San Roque NHS-Kapisanang Filipino

𝐆𝐚𝐥𝐢𝐧𝐠 𝐬𝐚 𝐏𝐚𝐠𝐠𝐚𝐰𝐚 𝐧𝐠 𝐒𝐥𝐨𝐠𝐚𝐧, 𝐈𝐩𝐢𝐧𝐚𝐦𝐚𝐥𝐚𝐬

Ipinamalas ng mga mag-aaral ng Baitang 9 ang kanilang galing sa paggawa at pagdisenyo ng kani-kanilang slogan bilang pagpapakita ng kanilang pakikiisa at pagpapahalaga sa pagdiriwang ng Buwan ng Wikang Pambansa 2026 na may temang: 𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.

Ang mga nabuong slogan ay naglalayong ipahayag sa atin lalo na sa mga kabataan ang magandang naidudulot ng AI subalit lagi nating ikintal sa isipan na ito'y kasangkapan at gabay lamang sa pagpapalawak ng pagkatuto at kaalaman, hindi dahilan upang maisantabi at maitago ang tunay na galing, kasanayan at kaalaman ng isang tao.

Lagi nating tatandaan na ang wikang Filipino ay isang paraan upang matuto at makadiskubri ng kaalaman at ang AI ay kasangkapan na makatutulong sa pagpapalawak ng kaalaman. Gamitin ito nang 𝐓𝐀𝐌𝐀 at sa 𝐓𝐀𝐌𝐀𝐍𝐆 𝐏𝐀𝐌𝐀𝐌𝐀𝐑𝐀𝐀𝐍.

Muli nating balikan at pag-aralan ang mga Bahagi ng Pananalita💕

Ang San Roque National High School ay nakikiisa sa Pagdiriwang ng Buwan ng Wikang Pambansa 2026 na may temang: "Wikang Filipino at AI: Kasangkapan sa Pananaliksik at Tulay sa Yaman ng Impormasyon".

Ang tema ay naglalayong ituring ang AI bilang katuwang ng wika sa pagpapalaganap ng kaalaman sa makabagong panahon, subalit lagi nating pakatandaan na ang AI ay gabay lamang hindi kapalit ng tao. Gamitin ito nang wasto at bilang gabay lamang sa iyong pagkatuto. San Roque National High School

Kashra Dangkahan

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐏𝐨𝐬𝐭𝐞𝐫 𝐑𝐞𝐯𝐞𝐚𝐥!

Maaari mo nang ma-download o makakuha ng kopya ng poster ng Buwan ng Wikang Pambansa 2026 na may temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Mada-download ang digital na poster at iba pang kolaterals sa: https://hostyurl.com/HB40c1

𝐇𝐢𝐧𝐠𝐠𝐢𝐥 𝐬𝐚 𝐭𝐞𝐦𝐚

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Itinuturing ang AI bilang kasangkapan para maiangat pa lalo ang kalidad ng saliksik na inihahandog ng mga Pilipino, unang-una, para sa mga kapuwa Pilipino. Habang kinakasangkapan ang AI, patuloy pa ring tinatahak ng wikang Filipino ang landas ng intelektuwalisasyon na magbubunga ng panloob at panlabas na pagbabago sa bansa. Sa ganitong paraan, kapuwa ang AI at wikang Filipino ay nagiging tulay na gagamitin ng mga Pilipino para sa kanilang pinapangarap na magandang búkas.

Ating ipagdiwang ang ating Wikang Pambansa sa Agosto 2026!

OPISYALES NG SAMAHANG FILIPINO 2025-2026

Available po sa murang halaga!
Mag-comment lamang❤️

PAGDIRIWANG NG BUWAN NG PAGBASA, SINIMULAN NA!

Sinimulan na ng San Roque National High School ang pagdiriwang ng Buwan ng Pagbasa sa pangunguna ng Language Department. Isa sa mga unang aktibidad na inilunsad ay ang Snail Mail, na muling nagbigay-buhay sa tradisyonal na paraan ng komunikasyon—ang pagsusulat ng liham.

Masigla at sabik ang mga mag-aaral mula iba’t ibang baitang habang isinusulat at ipinapadala nila ang kanilang mga liham para sa mga kaibigan, hinahangaan, at maging sa kanilang mga g**o. Naghatid ang aktibidad ng kakaibang karanasan na nagpaalala sa kahalagahan ng pagbasa at pagsulat sa gitna ng makabagong panahon.

Tiniyak naman ng paaralan na marami pang inihandang aktibidad sa buong buwan na tiyak na ikasasaya ng mga mag-aaral. Sa pagpapatuloy ng selebrasyon, layon ng San Roque National High School na maikintal sa isipan ng mga mag-aaral ang kahalagahan ng pagbasa.