What are the opening hours?

Monday 07:30 - 16:00 Tuesday 07:30 - 16:00 Wednesday 07:30 - 16:00 Thursday 07:30 - 16:00 Friday 07:30 - 00:45 Saturday 07:30 - 16:00

Government Graduate College Abdul Hakim, Near Bypass, Abdul Hakim (2026)

26/05/2026

مورخہ 25 مئی 2026ء کو وزیراعلیٰ پنجاب محترمہ مریم نواز شریف کے انیشیٹو “ہونہار سکالرشپ پروگرام” کے تحت گورنمنٹ گریجویٹ کالج عبدالحکیم میں ہونہار سکالرشپ فیز 1 کے منتخب طلبا و طالبات کو فیس کی تیسری جبکہ فیز 2 کے طلبا و طالبات کو فیس کی دوسری قسط کے چیکس تقسیم کرنے کی تقریب منعقد ہوئی۔ تقریب کی صدارت پرنسپل ادارہ پروفیسر غضنفر علی محبوب نے کی۔
واضح رہے کہ اس وقت ادارہ کے 40 طلبا و طالبات ہونہار سکالرشپ پروگرام سے مستفید ہو رہے ہیں، جن کے تمام تعلیمی اخراجات (کالج/یونیورسٹی فیس) مرحلہ وار چیکس کی صورت میں ری فنڈ کیے جا رہے ہیں۔
اسی طرح ادارہ کے 16 طلبا و طالبات وزیراعلیٰ پنجاب لیپ ٹاپ سکیم کے لیے منتخب ہو چکے ہیں، جن میں سے 8 طلبا کو پہلے مرحلے میں لیپ ٹاپ فراہم کیے جا چکے ہیں۔
مزید برآں، ادارہ کی مسلسل کاوشوں کے نتیجہ میں سال 2026ء کے دوران 30 طلبا و طالبات کو “مورا سکالرشپ” سے نوازا گیا، جبکہ اس سے قبل سال 2025ء میں 34 اور سال 2023ء میں 16 طلبا و طالبات اس سکالرشپ سے مستفید ہو چکے ہیں۔ اس کے علاوہ میرٹ بیسڈ سکالرشپس، پیف سکالرشپ، اقلیتی طلبا کے سکالرشپس اور دیگر متعدد مالی معاونت پروگراموں کے ذریعے بھی طلبا و طالبات کو تعلیمی سہولیات فراہم کی جا رہی ہیں۔
گزشتہ سال 2025ء میں محکمہ ہائر ایجوکیشن کی خصوصی دلچسپی اور تعاون کے باعث ادارہ میں ان تمام مضامین کے اساتذہ کی بروقت فراہمی ممکن بنائی گئی جن میں تدریسی کمی یا اساتذہ کی عدم دستیابی کا مسئلہ درپیش تھا۔ اس اقدام سے انٹرمیڈیٹ اور بی ایس کلاسز کے نصاب کی بروقت تکمیل اور طلبا کی تعلیمی کارکردگی کا مؤثر انداز میں جائزہ لینا ممکن ہوا۔
اسی سلسلہ میں محکمہ ہائر ایجوکیشن کے خصوصی انیشیٹو کے تحت ادارہ میں اکیڈمک ونگ کے قیام سے طلبا کی تعلیمی کارکردگی کو منظم اور معیاری انداز میں جانچنے کی روایت کو فروغ ملا، جس کے تحت اکتوبر ٹیسٹ، دسمبر ٹیسٹ اور پری بورڈ امتحانات کا انعقاد کیا گیا۔ ادارہ کو توقع ہے کہ ان اقدامات کے نتیجہ میں طلبا کے تعلیمی نتائج مزید حوصلہ افزا ہوں گے۔
امسال بھی محکمہ ہائر ایجوکیشن کی خصوصی ہدایات اور سربراہ ادارہ کی کاوشوں کے نتیجہ میں میٹرک امتحانات سے فارغ ہونے والے طلبا کے لیے “پری فرسٹ ائیر کیمپ” کا انعقاد کیا گیا ہے تاکہ نئے طلبا کو تعلیمی ماحول سے ہم آہنگ کرنے اور ان کی بہتر رہنمائی کو یقینی بنایا جا سکے۔
اہلیانِ علاقہ کو اپنے بچوں کے روشن مستقبل، معیاری تعلیم اور کم خرچ تعلیمی سہولیات سے استفادہ حاصل کرنے کے لیے کالج اوقات میں ادارہ کا وزٹ کرنے کی بھرپور دعوت دی جاتی ہے۔

