Zor Talab Khan Rahi

سائنس نے برسوں سے کوے کی ذہانت پر حیرت کا اظہار کیا ہے، مگر جرمنی کی ٹوبنگن یونیورسٹی کی تازہ تحقیق نے اسے نئی بلندی پر پہنچا دیا، دو کوؤں پر کمپیوٹر گیم کے ذریعے تجربات ہوئے جن میں ایک وقت میں چھ مختلف جیومیٹری کی اشکال (چوکور، مثلث وغیرہ) دکھائی گئیں، ابتدائی آسان ٹیسٹوں کے بعد جب پیچیدگی بڑھائی گئی تو ایک کوا نے 50 فیصد اور دوسرے نے 60 فیصد درست شناخت کر کے سائنس دانوں کو ششدر کر دیا۔

تحقیق سے ثابت ہوا کہ کوے نہ صرف اوزار بناتے اور گنتی کر سکتے ہیں بلکہ باریک زاویوں اور لائنوں تک میں فرق پہچان کر جیومیٹری کے نمونوں کو فوری سمجھ لیتے ہیں،وہ صلاحیت جسے اب تک خالصتاً انسانوں سے منسوب کیا جاتا تھا، دلچسپ بات یہ ہے کہ پرندوں نے یہ ہنر کسی ’’کلاس روم‘‘ میں نہیں سیکھا؛ فطری طور پر اُن کے دماغ اشکال کی ترتیب کو دیکھ کر فوری فیصلہ کر لیتے ہیں کہ کون سی شکل موزوں ہے اور کون سی نہیں۔

تو اگلی بار جب آپ کو کوا دکھائی دے، یاد رکھیے وہ محض “کاں کاں” نہیں کرتا-وہ ریاضی کے گُر بھی جانتا ہے۔۔۔