ADZU JHS Asignaturang Filipino

𝐏𝐀𝐆𝐆𝐔𝐍𝐈𝐓𝐀 || “𝐖𝐚𝐥𝐚𝐧𝐠 𝐦𝐚𝐧𝐠-𝐚𝐚𝐩𝐢 𝐤𝐮𝐧𝐠 𝐰𝐚𝐥𝐚𝐧𝐠 𝐧𝐚𝐠𝐩𝐚𝐩𝐚𝐚𝐩𝐢.”

Ngayong araw, ipinagdiriwang ang ika-165 na kaarawan ng ating pambansang bayani na si Dr. José Protasio Rizal Mercado y Alonso Realonda o mas kilala bilang “Jose Rizal”. Ipinanganak sa Calamba, Laguna, si Rizal ay kilala bilang isang nasyonalista, polymath, ophthalmologist, at nobelista na nagpamalas ng pambihirang talino at naging isang tunay na henyo mula kamusmusan hanggang sa kaniyang pagtanda.

Sa pamamagitan ng kaniyang mga obra maestrang Noli Me Tángere at El Filibusterismo, buong-tapang niyang nailantad ang mga kanser ng lipunan, kasakiman, at katiwalian sa ilalim ng kolonyalismong Espanyol. Dahil dito, namulat ang damdamin ng sambayanang Pilipino upang mag-alsa para sa kalayaan.

Mula noon hanggang ngayon, nananatili siyang bilang isang dakilang inspirasyon. Ipinatunayan ni Rizal na ang edukasyon, talino, at mapayapang panulat ay mas mabisang sandata kaysa sa dahas upang baguhin ang lipunan. Sa kabila ng marangyang buhay, pinili niyang ialay ang kaniyang sarili upang gisingin ang pagkakaisa at pagmamahal ng mga Pilipino sa sariling bayan.

𝑰𝒔𝒊𝒏𝒖𝒍𝒂𝒕 𝒏𝒊: 𝑨𝒆𝒅𝒓𝒊𝒄 𝑬𝒏𝒓𝒊𝒒𝒖𝒆𝒛
𝑳𝒂𝒚𝒐𝒖𝒕 𝒏𝒊: 𝑨𝒍𝒏𝒂𝒔𝒉𝒓𝒂𝒇 𝑺𝒊𝒕𝒊𝒏