Samahang Filipino ng Ateneo

𝓣𝓸𝓴… 𝓣𝓸𝓴… 𝓣𝓸𝓴… ✨

𝒮𝒾𝓃𝑜 ’𝓎𝒶𝓃?

📚 𝑺𝒂𝑭𝒊𝒍!

𝒮𝒾𝓃𝑜𝓃𝑔 𝑺𝒂𝑭𝒊𝒍?

𝑺𝒂𝑭𝒊𝒍𝒊𝒏𝒈 𝒏𝒂𝒎𝒊𝒏, 𝒂𝒚 𝒍𝒊𝒍𝒊𝒈𝒂𝒚𝒂 𝒌𝒂! 📚❤️‍🔥

Tara na at makiisa sa 𝐒𝐚𝐦𝐚𝐡𝐚𝐧𝐠 𝐅𝐢𝐥𝐢𝐩𝐢𝐧𝐨, isang organisasyong magpapalawak ng iyong kaalaman tungkol sa ating wika, kultura, at pagkakakilanlan bilang Pilipino.

Kung mahilig ka sa asignaturang Filipino, panitikan, sining, at iba pa, ang organisasyong ito ay para sa iyo!

Huwag nang magdalawang-isip dahil

𝓢𝓪𝓻𝓲𝓵𝓲𝓷𝓰 𝔀𝓲𝓴𝓪 𝓪𝔂 𝓶𝓪𝓱𝓪𝓵𝓲𝓷,
𝓢𝓪𝒎𝒂𝒉𝒂𝒏𝒈 𝓕𝓲𝓵𝓲𝓹𝓲𝓷𝓸 𝓪𝔂 𝓹𝓲𝓵𝓲𝓲𝓷. 🫶

Kaya ano pang hinihintay mo? Magrehistro na at makiisa sa aming samahan!

Pindutin ang registration link sa ibaba para sa iba pang impormasyon.

🔗
https://tinyurl.com/muzsvy7b
https://tinyurl.com/muzsvy7b
https://tinyurl.com/muzsvy7b

𝓚𝓲𝓽𝓪𝓴𝓲𝓽𝓼, 𝓶𝓰𝓪 𝓚𝓪-𝓕𝓲𝓵𝓲𝓷𝓰𝓼! ⛵️

Isinulat ni Bb. Sara-Ayesha Shammah
Talatag ni Bb. Reign Reynon

Hello mga 𝒌𝒂-𝑭𝒊𝒍𝒊𝒏𝒈!🙈

Handa na ba kayo sa bagong yugto ng ating 𝐓𝐚𝐨𝐧𝐠 𝐏𝐚𝐧𝐮𝐫𝐮𝐚𝐧 𝟮𝟬𝟮𝟲-𝟮𝟬𝟮𝟳?
Dahil kami ay handang-handa na!🙋‍♀️

Kung kaya't narito ang mga mahahalagang impormasyon na dapat ninyong alamin tungkol sa ✨𝙎𝙖𝙢𝙖𝙝𝙖𝙣𝙜 𝙁𝙞𝙡𝙞𝙥𝙞𝙣𝙤 𝙣𝙜 𝘼𝙩𝙚𝙣𝙚𝙤.✨

Dito'y hindi lamang 𝒌𝒂𝒂𝒍𝒂𝒎𝒂𝒏, 𝒔𝒆𝒓𝒃𝒊𝒔𝒚𝒐, at 𝒌𝒂𝒓𝒂𝒏𝒂𝒔𝒂𝒏 ang aming ibinabahagi, kundi pati na rin 𝐭𝐚𝐰𝐚𝐧𝐚𝐧, 𝐦𝐚𝐬𝐚𝐬𝐚𝐲𝐚𝐧𝐠 𝐚𝐥𝐚𝐚𝐥𝐚, at 𝐡𝐢𝐧𝐝𝐢 𝐤𝐮𝐦𝐮𝐤𝐮𝐩𝐚𝐬 𝐧𝐚 𝐥𝐢𝐠𝐚𝐲𝐚.

