Government Pilot High School Bagh AJ&K

گورنمنٹ بوائز پائلٹ ہائی سکول باغ میں ہر پیر کی اسمبلی کے دوران طلبہ کی صفائی، نظم و ضبط اور بہترین یونیفارم کے حوالے سے باقاعدہ مقابلہ منعقد کیا جاتا ہے۔
اس ہفتہ مڈل سیکشن کے نمایاں اور ونر طلبہ نے پرنسپل ادارہ محترم سردار عزیز خان صاحب سے انعامات وصول کیے۔ اس موقع پر مڈل سیکشن ہیڈ محترم سردار وسیم رزاق صاحب بھی موجود تھے۔
انعامات کی تقسیم کے بعد ونر طلبہ نے پرنسپل ادارہ کے ساتھ یادگاری گروپ فوٹو بھی بنوایا۔
یہ مثبت سرگرمیاں طلبہ میں صفائی، ڈسپلن اور تعلیمی ماحول کو فروغ دینے میں اہم کردار ادا کر رہی ہیں۔

بھرپور داخلہ جات کے بعد کلاس روم بھر گئے ۔ الحمدللہ

گورنمنٹ پائلٹ ہائی سکول باغ کا ایک اور شاندار اعزاز

گورنمنٹ پوسٹ گریجویٹ کالج باغ کے Ignite Test میں پائلٹ ہائی سکول باغ کے قابل اور محنتی طلبہ نے نمایاں کامیابیاں حاصل کر کے ادارے کا نام روشن کر دیا۔
🎓 رومان اشتیاق
جو کہ ضلع باغ کے ممتاز استادِ محترم جناب اشتیاق اشرف صاحب کے صاحبزادے ہیں، نے 200 سے زائد طلبہ و طالبات میں مجموعی طور پر 13ویں جبکہ طلبہ میں 7ویں پوزیشن حاصل کر کے Full Scholarship اپنے نام کی۔

🏆 اسی طرح علم و ادب گروپ میں پائلٹ ہائی سکول کے ہونہار طالب علم محمد آیان بشارت نے پہلی پوزیشن حاصل کرتے ہوئے Full Scholarship حاصل کی۔
یہ کامیابیاں اس بات کا ثبوت ہیں کہ پائلٹ ہائی سکول باغ نہ صرف تعلیمی میدان بلکہ ہم نصابی سرگرمیوں میں بھی نمایاں مقام رکھتا ہے۔
ہم ان ہونہار طلبہ، ان کے والدین، اساتذہ کرام اور بالخصوص پرنسپل ادارہ کو دل کی گہرائیوں سے مبارکباد پیش کرتے ہیں۔
اللہ تعالیٰ ان بچوں کو مزید کامیابیوں اور ترقیوں سے نوازے۔ آمین "
محنت، لگن اور بہترین رہنمائی کامیابی کی ضمانت ہیں۔"

گورنمنٹ پائلٹ ہائی سکول باغ کے لیے ایک اور قابلِ فخر لمحہ

ہمارے ہونہار طالبِ علم محب ارشد اعوان جو کہ انتہائی محنتی اور فرض شناس استاذ محترم کیاٹ والے ارشد اعوان صاحب کا بیٹا ہے نے گورنمنٹ بوائز پوسٹ گریجویٹ کالج باغ میں منعقدہ IGNITE پروگرام میں تقریباً 200 طلبہ و طالبات کے درمیان نمایاں کامیابی حاصل کرتے ہوئے مجموعی طور پر چوتھی جبکہ طلبہ میں دوسری پوزیشن اپنے نام کی۔
اس شاندار کارکردگی کے نتیجے میں وہ لیپ ٹاپ اور دو سالہ اسکالرشپ کے حقدار بھی ٹھہرے۔
یہ کامیابی نہ صرف محب ارشد بلکہ گورنمنٹ پائلٹ ہائی سکول باغ کے تمام اساتذہ کرام، ادارے کے معزز پرنسپل اور والدین کے لیے بھی باعثِ فخر ہے۔
دل کی گہرائیوں سے محب ارشد اعوان کو مبارکباد!
تمام اساتذہ کرام اور پرنسپل صاحب کو بھی اس عظیم کامیابی پر خراجِ تحسین!
اللہ تعالیٰ ربِّ کریم سے دعا ہے کہ
ربِّ پائلٹین کو ہمیشہ شاد و آباد رکھے، مزید کامیابیاں عطا فرمائے۔ آمین

play group

گورنمنٹ پائلٹ ہائی سکول باغ سے تبدیل ہونے والے ایلیمنٹری مدرسین
ریاض اعوان صاحب اور نیاز بیگ صاحب کی خدمات کو خراج تحسین پیش کرتے ہیں ۔ ہر دو مدرسین نے پائلٹ ہائی سکول باغ کو آگے بڑھانے میں دن رات ایک کیا ۔ ادارہ ان کی خدمات کو تادیر یاد رکھے گا

مورخہ 27فروری 2025 گورنمنٹ پائلٹ ہائی سکول باغ میں سالانہ تقریبِ رزلٹ و تقسیمِ انعامات شاندار انداز میں منعقد ہوئی۔
سالانہ تقریبِ رزلٹ و تقسیمِ انعامات تعلیمی اور ہم نصابی سرگرمیوں میں نمایاں کارکردگی دکھانے والے طلبہ کی حوصلہ افزائی کے لیے ہر سال منعقد کی جاتی ہے۔گورنمنٹ پائلٹ ہائی سکول باغ میں سالانہ تقریبِ رزلٹ تقسیمِ انعامات نہایت جوش و خروش کے ساتھ منعقد کی گئی۔ یہ تقریب اسکول کے خوبصورت آڈیٹوریم ہال میں منعقد ہوئی، جہاں والدین، اساتذہ، معزز مہمانوں اور طلبہ کی بڑی تعداد موجود تھی۔