10/05/2026

آج مورخہ 05 مئی 2026 کو باقاعدہ طور پہ سیشن 25-2021 کے طلبا و طالبات کو اس پروقار اور شایان شان تقریب کے ذریعے فئیر ویل کہنے جارہے ہیں۔ ہماری یہ تقریب فئیرویل کے ساتھ ساتھ ان کے مستقبل کیلئے The Best Wishes Ceremony بھی ہے۔ اس سیشن کے طلبہ نے BS کے پائینئر بیج کے طور پہ جوائین کیا اور تقریباً ساڑھے چار سال میں اک مثالی لیگیسی قائم کی۔
بی ایس پروگرام کے باقاعدہ طور آغاز کا سہرا استاذ محترم پرنسپل پروفیسر محمد جہانگیر طورو صاحب کے سر جاتا ہے ، اگرچہ اس کی ضرورت اور اہمیت کا ادراک پرنسپل پروفیسر طاہر اقبال صاحب کے دور سے ہی ہو چکا تھا۔ اس سے قبل ضلع خانیوال میں بی ایس پروگرامز کا اجرا صرف ضلعی ہیڈ کوارٹر گورنمنٹ سول لائنز کالج خانیوال کی سطح پہ ہو رہا تھا۔ پہلے سیشن میں داخلہ کیلئے بھرپور داخلہ مہم چلائی گئی اور لائیبریری کتب کی خرید کیلئے ہر ٹیچر نے اپنی جیب سے 10,000 ہزار کا کنٹری بیوشن شامل کیا، علاقے کے مختلف شہروں اور قصبوں کا دورہ کیا، اور الحمدللہ شاندار رسپانس ملا۔ اور آج اسی کے پیش نظر ادارہ سے نہ صرف عبدالحکیم بلکہ گرد و نواح قتالپور، کنڈ سرگانہ، سراۓ سدھو، 12 میل، ، تلمبہ، درکھانہ، اروتی، 14 گل آباد، رحمان گڑھ اور دیگر علاقوں کے طلبہ و طالبات فارغ التحصیل ہو رہے ہیں۔ یقیناً اس مکمل عرصہ میں چار میں طلبہ نے مالی اور سفری مشکلات کا سامنا کیا ہوگا، اور آج ان کی محنت رنگ لانے کا وقت آ چکا ہے۔ یہ کامیابی ان کی لگن، صبر اور مستقل مزاجی کا ثمر ہے۔ لیکن محترم جناب پرنسپل صاحب پروفیسر غضنفر علی صاحب، انکی اکیڈمک ٹیم اور ادارہ سے وابستہ سول سوسائٹی کے تمام دوست قابل ستائش ہیں کہ جن کی بدولت ادارہ نے طلبہ کے لیے ریکارڈ اسکالرشپس حاصل کیں، جن میں
1. 40 طلبا و طالبات نے ہونہار اسکالرشپس حاصل کیں۔
2. 16 طلبا و طالبات سی ایم پنجاب لیپ ٹاپ سکیم میں منتخب ہوۓ جن میں سے 8 کو لیپ ٹاپ محترم سی ایم پنجاب مریم نواز صاحبہ کی طرف سے عطا کیے جاچکے ہیں۔
3. میرٹ بیسڈ اسکالرشپس کیلئے 3 طلبا 2025 میں منتخب ہوۓ۔
4. مورہ اسکالرشپس میں 2024 میں 16، 2025 میں 34 اور اب 2026 میں 48 طلبا طالبات منتخب ہوۓ ہیں۔
5. ادارہ نے خصوصی کاوشوں سے اقلیتی طلبہ کیلئے بھی اداروں سے سکالرشپس کا اجرا کرایاہے.

