07/09/2026
CONGRATULATIONS Jewel Hope Bayawanon of 12 Foucault.
𝗣𝗔𝗚𝗕𝗔𝗧𝗜 | Bayawanon, Watawat ng Southcom NHS sa Pambansang Entablado
Taas-noo, matatag, at may pusong handang maglingkod iyan ang tatak ng isang Southcomian Scout!
Isang malakas na palakpakan para kay Vanguard Scout Jewel Hope Bayawanon mula sa Southcom National High School sa ilalim ng Zamboanga City Council, matapos niyang masungkit ang karangalan bilang isa sa mga National Qualifier ng Ten Outstanding Boy Scouts of the Philippines 2026 para sa Rehiyon ng Western Mindanao.
Hindi ito basta-bastang parangal. Bunga ito ng ilang taong pagsasanay sa ilalim ng init at ulan, pagtulong sa komunidad nang walang hinihintay na kapalit, at paninindigan sa sinumpaang pangako ng isang Scout, Laging Handa.
Mula sa pagiging lider sa loob ng paaralan hanggang sa pagiging boluntaryo sa mga outreach programs at clean-up drives, pinatunayan ni Bayawanon na ang tunay na Boy Scout ay hindi lang marunong magtali ng lubid, kundi marunong ding magbuklod ng kapwa.
Ngayon, dala-dala niya hindi lamang ang pangalan ng Southcom NHS, kundi ang buong puso ng Zamboanga at ng Western Mindanao patungong pambansang pagkilala.
Ang buong pamilya mo sa Southcom National High School ay buong pusong sumusuporta at sumisigaw ng pagmamalaki para sa iyo!
Mabuhay ka, Scout Bayawanon! Ipagpatuloy mo ang pagiging inspirasyon!
Ulat ni: Aliah Agonoy
Disenyo ng larawan ni: Desiree Dilao