شاندار تقریب کی صدارات پرنسپل ادارہ جناب شجاع اکبرخان نے کی،جبکہ مہمان خصوصی ممتاز ماہر تعلیم ریٹائرڈ ڈی ای او باغ جناب سید اسناد گیلانی تھے اس کے علاوہ بچوں کے والدین اور معززین علاقہ نے کثیر تعداد میں شرکت کر کے تقریب کو کامیاب بنایا۔
تقریب کا آغاز تلاوتِ قرآنِ پاک سے ہوا، جس کے بعد نعتِ رسول مقبول ﷺ پیش کی گئی۔ اس کے بعد بچوں نے قومی ترانہ پیش کیا۔ تقریب کا سب سے اہم حصہ بچوں کے رنگا رنگ پروگرامات ٹیبلو شو تھےتعلیمی میدان کے سالانہ نتائج میں نمایاں کارکردگی دکھانے والے طلبہ کو انعامات اور میڈلز دیئے گئے۔ شاندار کارکردگی پر اساتذہ کو پرتباک کلماتِ خیر اور خراج تحسین پیش کیا گیا ۔
پروگرام تین حصوں پر مشتمل تھا ،ابتدائی حصہ میں بچوں نے مختلف ایونٹس میں پرفارم کر کے حاضرین کی خوب داد سمیٹی۔ ابتدائی حصہ میں سٹیج سیکرٹری کے فرائض جماعت ہفتم کے دو طلباء محمد سعید اور محمد بلال نےادا کیے۔
تقریب کے دوسرے حصے میں سٹیج سیکرٹری کے فرائض ادارہ کے مدرسین سردار نورزمان خان ، سید حماد گیلانی نے احسن انداز میں سر انجام دیئے۔ اس حصہ میں ادارہ کے مدرس فہیم اکرم نے مہمانوں کو خوش امدید کہا اس کے بعدمہمان خصوصی سید اسناد گیلانی صاحب نے جملہ کامیاب طلباء و طالبات کو مبارکباد اور پرنسپل ادارہ سمیت جملہ مدرسین کو شاندار پروگرام کے انعقاد پر مبارکباد بھی پیش کی اور کیش پرائز سے بھی نوازا۔
معزز مہمان گرامی نے کہا کہ مجھے خوشی ہے کہ ادارہ کے بہترین اور محنتی سٹاف نے اپنی کوششوں سے جس طرح اس تقریب کو چار چاند لگائے ہیں وہ بہتر مستقبل کے لئے کوشاں رہیں گے۔ مہمان گرامی کا کہنا تھا کہ جس طرح ادارہ ہذا کا سٹاف ماہرانہ تربیت اور لگن سے آگے بڑھ رہا ہے ان شاء اللہ اس سے ادارہ دن دگنی رات چگنی ترقی کرے گا.
اس کے بعد سکول کے پرنسپل محترم شجاع اکبرخان نے اپنے صدارتی خطاب میں خواتین وحضرات مہمانانِ گرامی کو خوش آمدید کہا اور طلبہ کی محنت اور کامیابیوں کو سراہا۔ سیکشن ہیڈ پرائمری ومڈل ونگ سردار نوید صادق خواجہ عرفان احمد سردار نورزمان خان ریاض اعوان سردار نیاز بیگ نے گفتگو کرتے ہوئے مہمان گرامی کو خوش آمدید کہا اور ادارہ کی سال بھر کی تعلیمی و ہم نصابی سرگرمیوں کی رپورٹ پیش کی۔پروگرام کے تیسرے اور آخری حصہ میں کنٹرولر امتحانات خالق حنیف صاحب کی کاوشوں کو بھی سراہا گیا جس کے بعد حماد گیلانی صاحب اور عرفان اسلم صاحب نے نتائج کا اعلان کیا۔

تقریب میں مدعو مختلف مہمانانِ گرامی نے اپنے اپنے خطاب میں تعلیم کی اہمیت پر روشنی ڈالی، طلبہ کو مزید محنت کرنے کی ترغیب دی، اپنے اپنے تاثرات پیش کرتے ہوئے ادارہ کی کارکردگی کو سراہا کہ ننھے منے بچوں نے جس طرح خوداعتمادی سے اپنے فن کا مظاہرہ کیا اس سے بخوبی اندازہ ہوتا ہے کہ اساتذہ کرام نے طلبہ پر خوب محنت کی ہے۔

دعا کے ساتھ یہ یادگار تقریب اپنے اختتام کو پہنچی۔دعا ادارہ کے مدرس مفتی ہارون ممتاز صاحب نے کی۔

یہ تقریب طلبہ کے لیے نہ صرف ایک حوصلہ افزا موقع تھی بلکہ ان کے عزم اور خود اعتمادی میں اضافے کا سبب بھی بنی۔ یہ دن تمام حاضرین کے لیے یادگار ثابت ہوا، اور طلبہ کے چہروں پر خوشی اور فخر کے تاثرات نمایاں تھے۔۔

اس پروقار تقریب کی تصویری جھلکیاں۔