online islamic education

قلم برداشتہ
وہ بھی ایک عجیب دن تھا لاہور سبزی منڈی کے قریب ریلوے ٹریک پر پیدل چلتے ہوئے میں اس سوچ میں گم سم تھا کہ وہ ریل گاڑی جس کی بھاری بھرکم مضبوط آواز نہ چاہتے ہوئے بھی آدمی کو دور ہی سے اپنی طرف متوجہ کرلیتی ہے بشرطیکہ اس کی قوت سماعت میں کوئی غیر معمولی نقصان واقع نہ ہواہو آخر ایک جیتا جاگتا حساس اور عقلمند حضرت انسان دن دیہاڑے اس کے بےحس پہیوں تلے کیسے پامال ہوجاتا ہے اتنے میں ایک متوسط سائز کا پتھر میرے دونوں پیروں کے درمیان آلگا لیکن اس وقت مجھے یہ تردد ہوا کہ شائد اس پتھر کو میں اپنے پاوں سے نادانستگی میں ٹھوکر مارگیا اس لئے میں چوکنا نہ ہوسکا اور چلتا بنا لیکن دراصل یہ میری خام خیالی تھی جس کا پتہ مجھے تب چلا جب ایک اور پتھر جوکہ سائز میں اس سے دوگنا تھا میری طرف پھینکا گیا اب جب میں نے اپنے دائیں جانب دیکھا تو قریب ہی سے ایک شخص میرے پس منظر میں کسی چیز کی طرف اشارہ کرتے ہوئے مجھے کرخت ا نداز میں متنبہ کررہا تھا اچانک میں نے دیکھا تو وہ ریل گاڑی تھی جو تقریبا میرے سر پر آپہنچی تھی اور اگر میں پھرتی سے چھلانگ نہ لگاتا تو ذرا سی تاخیر کی صورت میں اس نے مجھے موت کی نیند سلانا تھا اس واقعے میں میرے لئے جو سبق پوشیدہ تھا وہ مجھے کچھ ایسا ابر ہوگیا کہ اب ان شاء اللہ زندگی بھر نہیں بھولوںگا لیکن آپ کیا سمجھے یہ ذرا بتا دیجئے

انامعلم القرآن والحدیث

online islamic education education