیتی ورکشاپ کا اہتمام کیا گیا جس کے مہمان خصوصی مذہبی سکالر حافظ نصیر احمد احرار تھے جبکہ صدارت مفتی عبد الرشید نے کی۔پروگرام میں طلباء و طالبات اور عوام علاقہ کی کثیر تعداد نے شرکت کی ۔ مہمان خصوصی نے سیرت طیبہ کی روشنی میں نسل نو کی اخلاقی تربیت اور ان کو معاشرے کا کارآمد شہری بنانے پر سیر حاصل گفتگو کی ۔ان کا کہنا تھا کہ وقت کی ضرورت ہے کہ نوجوان نسل کو اپنے اسلامی کلچر اور روایات سے منسلک کرنے کی کوشش کی جائے ۔ اس موقع پر مفتی عبد الرشید ،پروفیسر امیر حمزہ (لاہور)محمد زرین خان ، مولانا شاہد نسیم انقلابی ، راجہ آمین صادق ، راجہ اقبال اور دیگر نے اپنے خیالات کا اظہار کیا ۔ مقررین نے سٹوڈنٹس ویلفیئر آرگنائزیشن کے کام کو سراہا اور ہر ممکن تعاون کی یقین دھانی کرائی ۔۔