Sabay-sabay tayong humakbang sa isang malayang simula, dahil 𝘚𝘢-𝘍𝘪𝘭𝘪𝘯𝘨 𝘯𝘢𝘮𝘪𝘯, 𝘓𝘪𝘭𝘪𝘨𝘢𝘺𝘢 𝘬𝘢!🌞

Mula sa mga tagapagtanggol ng wika at kultura, para sa Maka-Pilipinong Pamantasang Loyola.⛵❤️‍🔥

Kapsyon ni Bb. Reign Reynon
Talatag ni Bb. Nur-Aishah Tahil at Bb. Abbie Cainglet
Nilalaman: Bb. Jerrelyn Prajes at G. Vincent Altamia

☪️ Bismillahir-Rahmanir-Rahim ☪️ (Sa ngalan ni Allah, ang Pinakamaawain at Pinakamahabagin)

🌙 Sa pagsalubong natin sa panibagong taon ng Hijri, nawa'y balikan muna natin nang may taos-pusong pasasalamat ang mga aral, biyaya, at habag na patuloy na ipinagkakaloob sa atin sa mga nagdaang taon. Harinawa'y maging daan ang banal na pagkakataon na ito upang muling paigtingin ang ating pananampalataya, pagyamanin ang ating katapatan sa pagsamba, at manatilihing taimtim sa landas ng katuwiran at kabutihan.

🕌 𝗔𝗺𝘂𝗻 𝗝𝗮𝗱𝗶𝗱 𝗠𝘂𝗯𝗮𝗿𝗮𝗸 🌙

(Mapagpalang Bagong Taon)

🤍 Pagkalooban nawa tayo ni Allah (SWT) ng buhay na ginagabayan ng karunungan, mga puso't isip na payapa, at maraming araw na puno ng barakah (pagpapala at kabutihang nagmumula sa Allah). Nawa'y tanggapin Niya ang ating dalangin, kaawaan ang ating pagkukulang, patibayin ang ating iman (pananampalataya), at patnubayan tayo sa tamang landas na magdadala ng kabutihan sa mundong ating kinatatayuan.

✨ Harinawa’y ipaalala sa atin ng bagong taong ito na sa bawat panimula ay may pag-asa, ang bawat dalangin ay may gantimpala, at ang bawat yapak na ating isinasakatuparan nang may pananampalataya ay hindi kailanman mababalewala.

🤲 Allahumma aj‘al hadha al-‘aam ‘aama khayrin wa barakah wa salam, warzuqna fihi ridaka wa hudan wa nuran. 🌙✨

(O Allah, gawin Mo ang taong ito na taon ng kabutihan, pagpapala, at kapayapaan, at pagkalooban Mo kami ng Iyong kaluguran, gabay, at liwanag.)

Isinulat ni G. John Elowino Fernandez
Talatag ni Bb. Nur-Aishah Tahil

𝙃𝙄𝙉𝘿𝙄 𝙆𝘼 𝙎𝘼𝙔𝘼𝙉𝙂

"Sayang" isang salita sa wikang Filipino na nagmula sa sinaunang ugat ng Proto-Malayo-Polynesian na "sayan" na ang ibig-sabihin ay panghihinayang, o kawalan ng mahalagang pagkakataon.

“Sayang mabait pa naman, kaso bading”

“Sayang may hitsura pa naman, sayang ‘yung mana”

“Pogi/maganda pa naman, sayang"

Sa bawat salitang “sayang," tila’y may nakatagong panukat na hindi naman natin tahasang inaamin. Na para bang may talaan kung sino lang ang nararapat tanggapin, at sino ang ituturing na may kakulangan sa paningin.

Pero seryoso, nararapat bang gawing batayan ang kasarian para husgahan ang kabuuan ng tao?

Kung busilak ang puso at wagas ang pag-aaruga, mabubura ba ang kabutihan dahil sa kung sino ang minamahal niya?

Kung may talino, talento, at pusong marunong umunawa, magiging kulang ba ang kaniyang halaga dahil hindi siya pasok sa pamantayan ng iba?

