GPS Palarwai Dalola

31/08/2026

22/08/2026

گورنمنٹ ماڈل پرائمری انگلش میڈیم سکول پلڑوائی دلولہ میں جشنِ آزادی کے موقع پر بہت کم وقت میں تیار کیے گئے ہمارے ہونہار طالب علم حسنین وحید اب آپ کے سامنے اپنے وطن سے محبت، قیامِ پاکستان سے قبل کے حالات اور پاکستان کے قیام کے بعد کی ذمہ داریوں کے حوالے سے اپنے خیالات کا اظہار کریں گے۔

آئیے! ننھے مقرر حسنین وحید کو بھرپور تالیوں کے ساتھ دعوتِ خطاب دیتے ہیں۔

15/08/2026

گزشتہ روز گورنمنٹ ماڈل پرائمری انگلش میڈیم سکول پلڑوائی دلولہ میں جشنِ آزادی کے سلسلے میں ایک پروقار تقریب منعقد ہوئی۔ اس موقع پر ننھے طلبہ نے پاک فوج کی وردیوں میں ملبوس ہو کر جذبۂ حب الوطنی سے بھرپور ٹیبلو پیش کیا اور دشمن کو یہ واضح پیغام دیا کہ پاکستان کی طرف میلی آنکھ سے دیکھنے والے کو ہماری قوم اور بہادر افواج کا عزم ہمیشہ یاد رہے گا۔ وطن کی حفاظت اور سالمیت کے لیے ہم سب متحد ہیں۔ 🇵🇰

14/08/2026

شجرکاری: صحت، معیشت اور پاکستان کے روشن مستقبل کی ضمانت

گورنمنٹ ماڈل پرائمری انگلش میڈیم سکول پلڑوائی دلولہ میں شجرکاری مہم کے تحت پودے لگائے گئے۔ اس موقع پر دلولہ کی سماجی شخصیت محمد مبارک عباسی، رینج آفیسر گڑھی حبیب اللہ انیس الرحمن صاحب، وقار صاحب، ذیشان صاحب، خلافت عباسی، ذاکر الرحمن اور ادارہ ہٰذا کے ملک اشتیاق حسین عباسی نے شرکت کی۔

اس موقع پر شرکاء نے پودے لگانے کی اہمیت پر زور دیتے ہوئے کہا کہ درخت ہماری صحت، صاف ماحول، معیشت اور ملکی خوشحالی کے لیے انتہائی اہم ہیں۔ درخت ہمیں آکسیجن فراہم کرنے کے ساتھ ساتھ موسمیاتی تبدیلیوں کے اثرات کم کرنے اور ہماری آنے والی نسلوں کے مستقبل کو محفوظ بنانے میں بھی اہم کردار ادا کرتے ہیں۔

شرکاء نے پوری قوم سے اپیل کی کہ ہر شخص اپنے حصے کا کم از کم ایک پودا ضرور لگائے، اس کی حفاظت کرے اور دوسروں کو بھی شجرکاری کی ترغیب دے۔ آج کا لگایا ہوا ایک پودا آنے والی نسلوں کے لیے ایک قیمتی تحفہ ہے۔

آئیں! پودے لگائیں، درخت بچائیں اور پاکستان کو سرسبز و شاداب بنائیں۔ 🇵🇰🌱

13/08/2026

#14 August 2026