بی ایس پروگرام کے اجرا کے ساتھ اسے کامیابی سے لے کر چلنا اک چیلنج سے کم نہ تھا کیونکہ اس سے قبل یونیورسٹی کے ساتھ اینول سسٹم اور عرصہ دراز سے چلتے اک ہی سلیبس کی سہولت کے سبب کام کرنا کافی سہل تھا۔ تاہم ادارہ کے ہیڈز آف ڈیپارٹمنٹس پروفیسر مظہر حسین، پروفیسر ظفر اقبال، پروفیسر محمد شعیب اور کوارڈینٹرز پروفیسر اسامہ افضل، پروفیسر محمد مبشر اقبال, کنٹرولر امتحانات پروفیسر محمد ناصر, پروفیسر سید شریف الرحمان، پروفیسر نذر عباس، پروفیسر جاوید اقبال, پروفیسر نوید شکور، پروفیسر نوید احمد خان، پروفیسر عدیل فاروق اور پروفیسر فدا حسین کی ٹیم نے باہمی کوارڈینیشن سے اس ٹاسک کا حصول ممکن کیا۔ یہاں پروفیسر اسامہ افضل صاحب کا کردار انتہائی قابل ستائش کہ وہ اس ادارہ سے ٹرانسفر ہونے کے باوجود بھی ادارہ کے یونیورسٹی کے ساتھ جتنے بھی اشوز ہیں انکو بخوبی حل کرانے میں سرگرداں نظر آتے ہیں۔
اس سیشن کے طلبا میں ثنااللہ، زین، قفقاز، شاہ ویز، اللہ دتہ، مدثر، فہد ناصر یہ ایسے طلبا ہیں جو ہمہ وقت ہمارے بازو بنے رہے اور تعلیمی سفر میں جہاں جس مقام پہ ادارہ کو ضرورت ہوئی یہ طلبا پیش پیش نظر آۓ۔ ثنااللہ کالج بی ایس کیلئے اک انتہائی بیش قیمت اثاثہ رہا ہمارے ساتھ بی ایس کے بہت سے امور کو سلجھاتا اور بہتر بناتا رہا۔
اسی طرح شاہ ویز انتہائی لائق بچہ ہے اور مورا سکالرشپ کے حوالہ سے اس کی خدمات قابل تحسین ہیں۔
اس شاندار پروگرام کے انعقاد میں سیشن 26-2022 اور جونئیر بیجز کے طلبا و طالبات نے جس قدر جوش اور جذبہ سے حصہ لیا اور اس تقریب کو کامیاب بنایا انکا ذکر نہ کرنا ناانصافی ہو گی۔ بالخصوص وقاص حیات، مبشر یونس، عبدالمصطفیٰ، ارسلان، نئیر عباس اور انکے ساتھ دیگر طلبا کی محنت نے تقریب کو اپنے سینئرز کے شایان شان بنا دیا ہے۔
اس کے علاوہ طالبات میں سے بھی بچیوں نے مثالی کامیابیاں سمیٹی اور ادارہ کے ڈسپلن کو برقرار رکھنے میں معاون رہیں۔
اس ادارہ نے اپنے وسائل سے بڑھ کر اپنی مدد آپ کے تحت بی ایس پروگرام کیلئے ڈیپارٹمنٹ کی طرف سے جاری کیے گئے NOC کے تحت علاقہ بھر کی خدمت کری ہے لیکن اس وقت ادارہ کو علاقائی اور حکومتی سرپرستی کی اشد ضرورت ہے۔ ادارہ میں موجود انفرا سٹرکچر بی ایس کلاسز کیلئے ناکافی ہے اور ادارہ کو اک بی ایس بلاک اور لائبریری ہال کی ضرورت ہے۔
اس کے علاوہ ادارہ میں دور دراز سے آنے والے طلبا و طالبات پٹرول کی بڑھتی قیمتوں کے پیش نظر مالی اور سفری مشکلات کا شکار ہیں۔ کالج کیلئے Electric Buses علاقہ بھر کے طلبا و طالبات کیلئے حکومت پنجاب کی طرف سے تحفہ سے کم نہ ہو گا۔

والسلام علیکم ورحمۃ اللہ وبرکاتہ

-25

09/03/2026

Students Attention Plz
جیسا کہ حکومتی ہدایات کے مطابق پنجاب بھر میں تمام اسکولوں، کالجوں اور یونیورسٹیوں کو 31 مارچ تک آن لائن کلاسز پر منتقل کرنے کی ہدایات موصول ہو چکی ہیں۔
لہٰذا تمام طلبہ و طالبات کو مطلع کیا جاتا ہے کہ وہ کالج کے آفیشل واٹس ایپ گروپس سے منسلک رہیں اور وہاں دی جانے والی ہدایات پر عمل کریں تاکہ ان کی تعلیم کو باقاعدگی کے ساتھ جاری رکھنے کے لیے ایک جامع منصوبہ ترتیب دیا جا سکے۔

05/02/2026

بسلسلہ انٹرمیڈیٹ ایڈمشن کمپین گورنمنٹ گریجویٹ کالج عبدالحکیم کے فیکلٹی ممبران نے گورنمنٹ ہائی سکول عبدالحکیم کا مورخہ 04 فروری بروز بدھ وزٹ کیا۔ اس موقع پر جماعت دہم کے طلبہ کو ادارے میں فراہم کی جانے والی معیاری اور کم خرچ تعلیم، نصابی و ہم نصابی سہولیات، ہائر ایجوکیشن ڈیپارٹمنٹ کے تحت دستیاب سکالرشپس، لیپ ٹاپ سکیم، اعلیٰ تعلیم یافتہ فیکلٹی اور شفاف ٹیسٹ و ایویلوایشن سسٹم کے بارے میں آگاہ کیا گیا۔
اس کے ساتھ ساتھ طلبہ کو میٹرک امتحانات کے فوری بعد منعقد ہونے والے سمر کیمپ میں شرکت کی ترغیب دی گئی، جس میں بغیر کسی فیس اور یونیفارم کی پابندی کے شرکت ممکن ہوگی۔
گورنمنٹ ہائی سکول عبدالحکیم کے پرنسپل جناب یونس کمال صاحب اور سینئر ٹیچر جناب چوہدری محمد الیاس صاحب کے تعاون سے یہ وزٹ مؤثر اور بامقصد رہا

Address

Near Bypass
Abdul Hakim
58180

Opening Hours

Monday	07:30 - 16:00
Tuesday	07:30 - 16:00
Wednesday	07:30 - 16:00
Thursday	07:30 - 16:00
Friday	07:30 - 00:45
Saturday	07:30 - 16:00

Telephone

+923336235962

Website

https://ggcabdulhakim.edu.pk/

Alerts

Be the first to know and let us send you an email when Government Graduate College Abdul Hakim posts news and promotions. Your email address will not be used for any other purpose, and you can unsubscribe at any time.

Contact The School

Send a message to Government Graduate College Abdul Hakim:

Government Graduate College Abdul Hakim