Sa mundong mahilig magtakda ng tama at mali, may mga pusong piniling manatiling tapat kahit kapalit ay pangungutya at pangamba. May mga matang napuno ng luha ngunit hindi nawala ang pag-asa. May mga tinig na minsang nanginig ngunit natutong lumakas upang ipaglaban ang karapatang binabalewala lang ng iba.

Ngunit kung tutuusin, hindi sayang ang pag-ibig na tapat kung ang kapalit ay tapang at lakas.
Hindi sayang ang pagtanggap sa sarili kung ang bunga ay paghilom at pagbangon mula sa pangamba at pangungulila ng bukas.
Hindi sayang ang pagiging totoo kung ito ang daan tungo sa kalayaan, kalayaang inaasam ng pusong hindi umaatras.

Ang tunay na sayang ay ang mundong mas pinipili ang panghuhusga kaysa pag-unawa, ang mga pusong mas mabilis manakit kaysa umaruga, at ang mga matang nakatingin ngunit tumatangging makakita.

Kaya sa bawat pagkakataong marinig mo ang mga katagang, “Sayang ka pa naman,” sana ay may sumagot:

Hindi ka sayang.
Hindi sayang ang pagiging ikaw.
Hindi ako sayang.
Hindi sayang ang pagiging ako.

At higit sa lahat, hindi kailanman magiging sayang ang isang taong piniling mabuhay nang totoo.

Isinulat ni G. Vincent Altamia
Talatag ni Bb. Reign Reynon

𝗨𝗻𝗮𝗻𝗴 𝗣𝗮𝗴𝗽𝘂𝗽𝘂𝗹𝗼𝗻𝗴 𝗻𝗴 𝗦𝗮𝗺𝗮𝗵𝗮𝗻𝗴 𝗙𝗶𝗹𝗶𝗽𝗶𝗻𝗼 𝗮𝘁 𝗩𝗶𝘀𝘁𝗮 𝗱𝗲 𝗔𝗴𝘂𝗶𝗹𝗮 | Matagumpay na naisagawa ang kauna-unahang opisyal na pagpupulong ng mga opisyal ng Samahang Filipino at ng editorial board ng Vista de Aguila. Nagtipon ang dalawang organisasyon upang talakayin ang mga mahahalagang usaping pang-organisasyon at palakasin ang ugnayan sa pamamagitan ng kanilang unang kolaborasyon.

Tinalakay sa pagpupulong ang iba't ibang plano at mga nakatakdang gawain na magsisilbing gabay sa susunod na proyekto at inisyatiba ng parehong organisasyon. Nawa'y magsilbi itong simula ng isang produktibo, makabuluhan, at matagumpay na pagtutulungan para sa kapakanan ng komunidad ng mga mag-aaral.

Mula sa mga Tagapagtaggol ng wika at kultura, para Mapagmalasakit na Pamantasang Layola! ❤️‍🔥⛵️

Isinulat ni: Bb. Angelica Alexandria A. Ebrahim�Talatag ni: Bb. Nur-Aishah Tahil

𝗨𝗻𝗮𝗻𝗴 𝗣𝗮𝗴𝗽𝘂𝗽𝘂𝗹𝗼𝗻𝗴 𝗻𝗴 𝗦𝗮𝗺𝗮𝗵𝗮𝗻𝗴 𝗙𝗶𝗹𝗶𝗽𝗶𝗻𝗼 | Matagumpay na naisagawa ang kauna-unahang opisyal na pagpupulong ng mga pinuno ng Samahang Filipino sa pangunguna nina Pangulo Reign at Pangalawang Pangulo Nur-Aishah, kasama ang mga Tagapangulo ng samahan.

Tinalakay sa pagpupulong ang mga mahahalagang usapin tungkol sa organisasyon at ang mga nakatakdang plano para sa mga susunod na gawain ng samahan. Nawa'y magsilbi itong simula ng isang produktibo at makabuluhang taon para sa Samahang Filipino.

Mula sa mga Tagapagtaggol ng wika at kultura, para Mapagmalasakit na Pamantasang Layola! ❤️‍🔥⛵️

Isinulat ni: Bb. Alexandria Ibrahim
Talatag ni: Bb. Nur-Aishah Tahil